1 ዋ̈ኒ̇ 3:2 - ኦራ ጫ̈ቃ ማጻ̈ፋ

² ታ ላጋ̇ን! ኑ̈ኒ ዓት ጾ̈ሳ̇ ናኤ። ዓኒ̇ፖ ጌዳ ኑ̈ኒ ኣብዝ ማ̈ቂ̇̈ርኮ ኤሪንታካ̇ዬ፤ ዎቲናካሬ ክርስቶ̈ሲ ዬ̈ዚምባራ ኑ̈ኒ ኢ ማ̈ልኪ̈ን ኢዞ ቤ̈ቂ̇ዛኮታ̈ቦ ኑ̈ናር ኢያ ማይጻዚን ኑ ኤሪ̈ሬ።

1 ዋ̈ኒ̇ 3:2 ပူးပေါင်းရင်းမြစ်များ

ማ̈ቶ̈ሳ 5:8

ቡ̈ዳ ጌ̈ሽ ማ̈ቂ̇ኖን፥ ኢንቲ̇ ጾ̈ሳ̇̇ ቤቂ̇ዛኮታ̇ቦ ኣንጂንቲኖን።

ሉቃ̈ሳ 17:30

“ታ ኣሳ ናኣ ዬ̈ዝ ጋላሲ̇ንዳሬ ዪና̇ ኢዝፌ̈ን ማ̈ቃ̇̈ሬ።

ሉቃ̈ሳ 20:36

ኢንቲ̇ ኪ̈ታንቻ̇ንፌ̈ን ማ̈ቂ̇ኖኮታ̇ቦ ኢናፖ̇ ዎሃ ኢንቲ̇ ዓይቂ̇ባ̈ሴ። ጾ̈ሲ̇ ኢንታ̇ ዓይቃ ጋርታ̇ፖ̇ ዲንሪ ሼምፓባር ጋዲ̇ኖኮታ̇ቦ ኢንቲ̇ ጾ̈ሳ̇̇ ናኤ።

ዋ̈ኒ̇ሳ 1:12

ዎቲናካሬ ኢያ ፌዬ̇ ጌዪ ኤኪ̇ኖንብኬ ኢ ሱምንባር ኣማ̇ኒኖቦ ኢንቲ̇ ጾ̈ሳ̇̇ ናኢ ማ̈ቃ̇ምፔ̈ኒ ኢንታ̇ብ ሲልጣ̈ና ኢሚ̇ዴ።

ዋ̈ኒ̇ሳ 11:52

ኣይሁድ ዎርዣ̈ቦ ሙታ̇ ጊዳካይዶን ላ̈ሊ̇ንቲኖ ጾ̈ሳ̇̇ ናኣን ሺ̈ሻ̇ንዳብኬ ዎል ፔታ̇ን ማሃንዳብ ዓይቂ̈ሬ።

ዋ̈ኒ̇ሳ 17:24

“ቴ ባ̈ባ̈ዶ! ዓን ኔ ታ̈ብ ኢሚ̇ኖ ኣሳን ቴ ዎ ቤስ̇ ኢንቲ ዬ̈ምፔ̈ንኬ፥ ዓና ሳ̈ዚን ኮቺ̇ንታካይዶን ኔ ታ̈ና ካኖኮታ̇ቦ ታ̈ብ ኢሚ̇ኖ ቦንቺ̇ን ቤቃምፔ̈ን ኮያ̈ሬ።

ሮሜ 8:16

ጾ̈ሳ̇ ኣያ̇ና̈ዲ ኑ ኣያ̇ናባር ዎልኣ ማ̈ቃ̇ሪ ኑ̈ኒ ጾ̈ሳ̇ ናኢ ማ̈ቂ̇ኖን ኑ̈ብ ማርኪ̇ቲ̈ሬ።

ሮሜ 8:18

ኑ ዓት ኤኪ̇ዝ ሜታ̇ን ጊዳክ ኑ ዲጛዝ ቦንቺ̇ምባር ካሚሳምባራ ኣባካር ጌዪን ዎልኣ ዬላ̇ንዳብ ዳንዳኢባ̈ሴ ጌያ ፋይዳ̈ሬ።

ሮሜ 8:19

ጾ̈ሲ ኮቺ̇ኖ ባዚ ዎይ ጾ̈ሳ̇̇ ናኣን ኬስካ̇ር ቤንታ̇ዝ ጋላሲ̇ን ጴች ሹ̈ናባር ና̈ጊ̈ሬ።

ሮሜ 8:29

ኣባ ጌይን ጾ̈ሲ ቲ̈ን ኢንታ̇ ኤሪኖ ኣሳን ጾ̈ሳ̇ ናኣ ማይጻምፔ̈ንኬ ናኣ̈ዳሬ ዎይሊን ኢሺንታን ጋርታፖ̇ ኡስ̇ ማ̈ቃ̇ምፔ̈ን ጾ̈ሲ ቲ̈ኒታር ዎሳ̇ኒኔ።

1 ቆሮ 13:12

ዓት ኑ̈ኒ ዲል̇ ጌይኖ ማስቶ̈ታ ጋርታ ኑ ኑ̈ና ቤቃ̇ዚንዲፌ̈ን ቤቂ̈̇ሬ። ዎቲናካሬ ጊዳክ ዪና̇ ኢዝባራ ፋላ̇ጋል ቤቂ̇̈ሬ፤ ቴ ዓት ኤራዚንዳ ዶኪ̇ን ሙታ፤ ዎቲናካር ጊዳን ጾ̈ሲ ታ̈ና ኤሪኖንዲፌ̈ን ማ̈ቂ̇ኖ ኩም ኤራ ታ̈ብ ዶኢ̈ሬ።

1 ቆሮ 15:49

ኑ̈ኒ ዓት̇ ሳ̈ዶ ና̈ሳ ማይጻዚንዲፌ̈ኒ ጊዳክ ፔታ̇̈ቦ ኑ̈ኒ ኣፎ ና̈ሳ ማይጺ̈ሬ።

1 ቆሮ 2:9

ማ̈ቂ̇ናካሬ ጌ̈ሻ̇ ማጻ̈ፋ ጋልዳ፥ “ኣሳ ኣ̈ፊ ቤቃካ̇ዮን፥ ኣሳ ዋይ ሲስካካ̇ዮን፥ ኣሳ ቡ̈ዳ ጋርታ ቆፒ̇ንታ̇ካ̇ዮን፥ ጾ̈ሲ̇ ፌ ካዝ ኣሳንቦ ጊ̈ጊሲኔ” ጌይሬ።

2 ቆሮ 3:18

ኑ ዎይን ኣፊላባር ካጚንታካዮ ኣ̈ፍባራ ጎዳ ቦንቺ̇ን ማስቶ̈ታፌ̈ን ቤይሲሙታ̇ ኢያ ማይጻንዳ̇ቦ ቦንች ጋልዳ ቦንች ጉጂ̇ሙታ ዲጪ̇̈ሬ፤ ዪዳር ማ̈ቂ̇̈ዛ̈ዲ ጎዳ ኣያ̇ና ጋልዳፖ̇።

2 ቆሮ 4:17

ዓት ኑ̈ና ዋ̈ዪዝ ጊላ̇ ጊዛብ ሙታ̇ ጋምኣዝ ሜቲን ጊሊ̇ን ዓና ዎይሊን ጴች ማ̈ቂ̇ኖ ሜናብ ዶኢዝ ቦንች ኑ̈ብ ቤይሳ̈ሬ።

ጋላ̈ታ 3:26

ዪንቲ̇ ዎይን ዬሱ̈ስ ክርስቶ̈ሳ ኣማ̇ኒኖኮታ̇ቦ ዪንቲ̇ ጾ̈ሳ̇ ናኤ።

ጋላ̈ታ 4:6

ኑ̈ኒ ጾ̈ሳ̇̇ ና̈ኣን ማ̈ቂ̇ኖኮታ̇ቦ ጾ̈ሳ̇̇̈ዳ “ኣባ̈ቦ̇” ጌዪሙታ̇ ኢያ ጼይጊዝ ፌ ናኣ ኣያ̇ና ኑ̈ብ ሚሺዴ።

ፊል 3:21

ኢ ዎይ ባዝ ፌ ሲልጣ̈ና ጻና ኣ̈ዝ ፌ ዎልቂንባራ ዓይቃ̇ዝ ኑ ኣይሺ̇ን ኦ̈ሃሪ ቦ̈ንቺንቲኖ ጋሊ̇ን ፌ̈ኮን ማይጻምፔ̈ን ዎቲ̈ሬ።

ቆላ̈ሳ̈ሳ 3:4

ዪንታ̇ብ ሼምፓ ማ̈ቂ̇ኖ ክርስቶ̈ሲ ቦንችባራ ቤንታ̇ምባራ ዪንታ̇ሬ ኢባር ዎልኣ ቦንችባራ ቤንቲ̇̈ሬ።

ኢብ 9:28

ዪዚ ክርስቶ̈ሲ ዎይሊን ኣስ ናጋራ ይሳ̇ንዳቦ ጋ̈ሪ ፔቲ ቶ̈ህ ፌ̈ና ዣ̈ርሻ ማሂኔ። ማ ማ̈ቃ̇ሪ ዬይሬ፤ ማ̈ቃ̇ር ዬይዛ̈ዲ ዓታ̇ር ኣሳ ናጋራ ቶ̈ካንዳብ ጊዳካ̇ይዶን ኢ ዬንቲ̇ን ና̈ጊዝ ኣሳን ፋንዳቦ።

2 ጴጥ 1:4

ኑ̈ኒ ኢ ቦንቺ̇ንባርኬ ኢ ኣሽኪቲንባራ ዎይሊን ጴችኬ ቦንቺንቲ̇ኖ ታስፋ ዲጚኔ፤ ዪኒ ጎይባራ ዪንቲ̇ ኢ̈ታ ኢናንኮታ̇ ጾ̈ሲ ዓኒ̇ ኣላሚን ጋልዳ ኤሄይዝ ጎይሊን ጋልዳፖ ቡ̈ታ̇ሪ ጾ̈ሳ̇ ጾ̈ሲቲን ጋልዳፖ ኤኪ̇ዝ ኣስ ማ̈ቂ̇ኔ።

1 ዋ̈ኒ̇ 2:28

ዪዚ ታ ና̈ኣን! ዪንቲ ክርስቶ̈ሲ ዬ̈ዚምባ̈ራ ኢ ቲ̈ን ዬልቃካ̇ዮ̈ዲፌ̈ንኬ ኢ̈ች ቤዪ ኢያ ቤቃ̇ምፔ̈ኒ ኢባራ ዶኢብቴ።

1 ዋ̈ኒ̇ 2:7

ቴ ላጋ̇ን! ቴ ዓት ዓና̇ ዪንታ̇ብ ጻ̈ፋዚንዳ ዪንቲ̇ ቲ̈ናፖ ሲስኪ̇ሙታ ዎባዝዶኬ ኦራ̈ ኪ̈ታ ጊዳካ̇ዬ። ዪና̇ ሚኖ ኪ̈ቲንዳ ዪንቲ̇ ኢዞ ዓኒ̇ፖ ቲ̈ን ሲስኪ̇ኖንዶ።

1 ዋ̈ኒ̇ 3:1

ኑ̈ኒ ጾ̈ሳ̇ ናኤ ጌይንቲ ጼ̈ይጊንታም̈ኒ ጾ̈ሳ̇ ኑ̈ና ዎዛ̈ርፌ̈ን ካኖኮ ቤቂ̇ብቴ! ኪንባራ ኑ̈ኒ ጾ̈ሳ̇ ናኣን። ኣላሚን ዓና̇ ኑ̈ና ኤራባሶንዳ ኢዛ ጾ̈ሳ̇ ኤራካ̇ዮኮታ̇ቦ።

1 ዋ̈ኒ̇ 3:10

ጾ̈ሳ̇ ናኣንኬ ሴ̈ጣና ናኣን ኤሪን̇ታ̈ዚንዳ ዪኒ̇ባ̈ራ፦ ጺላ̇ባዝ ኦ̈ባ̈ሶ̈ዲኬ ፌ ኢሻ ካባ̈ሶ ኣሲ ዎይ ጾ̈ሳ̇ ናኢ ጊዳካ̇ዬ።

1 ዋ̈ኒ̇ 3:21

ቴ ላጋ̇ን! ኑ ቡ̈ዲን ኑ̈ና “ኔ ኢ̈ቲ̇ ኦ̈ኔ” ጋ̈ባስኮ ጾ̈ሳ̇ ቲ̇ን ኑ̈ቦ ኢ̈ች ባዬ̇።

1 ዋ̈ኒ̇ 5:1

ዬሱ̈ሲ ኢ ክርስቶ̈ሳ ማ̈ቂ̇ኖን ኣማ̇ኒዝ ኣሲ ዎይ ጾ̈ሳ̇̈ቦ ናኤ፤ ባ̈ባ̈ ካዝ ኣሲ ዎይ ናኣዳር ካሬ።

ሳጻ 2:28

ኢ ጋሚኖን ቴ ኤርሳንዳቦ ቴ ኢቦ ዎን ቤ̈ርስ ኢማ̇ንዳ።

ሳጻ 22:4

ኢንቲ̇ ኢ ኣፊን ቤቂ̇ሬ፤ ኢ ሱ̈ምዳር ኢንታ ዴ̈ሚን ጋልዳ ዶኢ̈ሬ።