1 ዋ̈ኒ̇ 2:2 - ኦራ ጫ̈ቃ ማጻ̈ፋ

² ኑ ና̈ጋሪንኮታ̇ቦ ሜታ ኤኪ̇ኖ ኢያ፤ ማ ኑ ናጋሪንኮታቦ ሙታ̇ ጊዳካ̇ይዶን ሳ̈ዝ ጋ̈ልዳ ዎ ኣሳ ዎይ ናጋራ ጊሽ ሜታ ኤኪ̇ኔ።

1 ዋ̈ኒ̇ 2:2 ပူးပေါင်းရင်းမြစ်များ

ሉቃ̈ሳ 14:22

ኣይላ ማ̈ቃ̇ር ዬ̈ሪ ‘ላ̈! ዪንቲ̇ ታ̈ና ኪ̈ቲ̇ኖን ዎይ ዎቲንዶ̈ን ዓታ̇ር ቤሲ̇ ዎ ኩሚ ዉራካ̇ዬ’ ጌይዴ።

ዋ̈ኒ̇ሳ 1:29

ኢዝ ዎንን ዋ̈ኒ̇ሲ፥ ዬሱ̈ሲ ኢ̈ክ ዬ̈ዚምባ̇ር ቤቃ̇ሪ “ዓዲሼ ቤቂብቴ! ኣሳ ናጋራ ጌ̈ሺ̇ዛ ጾ̈ሳ̇̇ ዶራ ዓ̈ዳ!

ዋ̈ኒ̇ሳ 12:32

ታ̈ና ሳ̈ዳ̇ፖ̇ ፉዳ ኣፋ ሾክ ዎታር ሶቴ̇ጌይንዶ̇ ኣስ ዎይ ታ̈ክ ዬ̈ምፔ̈ን ዎታ̇̈ሬ” ጌይዴ።

ዋ̈ኒ̇ሳ 4:42

ዪዚ ኣሳን ኣሲንኮ̇ “ዪዚ ዓኒ̇ፖ̇ ጌዳ ኑ ኢያ ኣማ̇ኒዛ̈ዲ ኔ ኑ̈ብ ሶ̈ሊኖኮታ̇ብ ጊዳካ̇ይዶ̈ን ኑ ፌ̈ብ ሲስኪ̇ኖብኬ ኢ ኪን ኣላሚን ዓኖ̇ ፋዛ ማ̈ቂ̇ኖን ኑ ኤሪኖኮታ̇ቦ” ጌይዴ።

ኢብ 2:17

ዪ̈ኮታ̇ቦ ዎይ ባዝባራ ኢ ፌ ኢሺንታንፌን ማ̈ቃንዳቦ ኢ̈ብ ኮሺ̇̈ኔ፤ ዪኒ̇ ጎይባራ ኢ ኣሳ ናኣን ናጋራ ኣቶ̇ ጋ̈ንዳቦ ኦ̈ዝ ኣማ̇ኒንቲ̇ኖዲኬ ኣሳብ ኣቶ̇ ጌይዝ ቄ̈ሳ ኣላቃ ማ̈ቂ̇ዴ።

1 ጴጥ 2:24

ኑ̈ኒ ናጋራ ኦ̈ሲን ኣሻ̇ሪ ጺሊ̇ቲ̇ባራ ዶኣምፔ̈ን፥ ኢ ኑ ና̈ጋ̈ርን ፌ ኣሲቲምባር ቶ̈ካ̇ሪ ማስቃላ ጋልዳ ሶቲንቲ̇ዴ፤ ኢ ጫዲንቲን ዪንቲ̇ ፋጺዴ።

1 ጴጥ 3:18

ክርስቶ̈ሲ ኑ̈ና ጾ̈ሳ̇̇̈ባር ኢጊንንዳቦ ኢ ፌቆሚ̇ን ጺ̈ላ̇̈ዶ̈ሪ ጺላ̇ ባዮ̇ን ኑ ናጋራ ጊሻ̇ቦ ናምኢባ̈ሶ ጎይባራ ሜታ ኤካ̇ሪ ፔቲ̇ ቶህ ዓይቂ̇ዴ፤ ኢ ኣይሽባር ዓይቂ̇ዴ ኣያ̇ናባራ ሼምፓባር ዎ።

1 ዋ̈ኒ̇ 1:7

ጾ̈ሳ̇ ፎኢን ማ̈ቂ̇ኖንዲፌ̈ኒ ኑ̈ናር ፎኢንባራ ቢሪንቴ̇ጌንዶ ኑ̈ቦ ዎል ዎልኣ ፔቲ̇ቲ ዎ። ኢ ናኣ ዬሱ̈ስ ክርስቶ̈ሳ ሱ̈ንዳሬ ና̈ጋራ ዎይሶ ጋልዳፖ ኑ̈ና ሜ̈ጫ̇ ጌ̈ሻ̇̈ሬ።

1 ዋ̈ኒ̇ 3:5

ክርስቶ̈ሲ ኣሳ ናጋራ ይሳ̇ንዳቦ ዓኒ̇ ኣላሚን ጋልዳ ዬይኖንዲኬ ማ ኢ ጋልዳ ናጋራ ባዮ̇ን ዪንቲ̇ ኤሪ̈ሬ።

1 ዋ̈ኒ̇ 4:10

ካን ጋ̈ዚን ዓኖ፤ ኑ̈ኒ ጾ̈ሳ̇ ካኖኮታ̇ቦ ጊዳካ̇ይዶን ጾ̈ሳ̇ ኑ̈ና ካኖ̈ብኬ ኑ ናጋሪን ኑ ጋልዳፖ ፋይምፔ̈ኒ ፌ ናኣ ሚሺኖኮታ̇ቦ።

1 ዋ̈ኒ̇ 4:14

ባ̈ባ̈ዲ ኣላሚ̇ን ጋልዳ ዎ ኣሳንቦ ጋ̈ላ̇ ማ̈ሃር ፌ ናኣ ሚሺኖንዶ ኑ ቤቂ̇̈ኔ፤ ዪኖ̇ ኑ ማርኪቲ̇̈ሬ።

1 ዋ̈ኒ̇ 5:19

ኑ̈ኒ ጾ̈ሳ̇ ናኣን ማ̈ቂ̇ኖን ኤሪ̈ሬ፤ ዎቲናካሬ ዓና̇ ኣላሚን ዎይ ሴ̈ጣና ዎልቂ̇ን ጻና ኣቂኔ።

ሳጻ 12:9

ዳዋ ጴቻ̇̈ዲ ቶ̈ራ ሳ̈ዳ ቶጚንቲ̇ዴ፤ ኢያሬ ኣላሚን ዎይ ባሊዛ ዳብሎ̈ሳ ዎይ ሴ̈ጣና ጌይ ጼይጊንቲ̇ዛ ሚኖ ሾ̈ሻ̈̇ዳ፤ ኢ ቶ̈ራ ሳ̈ዳ ቶጚንቲ̇ዴ ማ ኢ ኪ̈ታንቻ̇̈ንሬ ኢባር ዎልኣ ቶጚንቲ̇ዴ።