1 ዋ̈ኒ̇ 2:16 - ኦራ ጫ̈ቃ ማጻ̈ፋ

¹⁶ ኣላ̈ሚን ጋ̈ርታ ዎ ባ̈ዛ̈ን ኢ̈ታ ኢና̇፥ ኣፍባር ቤቂ̇ኖ ባዝ ዎይ ታ̈ብ ማ̈ቆ̇ ጌንትኬ ማ ፌ̈ብ ዎ ባዝባራ ኬርፊ፤ ዪንፌ̈ኖ ባዛን ዎይ ዓላሚን ዓኒ ጋልዳፖ ዬይዝ ባዝዶኬ ጾ̈ሳ̇ ባ̈ባ ጋልዳፖ ዬይዝ ባዝ ጊዳካ̇ዬ።

1 ዋ̈ኒ̇ 2:16 ပူးပေါင်းရင်းမြစ်များ

ማ̈ቶ̈ሳ 4:8

ዓታ̇ር ማ̈ቃ̇ሪ ሴ̈ጣኖ ዬሱ̈ሳ ሾክ ጌይኖ ኢንዳ̇ ጋልዳ̇ ኬሳ̇ሪ ኣላሚን ጋልዳ̇ ዎ ካ̈ቲንታ̇ንኬ ኢንታ̇ ቦንቺ̇ን ዎይ ኢያ ቤይሳሪ፥

ማ̈ቶ̈ሳ 5:28

ቴ ዪንታ̇ክ ጋ̈ዚንዳ፥ ማጫ̇ ቤቃ̇ሪ ኢኒ̇ቲኖ ኣሲ ዎይ ፌ ቡ̈ዳባራ ኢዝባራ ሱርቂ̇ኔ።

ሉቃ̈ሳ 4:5

ኢናፖ̇ ሴ̈ጣና ኢያ ሾክ ጌይኖ ፔቲ̇ ቤሳ̇ ጋልዳ ኬሳ̇ሪ ዓት ዪንዳ ኢና ሳ̈ዝ ኤ̈ሻ̇ ዎይ ጋልዳ ዎ ጋዳን ዎይ ኢያ ቤይሳሪ፥

ሮሜ 13:14

ዪዚ ኣሲ ኣፊላ ማኢን ኢ ጋልዳ ቤንታ̇ዚንዲፌ̈ኒ ጎዳ ዬሱ̈ሲ ዪንታ̇ ጋልዳ ቤንቶ̇ጋ̈ብዶኬ ዪንታ̇ ኢ̈ታ ኢኒ̇ን ኩምንዳብ ቆፓ̇ፒ̇ቴ።

1 ቆሮ 10:6

ኢንቲ̇ ኢታ̇ ባዝ ኢኒ̇ቲኖንዲፌ̈ን ኑ̈ናር ኢ̈ታ ባዝ ኢኒ̇ታካ̇ዮ̈ዲፌ̈ን ዪን ባዛን ኑ̈ቦ ሚሳ̇̈ሊ ማ̈ቂ̇ኔ።

ጋላ̈ታ 5:17

ኣባ ጌይን ናጋራ ኣሲቲ ቆፊ ጌ̈ሻ̇ ኣያ̇ና ቆፊን ኢጺ̇̈ሬ፤ ማ ጌ̈ሻ̇ ኣያ̇ና̈ዲ ናጋራ ኣሲቲ ቆፊን ኢጺ̇̈ሬ። ዪን ናምኣን ዎል ዎልኣ ኢጺ̇̈ሬ። ዪ̈ኮታ̇ቦ ዪንቲ̇ ኦ̈ንዳብ ኮዪኖን ኦ̈ንዳብ ዳንዳኢባ̈ሴ።

ጋላ̈ታ 5:24

ዬሱ̈ስ ክሪስቶ̈ሴይ ማ̈ቂ̇ኖ ኣሳን ናጋራ ኣሲቲ ቆፊንዶ ኢ̈ታ ባዝ ኦ ኦ ጋ̈ዝ ኢዝ ኢኒ̇ንባር ዎልኣ ኣሲ ማስቃላ ጋልዳ ሶቲንታ̇ዚንዲፌ̈ኒ ኢንታ̇ር ኢዞ ሶታ̇ር ኣሺ̇ኔ።

ኤፍ 2:3

ዓኒ̇ፖ ቲ̈ን ኑ̈ናር ዎይን ኢንታ̇ፌ̈ን ናጋራንቻ̇ ማ̈ቂ̇ኖ ኑ ኣሲቲንዳ ኑ̈ና ኪ̈ቲኖንዲፌ̈ንኬ ኑ ቆፊንዲፌ̈ን ኦ̈ሙታ ኢንታ ጊዳ̇ ጋምኢኔ፤ ኑ̈ናር ሜላንፌኒ ኑ ኮቺ̇ንታምባ̇ራ ጾ̈ሳ̇ ጎይላ ጻና ዎ ኣሴ።

ቲ̈ታ̇ 2:12

ዪና̇ ጾ̈ሳ̇̇ ካንንዳ፥ ኣሲ ናጋ̈ራ ኦ̈ ሙታ̇ ዶኣዚን ጋልዳፖኬ ኣላሚን ዓኒ̇ ጋልዳ ዎ ኢ̈ታ ኢና̇ን ኣሻ̇ሪ ኢ̈ታ ባዝ ጋልዳፖ ፌ̈ና ና̈ጊሙታ̇ ጺሊ̇ቲባርኬ ጾ̈ሳ̇ ማይጻር ዶኣምፔ̈ን ኑ̈ና ታማ̈ርሳ̈ሬ።

ቲ̈ታ̇ 3:3

ኑ̈ኒ ኣማ̇ናናፖ̈ ቲ̈ን ኣባክ ቆፒ ኤሪባ̈ሶ ዳሻን፤ ኪቲንቲባሶ ዉ̈ጫን፤ ዎብ̇ ጎይ ሉኪ̇ዛን፥ ዱማ ዱማ ኢ̈ታ ኢና̇ብኬ ኡፋይሳቦ ኣይላ ማ̈ቃ̇ር ኣቲ̇ኖን። ዎልዎልኣ ኢጺንቲሙታ̇ኬ ጎይሊንቲሙታ̇ ኢ̈ቲቲባርኬ ኣሳብ ሚቃ̇ይና ቆፒ̇ሙታ ዎን።

ዓይ 3:15

ዪኒ̇ፌ̈ኖ ኤሪንዳ ኣፋ ጾ̈ሳ̇̇ ጋልዳ̇ፖ ጊዳካ̇ዬ። ኢዛ ዓኒ̇ ኣላሚን ጋልዳ̇ፖ ኣሳ ጋልዳፖኬ ኢ̈ታ ኣያ̇ና ጋልዳፖ̇ ዬ̈ሬ።

ዓይ 4:16

ዪንቲ ዪዚ ዪኒ̇ፌ̈ን ጋ̈ዚን ኣሻ̇ሪ ኦቲራባር ኬርፊ̈ሬ። ዪ̈ ፌ̈ኖ ኬራፋ ኢ̈ቴ።

1 ጴጥ 1:14

ዪንቲ ኪ̈ቲንቲ̇ዝ ናእ ማ̈ቂ̇ብቴ፤ ሚን ኤራካ̇ዮ ኬሊ̇ን ጋርታ ዪንታ̇ቦ ዎ ኢ̈ታ ኢኒ̇ን ኦ̈ንዳብ ጋስ ማ̈ቃፒ̇̇̇ቴ።

1 ጴጥ 2:11

ቴ ላጋ̇ን! ዪንቲ ዓኒ̇ ኣላሚን ጋልዳ ዛቃ̇ኬ ቤት ማ̈ቂ̇ኖኮታቦ ዪንታ̇ ሼምፒ̇ን ኦላዝ ናጋራ ኢኒ̇ን ጋልዳፖ ጎታ̇ምፔ̈ን ቴ ዪንታ̇ ጌሻ̇̈ሬ።

2 ጴጥ 2:10

ማ ዎይፓ ሺ ዪን ፌ ኢ̈ታ ኢኒ̇ን ጋ̈ዚን ኦ̈ሙታ ጾ̈ሳ̇̇ ሲልጣ̈ኒን ሌቂ̇ዝ ኣሳን ኢ ፊርዳ ቃማ̇ብ ኢንታ ና̈ጊ ጋዲ̇ኔ። ዪን ማቃ ታማ̈ርሲዛን ኢ̈ጪ̇ባ̈ሶ ኦቲራባር ኩሚኖ ኣስ ማ̈ቂ̇ኖኮታ̇ቦ ኣፋ ዎ ሲልጣ̈ናባሮን ዬ̈ልቃካ̇ይ ቆ̈ሬ።

2 ጴጥ 2:18

ባሊዝ ቲሚርታ ጋርታፖ̇ ዬ̈ር ቢርት ሚ̈ጛካ̇ዮ ኣሳን ፋባ̈ሶ ኦቲራ ሶ̈ላ ሶ̈ሊሙታ̇ ኢ̈ታ ናጋራ ኢና̇ባርኬ ኦሎላባር ኢንታ ጪ̈ጪንቺሙታ̇ ኢንታ ባሊሬ።