4 ኑ ኡፋይሲ̇ንዳ ፎቲ ማ̈ቃ̇ምፔ̈ኒ ዓኖ̇ ኑ ዪንታ̇ብ ጻ̈ፊ̈ሬ።
ዪኖ̇ ቴ ዪንታ̇ብ ሶ̈ሊኖንዳ̇ ቴ ኡፋይሲንዳ ዪንታ̇ባራ ማቃምፔ̈ንኬ ማ ዪንታ̇ብ ኡፋይሲ ዎይላምፔ̈ኔ።
ዪንቲ̇ ዓኖ̇ ዬላ̇ር ቴ ሱምባራ ኣባካር ጌሻካ̇ዬ። ጌሺብቴ̇ ዪንቲ̇ ኤኪ̇̈ሬ፤ ዪንታ̇ ኡፋይሲንዳ̇ሬ ፎቲ ማ̈ቃ̈ሬ።
ኢሲ̇ንዳ ኢሳ̇ዳዬ፥ ቱሪን ና̈ሳዲ ኢሳ̇ ላፍ ኤቃ̇ሪ ኢ ሶ̈ላዚን ሲስኪ̇ሬ፤ ኢ ሶ̈ላምባር ሲስካ̇ሪ ዎይሊን ኡፋይቲ̇̈ሬ፤ ቴ ኡፋዪሲ̇ንዳር ዪና̇ ኢዚዶ̈ራ ዓት ፎቲንቲ̇ኔ።
ዪንቲ̇ ሚ̈ጛር ኤቃ̇ዚንዳ ኣማ̇ናባራ ማ̈ቂ̇ኖኮታ̇ቦ፥ ዪንታ̇ ኡፋይሳ̇ምፔ̈ን ኑ ዪንታ̇̇ባር ዎልኣ ኦ̈ንዳብዶኬ፥ ዪንታ̇ ኣማ̇ኒን ጋልዳ ኑ ኣላቃ ማ̈ቃ̇ንዳብ ጊዳካ̇ዬ።
ኣሲ ክርስቶ̈ሳ ካንን ፎቲ ኤራንዳብ ዳንዳኢባ̈ስካሬ ዪንቲ ኢዞ ኤራምፔ̈ንኬ ማ ዪንቲ ጾ̈ሳ̇̇̈ ማይጻምፔ̈ን ቴ ዪንታ̇ብ ዎ̈ሳ̇̈ሬ።
ቴ ና̈ኣን! ዪንቲ ና̈ጋራ ኦ̈ካይፌ̈ኒ ቴ ዪንታ̇ብ ጻ̈ፋ̈ሬ፤ ማ̈ቂናካሬ ኣሲ ኦ̈ናካር ናጋራ ኦ̈ጌይንዶ ጾ̈ሳ̇ ባ̈ባ̈ ቲ̈ን ኑ̈ብ ጻባቃ ኤቂ̇ዛ ዎ፤ ኢያሬ ጌሻ̇ ዬሱ̈ስ ክርስቶ̈ሳ።
ቴ ዪንታ̇̈ብ ጻ̈ፊዝ ባዚ ዎይሊን ዎዶን ዎይን ዳብዳቢ̇ባር ጻ̈ፋንዳብ ኮያባሴ፤ ዪኒ̇ፖ ኑ ኡፋይሲን ዎይላምፔ̈ኒ ቴ ዪንታ̇ኮ ሉካ̇ራ ዪንታ̇ብ ኖ̈ናባር ሶ̈ላንዳብ ታስፋ ጋዲ̇ኔ።
