3 ኑ̈ኒ ጾ̈ሳ̇ ኪ̈ቲን ኦ̈ዝ ኣስኮ ኑ̈ኒ ኢያ ኤራ̈ዚን ዪኒባር ኤሪንታ̇̈ሬ።
“ቴ ዪንታ̇ክ ጋ̈ዚን ዪንቲ̇ ዎቲባ̈ስዶሪ ኣባብ ታ̈ኮ ‘ጎዳ̈ዶ! ጎዳ̈ዶ!’ ጌይራ?
“ዪንቲ̇ ታና ካርኮ ቴ ኪ̈ቲን ና̈ጊብቴ፤
ታ̈ኒ ቴ ባ̈ባ ኪ̈ቲን ና̈ጋራ ኢ ካንምባር ዶኣዚንዲፌ̈ን፥ ዪንታ̇ሬ ቴ ኪ̈ቲን ና̈ጌጌይን ዪንቲ̇ ቴ ካምባ̇ር ዶኢ̈ሬ።
ዪንታ̇ሬ ቴ ዪንታ̇ ኪ̈ቲኖ ኪ̈ታን ና̈ጊ ፎቲዝ ባዝ ማ̈ቄጌይን ዪንታ̇ር ቴ ካን ኣሴ።
ሜናብ ሼምፓባር ዶኢ ጋ̈ዚንዳ፥ ኪን ጾ̈ስ ማ̈ቂ̇ኖ ኔ̈ና ኤራዚንዲኬ ኔ ኪ̈ታ̇ር ሚሺኖ ዬሱ̈ስ ክርስቶ̈ሳ ኤራዚንዶ̇።
“ፎኢን ም ጋርታ ፎኦ!” ጋ̈ሪ ሶ̈ሊኖ ጾ̈ሳ̇̇̈ዲ ክርስቶ̈ሳ ዴ̈ሚን ጋልዳ ፎ̈ኢዛ ጾ̈ሳ̇ ቦንቺ̇ን ኤራምፔ̈ን ዎቲዝ ፎኢን ኑ̈ብ ኢማ̇ንዳቦ ፌ ፎኢንን ኑ ቡ̈ዲን ጋርታ ፎ̈ኣምፔን ዎቲዴ።
ዬሱ̈ሲ ፌ ኦ̈ንዳብ ኮሻ̇ዝ ባዚን ኦ̈ ፎቲኖፖ ዓኒ ኢ̈ብ ኪ̈ቲንቲ̇ዛን ዎይን ሜና ፋቲ ዲጛምፔ̈ኒ ጎይ ኢንታ̇ብ ፊርቂ̇ዴ።
ባ̈ቢ̈ንታ̈ን! ቲና̈ፖ ዎ ኢያ ዪንቲ̇ ኤሪኖኮታ̇ቦ ቴ ዪንታ̇ቦ ጻ̈ፋሬ። ና̈ኢ̈ቲን! ዪንቲ ሴ̈ጣና ጋሚኖኮታ̇ቦ ቴ ዪንታ̇ቦ ጻ̈ፋ̈ሬ።
ኑ̈ኒ ኑ̈ ኢሺንታ̇ን ካዛኮታ̇ቦ ዓይቃ ጋርታ̇ፖ ሼ̈ምፓ ጎይም ጋልዳ ፊ̈ጚኖን ኑ ኤሪ̈ሬ፤ ኣስ ካባ̈ሶ ኣሲ ዓይቃ ሺፋ ጻና ዎ።
ኑ̈ኒ ኪን ኣስ ማ̈ቂ̇ኖን ኤራዚንዳ ዪኒ̇ባራ፤ ማ “ኔ̈ኒ ባላ” ጋ̈ራ ኑ ቡ̈ዲን ኑ̈ብ ሶ̈ላዚምባራ ጾ̈ሳ̇ ቲ̈ን ኢ̈ች ቤይ ሺ̈ቃንዳቦ ዳ̈ንዳኣዚን ኑ ኤራዚንዳሬ ዪኒ̇ባራ። ኣባ ጌይን ጾ̈ሲ ኑ ቡ̈ዳ ጋርቶ̇ ቆፊምፖ ሺሬ፥ ማ ኢ ዎይ ባዝ ኤሪ̈ሬ።
ክርስቶ̈ሳባር ዶኢዚ ኣሲ ዎይ ናጋራ ኦ̈ባ̈ሴ፤ ናጋራ ኦ̈ዝ ኣሲ ክርስቶ̈ሳ ቤኣካ̇ዬ፥ ማ ኢያ ኤራካ̇ዬ።
ጾ̈ሳ̇ ፌ ኣያ̇ና ኑ̈ብ ኢሚ̇ኖኮታ̇ቦ ኑ̈ኒ ጾ̈ሳ̇̇̈ባር ዶኣዚንዲኬ ጾ̈ሳ̇̇̈ዳር ኑባር ዶኣዚን ኑ̈ኒ ኤሪ̈ሬ።
ቴ ላጋ̇ን! ካ̈ን ጾ̈ሳ̇ፖ ማ̈ቂ̇ኖኮታ̇ቦ ኑ̈ኒ ዎልዎልኣ ካንቲ̇ስቶ̈፤ ካዛ ዎይ ጾ̈ሳ̇ ና̈ኤ፤ ማ ጾ̈ሳ̇ ኤሪ̈ሬ።
ኑ̈ኒ ጾ̈ሳ̇ ናኣን ማ̈ቂ̇ኖን ኤሪ̈ሬ፤ ዎቲናካሬ ዓና̇ ኣላሚን ዎይ ሴ̈ጣና ዎልቂ̇ን ጻና ኣቂኔ።
ጾ̈ሳ̇ ናኣን ካዝ ኣስ ማ̈ቂ̇ኖን ኑ̈ኒ ኤራዚንዳ ጾ̈ሳ̇̇ ካጌይንዲኬ ኢ ኪ̈ቲን ና̈ጊ ፎቴጌይንዶ።
ኣሲ ጾ̈ሳ̇ ካ̈ሬ ጋ̈ዚንዳ ኢ ኪ̈ቲን ኦ̈ ፎታዚንዶ፤ ኢ ኪ̈ታንሬ ጴች ዴ̈ጺዝ ባዝ ጊዳካ̇ዬ።
ዳዋ̈ዲ ኣሲን ጋልዳ ዛልቃ̈ሪ ኣቲ̇ኖ ኢዝ ዜርንባር ኦሊንታ̇ንዳብ ሉኪ̇ዴ፤ ኢንታ̇ሬ ጾ̈ሳ̇̈ ኪ̈ታን ናጊዛንኬ ዬ̈ሱ̈ሳ ባዚን ማርኪቲዛን።
ጾ̈ሳ̇̈ ኪ̈ቲን ና̈ጊዝ ኣሳንኬ ዬሱ̈ሳ ኣማ̇ናር ሚ̈ጚዝ ኣሳን ዪኒ̇ባራ ጋርዣንዳብ ኮሺ̈̇ሬ።
ሼምፓ ኢሚ̇ዝ ሚን ጋልዳፖ ኣ̈ፍ ሞ̈ንዳብኬ ኢዝ ካሪምባራ ካታሚን ጋርታ ጌላንዳቦ ዳንዳኣምፔ̈ኒ ፌ ኣፊሊን ሜ̈ጪዛን ኢንቲ̇ ኣንጂ̇ንቲ̇ኖን።
