23 ናኣ ኢጺ̇ዛ̈ዲ ባ̈ባ̈ዳር ኢጺ̇̈ሬ፤ ናኣ ኣማ̈ኒዝ ኣሲ ባ̈ባ̈ዳር ኣማ̇ኒ̈ሬ።
ታ ባ̈ባ̈ዲ ታ̈ብ ዎይ ባዝ ኢሚ̇ኔ፤ ባ̈ባ̈ፖ̇ ሜላ ኦ̈ናካር ናኣ ኤሪዛ ባዬ̇፤ ዪና̇ ኢዝፌኒ ናኣ̈ፖ ሜላ ባ̈ባ̈ ኤሪዛ ባዬ̇። ባ̈ባ ኦ̈ናኮ ናኣ̈ዲ ኢባዝ ኤርሳካ̇ይ ኣቴ̇ጌይን ኦ̈ና̈ካር ባ̈ባ̈ ኤራንዳ̇ብ ዳንዳኢባ̈ሴ።
“ዎይ ባዚ ቴ ባ̈ባ ጋልዳፖ̇ ታ̈ቦ ኢሚንቲ̇ኔ። ማ ናኣ ኢ ኦ̈ናኮ ባ̈ባ̈ፖ̇ ኣቲ̇ን ሜላ ኤሪዝ ኣሲ ባዬ̇። ማ ባ̈ባ̈ ኦ̈ናኮ ናኣ̈ፖ̇ ኣቲ̇ን ዎይ ናኣ ቤይሳንዳ̇ብ ኮዪኖ ኣሳፖ̇ ኣቲን ሜላ ኤሪዝ ኣሲ ኦ̈ናካር ባዬ̇” ጌይዴ።
ታ̈ናኬ ቴ ባ̈ባ̈ዲኬ ዎልኣ ፔታ̇ኔ” ጌይዴ።
ዪኖ̇ ዎይ ኢንቲ̇ ዎታዚንዳ ኢንቲ̇ ቴ ባ̈ባ̈ዳር ማ̈ቂ̇ን ታ̈ና ኤራካ̇ዮኮታ̇ቦ።
ሜናብ ሼምፓባር ዶኢ ጋ̈ዚንዳ፥ ኪን ጾ̈ስ ማ̈ቂ̇ኖ ኔ̈ና ኤራዚንዲኬ ኔ ኪ̈ታ̇ር ሚሺኖ ዬሱ̈ስ ክርስቶ̈ሳ ኤራዚንዶ̇።
ኢ ዪኖ̇ ዎቲኖንዳ̇ ኣሲ ዎይ ባ̈ባ ቦንቻ̇ዚንዲፌ̈ኒ ናኣ̈ዳር ቦንቻ̇ምፔ̇̈ኒዬ። ናኣ ቦንቺ̇ባ̈ሶ ኣሲ ኢያ ኪ̈ቲ̇ ሚሺኖ ባ̈ባ ቦንቺ̇ባ̈ሴ።
ኢናፖ̇ ኢንቲ̇ ኢ̈ኮ “ኔ ባ̈ባ ዎይዲ ዎ?” ጋ̈ሪ ኦይጪ̇ዴ። ኢያር ኢንታ̇ኮ “ዪንቲ̇ ታ̈ናር ኤሪባ̈ሴ ቴ ባ̈ባ̈ዳር ኤሪባ̈ሴ ዪንቲ̇ ዎን ታ̈ና ኤሪኖኮ ቴ ባ̈ባ̈ዳር ኤሪ̈ርዶ̈ን” ጋ̈ር ማሂዴ።
ዪዚ “ዬ̈ሱ̈ሲ ኢ ክርስቶ̈ሳ ጊዳካ̇ዬ” ጋ̈ሪ ሶ̈ሊዝ ና̈ሳ̈ፖ ሜላ ማቃ ማቂ̇ዛ ኦ̈ኖ? ዪዚ ዪ ና̈ሳ̈ዲ ክርስቶ̈ሳብ ጻ̈ላታ፤ ኢ ጾ̈ሳ̇ ባ̈ባ̈ዴኬ ና̈ኣዳ ኢጺ̇̈ሬ።
ዬሱ̈ሲ ጾ̈ሳ̇̇ ናኢ ማ̈ቂ̇ኖን ኣማ̇ኒዝ ኣሳ ጋርታ̇ ጾ̈ሲ ዶኢ̈ሬ፤ ና̈ሳ̈ዳሬ ጾ̈ሳ̇̇̈ባር ዶኢ̈ሬ።
ጾ̈ሳ̇ ጋልዳፖ ዬይኖ ኣያ̇ና ማ̈ቂ̇ኖን ዪንቲ̇ ኤራዚንዳ ዪኒ̇ባራ፦ ዬሱ̈ስ ክርስ̇ቶ̈ሲ ኣስ ማ̈ቃ̇ር ሳ̈ዝ ጋላዳ ዬይኖን ኣማ̈ኒዝ ኣያ̇ና ዎይ ጾ̈ሳ̇̇ ኣያ̇ና።
ዬሱ̈ሲ ኢ ክርስቶ̈ሳ ማ̈ቂ̇ኖን ኣማ̇ኒዝ ኣሲ ዎይ ጾ̈ሳ̇̈ቦ ናኤ፤ ባ̈ባ̈ ካዝ ኣሲ ዎይ ናኣዳር ካሬ።
ጾ̈ሳ̇ ናኣ ዬይኖንዶ፥ ኑ̈ናር ኪን ጾ̈ሳ̇ ኤራምፔ̈ን ኮሽ ቆፒ ቢርንዝ ቡ̈ዳ ኑ̈ብ ኢሚ̇ኖንዶ ኑ̈ኒ ኤሪሬ፤ ናኣ ዬሱ̈ስ ክርስ̇ቶሳ ጎይባራ ኑ̈ኒ ኪን ጾ̈ሳ̇ባራ ፔቲቲ ኑ̈ብ ዎ። ዬሱ̈ስ ክርስቶ̈ሲ ኪን ጾ̈ስኬ ሜናብ ሼምፓባር ዶኢ ኢሚ̇ዛ̈ዳ።
