1 ዋ̈ኒ̇ 2:27 - ኦራ ጫ̈ቃ ማጻ̈ፋ

²⁷ ክርስቶ̈ሳ ጋልዳፖ ዪንቲ ኤኪ̇ኖ ኣያ̈ናዲ ዪንታ̇ባር ዎኮታቦ ሜላ ዪንታ̇ ታማርሲዝ ኣሲ ዪንታ̇ብ ኮሺባ̈ሴ፤ ዪንታ̇ባ̈ራ ዎ ኢ ዎይ ባዝ ዪንታ̇ ታማ̈ርሲ̈ሬ፤ ኢ ፌ ቆማ̇ብ ኪን ማ̈ቂ̇ኖኮታ̇ቦ ኪንን ታማ̈ርሲ̈ርዶኬ ማቃ ታማ̈ርሲባ̈ሴ፤ ኢ ዪንታ̇ ታማ̈ርሲኖንዲፌ̈ን ዪንቲ̇ ክርስቶ̈ሳባር ዶኢብቴ።

1 ዋ̈ኒ̇ 2:27 ပူးပေါင်းရင်းမြစ်များ

ማ̈ቶ̈ሳ 13:11

ኢያር ኢንታ̇ኮ “ዪንታ̇ቦ ጾ̈ሳ̇̇ ካ̈ቲቲ ሚ̈ስጢሪን ኤራምፔ̈ን ኢሚ̇ንቲ̇ኔ፥ ኢንታ̇ብ ኢሚ̇ንታ̇ካዬ።

ዋ̈ኒ̇ሳ 14:16

ታ̈ኒ ቴ ባ̈ባ̈ ጌሻንዳ̇ ኢያሬ ሜናብ ዪንታ̇ባር ዶኢዝ ሜላ ዪንታ̇ ሚንዛዳ ዪንታ̇ብ ኢሚ̇ሬ።

ዋ̈ኒ̇ሳ 14:17

ኢያሬ ጾ̈ሳ̇̇̈ዲ ኢ ኪን ኦ̈ናኮ ኣሳብ ኤሪሲዝ ኣያ̇ና፤ ኣላማ ጋልዶ ኣሳን ኢያ ቤቃካ̇ዬ ማ ኢያ ኤሪባ̈ሶኮታ̇ቦ ኢንቲ̇ ኢያ ፌ ቡ̈ዳ ጋርታ̇ ኤካ̇ንዳብ ዳንዳኢባ̈ሴ፤ ዎቲናካሬ ዪንቲ̇ ኢ ዪንታ̇ባር ዎኮታ̇ብኬ ዪንታ̇ ጋርታ̇ ዶኣዚንኮታ̇ቦ ዪንቲ̇ ኢያ ኤሪ̈ሬ።

ዋ̈ኒ̇ሳ 14:26

ቴ ባ̈ባ̈ዲ ቴ ሱምባር ሚሺዛ ሚንዛ ጌ̈ሻ̇ ኣያ̇ና̈ዲ ኢ ዎይ ባዝ ዪንታ̇ ታማ̈ሪሲሬ፥ ቴ ዪንታ̇ብ ሶ̈ሊኖ ባዛን ዎይ ዪንታ̇ብ ኤልቅ ዎቲ̈ሬ።

ዋ̈ኒ̇ሳ 16:13

ዎቲናካሬ ጾ̈ሳ̇̇ ኪንባር ኢ ኦ̈ናኮ ኢ̈ኮን ኤሪሲዝ ኣያ̇ና ዬ̈ዬጌዪንዶ ኢ ኪን ጎይ ዎይ ዪንታ̇ ቲ̈ኒሬ። ኢ ሶ̈ላዚንዳ ፌ ሲስኪ̇ኖ ባዚንዶዶኬ ፌ ጋልዳፖ̇ ኬሲ̇ ሶ̈ሊባሴ፤ ኢ ቢርት ቲ̈ን ዬይዝ ባዝ ዪንታ̇ብ ሶ̈ሊ̈ሬ።

ዋ̈ኒ̇ሳ 4:14

ቴ ኢማ̇ዝ ዋ̈ን ኡሽኪ̇ዝ ኣሲ ኣባካር ጌይን ዉርሲ ባርሲንቲ̇ባ̈ሴ። ቴ ኢማ̇ዝ ዋ̈ን ኢ ጋርታ̇ፖ̇ ፉዳ ኬስኪ̇ዝ ዶቃ ዋ̈ፌ̈ን ሜናብ ሼምፓባር ዶኢ ኢሚ̇ዝ ዋ̈ ማ̈̇ቃ̇̈ሬ” ጌይዴ።

ዋ̈ኒ̇ሳ 6:45

ናባን ማጻ̈ፋ ጋልዳ̇ ‘ኣሳን ዎይ ጾ̈ሳ̇̇ ጋልዳፖ̇ ታማ̈ሪ̈ሬ’ ጋ̈ሪ ጻ̈ፊንቲ̇ኔ፤ ቴ ባ̈ባ ጋልዳፖ̇ ሲስካ̇ር ታማ̈ሪኖን ዎይ ታ̈ክ ዬይሬ።

1 ቆሮ 2:12

ጾ̈ሳ̇̇ ጋልዳፖ̇ ኑ̈ብ ሜላ̇ ኢሚ̇ንቲ̇ኖ ባዛን ኣብዝኮ ኑ̈ኒ ኤራምፔ̈ኒ ጾ̈ሲ̇ ኑ̈ቦ ፌ ኣያ̇ና ኢሚ̇ዶኬ ዓኒ̇ ኣላሚን ጋልዶ ኣያ̇ና ኑ̈ብ ኢማ̇ካ̇ዬ።

1 ቆሮ 2:13

ኑ̈ኒ ሶ̈ላዚንዳ ኣሳ ጋልዳፖ̇ ኤኪ̇ኖ ኤራባር ጊዳካ̇ይዶን ጾ̈ሳ̇̇ ኣያ̇ና ጋልዳፖ ታማ̈ሪኖ ቃ̈ላ ሶ̈ሊ̈ሬ። ጾ̈ሳ̇̇ ኣያ̇ና ጋልዳፖ ቤንታ̇ዝ ኪን ቲሚርቲ̇ንዶ ኑ̈ኒ ጾ̈ሳ̇ ኣያ̇ና ጋልዳፖ ቤንቲ̇ዝ ቃ̈ላባር ታማ̈ርሲ̈ሬ።

2 ቆሮ 1:21

ዪዚ ኑ̈ናር ዪንታ̇̇ር ክርስቶ̈ሳባር ሚ̈ጛምፔ̈ን ዎቲኖ̈ዲ ጾ̈ሳ̇̇̈ዳ፤ ኑ ኢ ኦ̈ሲን ኦ̈ምፔ̈ን ማራ̇ጺኖ ኢያ።

ኤፍ 4:21

ዪንቲ̇ ኪን ኢ ባዚን ሲስኪ̇ኔ፤ ዪንቲ̇ ኢባር ፔታ̇ን ማ̈ቂ̇ኖንባራ፥ ኪን ማ̈ቂ̇ኖን ዬሱ̈ሳ ቲሚርቲ̇ን ዪንቲ̇ ታማ̈ሪኔ።

ቆላ̈ሳ̈ሳ 2:6

ዪዚ ዪንቲ̇ ጎዳ ዬሱ̈ስ ክርስቶ̈ሳ ኣማ̇ኒኖንዲፌ̈ኒ ኢባ̈ራ ዶኢብቴ።

1 ታሳ 2:13

ማ̈ ኑ̈ኒ ዪንታ̇ኮ̈ታ ጾ̈ሳ̇ ዎይ ጋ̈ላስ ጋ̈ላታዚንዳ ዪንቲ̇ ኣማ̇ኒዝ ኣሳን ጋልዳ ኦ̈ዝ ዪና̇ ቃ̈ሊን ዪንቲ ኑ ጋልዳፖ̇ ሲስኪ̇ኖንባራ ኣሲ ሶ̈ሊዛ̈ዲፌ̈ን ማሃር ቤ̈ቃካ̇ይዶር ጾ̈ሲ ሶ̈ሊዛ̈ዲፌ̈ን ማሃር ኤኪ̇ኔ፤ ኢዛ̈ር ኪን ጾ̈ሳ̇ ቃ̈ላ።

1 ታሳ 4:9

ዎልዎልኣ ካንታዚን ጎይ ዪንቲ̇ ጾ̈ሳ̇̇ ጋልዳፖ ታማ̈ሪኖኮታ̇ቦ ባዚን ዪኒ̇ ጎይ ኦ̈ናካር ዪንታ̇ብ ጻ̈ፋንዳብ ኮሺ̇ባ̈ሴ።

1 ጢማ̈ 2:7

ታ̈ናር ዪኖ̇ ሶ̈ላንዳብኬ ኪንን ማርኪታንዳ̇ቦ ሃዋ̈ራኬ ኣስታማ̈ሪ ማ̈ቃ̇ራ ኣይሁድ ባዮ̇ ኣሳንኮ ኪ̈ቲንታ̇ር ሉኪ̇ኖንዳ ዓኒ̇ ጊሼ̇፤ ቴ ዪኖ̇ ኪን ሶ̈ላ̈ርዶኬ ማቃ̇ባሴ።

1 ጴጥ 1:23

ዪንቲ ናምኢ ዬሊንቲ̇ኖንዳ ሜናብ ሼምፓባር ዶኢዝ ጾ̈ሳ̇ ቃ̈ላባር ዪባ̈ሶ ዜር ጋልዳፖዶኬ ዪዝ ዜር ጋልዳፖ ጊዳካ̇ዬ።

1 ዋ̈ኒ̇ 2:28

ዪዚ ታ ና̈ኣን! ዪንቲ ክርስቶ̈ሲ ዬ̈ዚምባ̈ራ ኢ ቲ̈ን ዬልቃካ̇ዮ̈ዲፌ̈ንኬ ኢ̈ች ቤዪ ኢያ ቤቃ̇ምፔ̈ኒ ኢባራ ዶኢብቴ።

1 ዋ̈ኒ̇ 3:24

ጾ̈ሳ̇ ኪ̈ቲን ና̈ጊዛን ዎይ ጾ̈ሳ̇ባር ፔታ̇ን ማ̈ቃ̇ር ዶኢ̈ሬ፤ ጾ̈ሳ̇̇̈ዳሬ ኢንታ̇ባር ዶኢ̈ሬ። ኑ̈ናሬ ጾ̈ሳ̇ ኑ̈ባራ ዎን ኤራዚንዳ ኢ ኑ̈ቦ ኢሚ̇ኖ ኣያ̇ናባራ።

2 ዋ̈ኒ̇ 1:2

ዪና̇ ኪንንዳ ኑ ጊዳ̇ ዎ ማ ሜናባሬ ኑባር ዶኣ̈ሬ።