1 ቆሮ 14:4 - ኦራ ጫ̈ቃ ማጻ̈ፋ

⁴ ኦራ ኖ̈ናባር ሶ̈ሊዝ ኣሲ ፌ̈ና ሙ̈ታ ሚ̈ንሬ፤ ዎቲናካር ካ̈ያ ካ̈ዪዝ ኣሲ ኣማ̇ኒዝ ኣሳን ዎይ ሚ̈ንሬ።

1 ቆሮ 14:4 ပူးပေါင်းရင်းမြစ်များ

ማ̈ርቆ̈ሳ 16:17

ታ̈ና ኣማ̇ኒዛን ዎይንቦ ዪን ማላ̇ን ኢንታ̇ብ ዶኢ̈ሬ፡ ቴ ሱምንባራ ኢ̈ታ ኣያ̇ና ኬሲ̇̈ሬ፣ ኦራ ኖ̈ና ሶ̈ሊሬ፣

ሮሜ 14:19

ዪዚ ኑ̈ቦ ሳሪቲ ቤ̈ንቲዝ ጎ̈ይንዲኬ ኑ ዎል ዎልኣ ኑ ኣማ̇ኒን ሚንዝ ጎ̈ይ ሚ̈ጛር ኮዪስቶ̇።

1 ቆሮ 12:10

ዪና ኢዝፌ̈ኒ ፔታ̇ና̈ቦ ታሚ̇ራ̈ታ ኦ̈ዝ ዎልቃ ኢሚ̈̇ሬ፤ ሜላ̈ቦ ካ̈ያ ካ̈ዪዝ ኪልሲ፤ ማ ሜላ̈ቦ ጌ̈ሻ̇ ኣያ̇ና ማ̈ቆ̇ ዎይ ሜላ ኣያ̇ና ማ̈ቆ ፋጋር ኤርሲዝ ኪልሲ፤ ፔታ̇ና̈ቦ ኦራ ኖ̈ናባር ሶ̈ላምፔን፤ ሜላ̈ቦ ኦራ ኖ̈ናባር ሶ̈ሊንቲኖን ቢርቺ̇ዝ ኪሊስ ኢሚ̈̇ሬ።

1 ቆሮ 12:28

ዪ̈ኮታ̇ቦ ጾ̈ሲ ዎ̈ሳ ኬ̈ ጋርታ ዱማ ዱማ ኦ̈ሳ ዶኣምፔ̈ን ዎቲኔ። ዪኒ̇ ጎይባራ ቲ̈ን ሃዋ̈ራ̈ታን ናምኢ ናባን ዓይዚ̇ ኣስታማ̈ራን፥ ኢናፖ̇ ታሚ̇ራ̈ታ ኦ̈ዝ ኣሳን፥ ማኖ ኣሳን ፋዝ ኣሳን፥ ኣስ ማ̈ዲ̇ዝ ኪልሲ ዎ ኣሳን፥ ኣስ ኣቂሲዝ ኣሳንኬ ኦራ ኖ̈ናባር ሶ̈ሊዝ ኪልሲ ዎ ኣሳን ሹ̈ማር ጋዲ̇ዴ።

1 ቆሮ 13:1

ኣሳ ኖ̈ናባርኬ ኪታ̇ንቻን ኖ̈ናባራ ሶ̈ሊዝ ኤራ ታ̈ብ ዶኤጌይናሬ ታ̈ኒ ኣስ ካባስኮ ቴ ሜላ̇ ጊርቂ̇ዝ ሉ̈ሊፌኒ ዎይ ቅቃፌ̈ኔ።

1 ቆሮ 13:2

ካ̈ያ ካ̈ዪዝ ኪልሲ ታ̈ብ ዶኤጌይናሬ፥ ኣሳብ ኣ̈ቺ̇ንቲኖ ባዝ ዎይ ቴ ኤሪዝ ባዝ ማ̈ቄጌይናሬ፥ ኤሪቲ ጌይዛ ዎይ ታ̈ብ ዶኤጌይናሬ፥ ፔቲ̇ ኢንዳ ኢዝ ቤሲ̇ን ጋልዳፖ ዲንራ ሜላ ቤስ̇ ኣ̈ዝ ኣማ̇ና ታ̈ብ ዶኤጌዪናር ካን ታ̈ብ ባዪ ማ̈ቄ̇ጌዪን ዪ ዎይ ሜላ̇ ዓሪዬ።

1 ቆሮ 14:12

ዪንታ̇̇ሬ ጌ̈ሻ̇ ኣያ̇ና ኢማ̇ዝ ኪልሲን ኤካ̇ንዳብ ሚ̈ጛር ኮዪዝ ኣስ ማ̈ቂ̇ኖኮታ̇ቦ፤ ዪንቲ̇ ዎይፖ̇ ሺ ኣማ̇ኒኖ ኣሳን ሚ̈ንንዳብ ዳንዳኣዝ ኪልሲን ዪንታ̇̇ብ ዎይላንፔ̈ኒ ኮዪብቴ̇።

1 ቆሮ 14:22

ዪዚ ኦራ ኖ̈ናባር ሶ̈ላዚንዳ ኣማ̇ኒባሶ ኣሳንቦ ማላ̇ ማ̈ቃ̇ምፔ̈ንዶኬ ኣማ̇ኒዝ ኣሳንቦ ጊዳካ̇ዬ፤ ዎቲናካር ካ̈ያ ካ̈ያዚንዳ ኣማ̇ኒዝ ኣሳንቦዶኬ ኣማ̇ኒባ̈ሶ ኣሳንቦ ጊዳካ̇ዬ።

1 ቆሮ 14:26

ቴ ኢሺንታን! ዪዚ ኣብዝ ዎታ̇ንዳ ኮሺ̇̈ራ? ዪንቲ̇ ዎሳ̇ንዳብ ሺ̈ቃምባ̇ራ ዪንታ̇ ጋርታ̇ፖ ፔታ̇ና̈ቦ ማዝሙራ ዬጺ̇̈ዝ፤ ሜላ̈ቦ ኣስ ታማ̈ርሲ̈ዝ፤ ፔታ̇ና̈ቦ ኣሳብ ጌ̈ሚቲኖ ባዝ ፋላ̇ ጋልዳ ኬሲ̇ዝ፤ ፔታ̇ና̈ቦ ኦራ ኖ̈ናባር ሶ̈ሊዝ፤ ማ ሜላ̈ቦ ኦራ ኖ̈ናባር ሶ̈ሊኖን ቢሊ̇ዝ ኪልሲ ዎ፤ ዪዚ ዪን ዎይ ኪልሳን ኣማ̇ኒኖ ኣሳን ሚ̈ንር ኤሲ̇ዝ ባዝ ማ̈ቃ̇ንዳብ ኮሺ̈̇ሬ።

1 ቆሮ 14:3

ዎቲናካር ካ̈ያ ካ̈ዪዛን ሜላ ኣሳን ሚ̈ን ኤሳ̇ንዳቦ፥ ሚ̈ንንዳብኬ ዞራንዳቦ ኣሳብ ሶ̈ሊ̈ሬ።

1 ቆሮ 14:5

ዪንቲ̇ ዎይን ኦራ ኖ̈ናባር ሶ̈ሊ̈ርኮ ቴ ዶሳ̈ርዶኒ፥ ዪኒ̇ፖ ዪንቲ̇ ካ̈ያ ካ̈ዪርኮ ቴ ሺ ዶሳ̈ሬ። ዎሳ ኬን ሚ̈ጛምፔ̈ኒ ኦራ ኖ̈ናባር ሶ̈ሊኖዲ ፌ ሶ̈ሊኖን ቢርቺባ̈ስኮ ኦራ ኖ̈ናባር ሶ̈ሊዛ̈ፖ ካ̈ያ ካ̈ዪዝ ኣሲ ሺ̈ሬ።