2 ኦራ ኖ̈ናባር ሶ̈ሊዛ̈ዲ ጾ̈ሳ̇̇̈ቦ ሙታ̇ ሶ̈ሊ̈ርዶኬ ኣሳብ ሶ̈ሊባ̈ሴ፤ ኣሳብ ጌ̈ማ ማ̈ቂ̇ኖ ባዚ ጌ̈ሻ ኣያ̇ናባር ማ̈ቃ̇ሪ ሶ̈ሊዛኮታ̇ቦ ኢ ሶ̈ሊኖን ኤሪዝ ኣሲ ባዬ።
ኢያር ኢንታ̇ኮ “ዪንታ̇ቦ ጾ̈ሳ̇̇ ካ̈ቲቲ ሚ̈ስጢሪን ኤራምፔ̈ን ኢሚ̇ንቲ̇ኔ፥ ኢንታ̇ብ ኢሚ̇ንታ̇ካዬ።
ታ̈ና ኣማ̇ኒዛን ዎይንቦ ዪን ማላ̇ን ኢንታ̇ብ ዶኢ̈ሬ፡ ቴ ሱምንባራ ኢ̈ታ ኣያ̇ና ኬሲ̇̈ሬ፣ ኦራ ኖ̈ና ሶ̈ሊሬ፣
ዬሱ̈ሳር ኢንታ̇ኮ “ታ̈ኒ ጾ̈ሳ̇̇ ካ̈ቲቲምፖ̇ ዛ̈ና ዎንቦ ሚሳ̇̈ሊባር ሶ̈ላ̈ርዶኬ ዪንታ̇ብ ማ̈ቄ̈ጌይንዶ ጾ̈ሳ̇̇ ካ̈ቲቲ ሚስጢሪን ኤራምፔ̈ን ኢሚ̇ንቲ̇ኔ።
ጳውሎ̈ሳር ፌ ኩሽ ኢንታ ጋልዳ ጋዲ̇ን ጌ̈ሻ̇ ኣያ̇ና ኢንታ ጋልዳ ሶ̈ቢን ኢንታር ዱ̈ማ ዱ̈ማ ኖ̈ና ሶ̈ሊዴ፤ ማ ካ̈ያር ካ̈ዪ ኤ̈ዴ።
ታባር ዎ ኣሳንሬ ፎኢንን ቤቂ̇ንዶኬ ኢ ታ̈ብ ሶ̈ላዚን ኢንቲ ሲስካካ̇ዬ።
ታ̈ኒ ዬሱስ ክርስቶ̈ሳባዝ ሳባ̇ኪኖ ቃ̈ሊንባርኬ ሚናፖ̇ ኣ̈ቺንታ̇ር ጋምኢኖ ዎቲናካር ዓት ፋላ̇ጋልዳ ኬስኪ̇ኖ ኪን ሚስጢሪን ጎይባራ ዪንቲ̇ ዪንታ̇ ኣማ̇ኒንባራ ሚ̈ጚ ዶኣምፔ̈ኒ ዎታንዳብ ዳንዳኢ̈ዛ ጾ̈ሳ̇̇̈ቦ ቦንች ማ̈ቆ̇።
ዪና ኢዝፌ̈ኒ ፔታ̇ና̈ቦ ታሚ̇ራ̈ታ ኦ̈ዝ ዎልቃ ኢሚ̈̇ሬ፤ ሜላ̈ቦ ካ̈ያ ካ̈ዪዝ ኪልሲ፤ ማ ሜላ̈ቦ ጌ̈ሻ̇ ኣያ̇ና ማ̈ቆ̇ ዎይ ሜላ ኣያ̇ና ማ̈ቆ ፋጋር ኤርሲዝ ኪልሲ፤ ፔታ̇ና̈ቦ ኦራ ኖ̈ናባር ሶ̈ላምፔን፤ ሜላ̈ቦ ኦራ ኖ̈ናባር ሶ̈ሊንቲኖን ቢርቺ̇ዝ ኪሊስ ኢሚ̈̇ሬ።
ዪ̈ኮታ̇ቦ ጾ̈ሲ ዎ̈ሳ ኬ̈ ጋርታ ዱማ ዱማ ኦ̈ሳ ዶኣምፔ̈ን ዎቲኔ። ዪኒ̇ ጎይባራ ቲ̈ን ሃዋ̈ራ̈ታን ናምኢ ናባን ዓይዚ̇ ኣስታማ̈ራን፥ ኢናፖ̇ ታሚ̇ራ̈ታ ኦ̈ዝ ኣሳን፥ ማኖ ኣሳን ፋዝ ኣሳን፥ ኣስ ማ̈ዲ̇ዝ ኪልሲ ዎ ኣሳን፥ ኣስ ኣቂሲዝ ኣሳንኬ ኦራ ኖ̈ናባር ሶ̈ሊዝ ኪልሲ ዎ ኣሳን ሹ̈ማር ጋዲ̇ዴ።
ኣሳ ኖ̈ናባርኬ ኪታ̇ንቻን ኖ̈ናባራ ሶ̈ሊዝ ኤራ ታ̈ብ ዶኤጌይናሬ ታ̈ኒ ኣስ ካባስኮ ቴ ሜላ̇ ጊርቂ̇ዝ ሉ̈ሊፌኒ ዎይ ቅቃፌ̈ኔ።
ካ̈ያ ካ̈ዪዝ ኪልሲ ታ̈ብ ዶኤጌይናሬ፥ ኣሳብ ኣ̈ቺ̇ንቲኖ ባዝ ዎይ ቴ ኤሪዝ ባዝ ማ̈ቄጌይናሬ፥ ኤሪቲ ጌይዛ ዎይ ታ̈ብ ዶኤጌይናሬ፥ ፔቲ̇ ኢንዳ ኢዝ ቤሲ̇ን ጋልዳፖ ዲንራ ሜላ ቤስ̇ ኣ̈ዝ ኣማ̇ና ታ̈ብ ዶኤጌዪናር ካን ታ̈ብ ባዪ ማ̈ቄ̇ጌዪን ዪ ዎይ ሜላ̇ ዓሪዬ።
ዪዚ ዪ̈ፌ̈ን ማ̈ቃካ̇ይ ኣቴ̇ጌይን ኔ ኔ ኦራ ኖ̈ኒንባር ጾ̈ሳ̇ ጋላታ̈ርዶራ ኔ ጋ̈ዚን ኤሪባ̈ሶ ዛቃ̇ ኣሲ ኔ ጋላታ ዎሲምቦ “ኣሚንኤ” ጋ̈ንዳ̇ብ ዎዛርታ̇ር ዳንዳኢ̈ራ?
ቴ ኢሺንታን! ዪዚ ኣብዝ ዎታ̇ንዳ ኮሺ̇̈ራ? ዪንቲ̇ ዎሳ̇ንዳብ ሺ̈ቃምባ̇ራ ዪንታ̇ ጋርታ̇ፖ ፔታ̇ና̈ቦ ማዝሙራ ዬጺ̇̈ዝ፤ ሜላ̈ቦ ኣስ ታማ̈ርሲ̈ዝ፤ ፔታ̇ና̈ቦ ኣሳብ ጌ̈ሚቲኖ ባዝ ፋላ̇ ጋልዳ ኬሲ̇ዝ፤ ፔታ̇ና̈ቦ ኦራ ኖ̈ናባር ሶ̈ሊዝ፤ ማ ሜላ̈ቦ ኦራ ኖ̈ናባር ሶ̈ሊኖን ቢሊ̇ዝ ኪልሲ ዎ፤ ዪዚ ዪን ዎይ ኪልሳን ኣማ̇ኒኖ ኣሳን ሚ̈ንር ኤሲ̇ዝ ባዝ ማ̈ቃ̇ንዳብ ኮሺ̈̇ሬ።
ሲስኪ̇ብቴ! ቴ ዪንታ̇̇ብ ፔቲ ሚስጢራ ሶ̈ላስቶ፦ ኑ ዎይ̈ን ዓይቂ̇ባ̈ሴ፤ ዎቲናካሬ ኑ ዎይን ኦ̈ሂንቲ̇̈ሬ።
ዎቲናካሬ ጌ̈ሚቲኖ ባዛን ጾ̈ሳ̇̇ ፌ ኣያ̇ናባራ ኑ̈ቦ ፋላ̇ ጋልዳ ኬሳ̇ር ቤይሲኔ፤ ጾ̈ሳ̇̇ ኣያ̇ና̈ዲ ሜላ ኣቲ̇ን ኦ̈ናካር ኤራንዳብ ዳንዳኢባ̈ሶ ጾ̈ሳ̇̇ ባዝ ኣታካ̇ይ ዎይ ባዝ ቤቂ̇ ዲጚ̈ሬ።
ኑ̈ኒ ሶ̈ላዚንዳ ጾ̈ሲ ኣላሚን ኮቻ̇ናፖ ቲ̈ን ዎ ኬል̇ባራ ኑ ቦንቻ̇ቦ ጌዪ ጊ̈ጊሲኖንዲኬ ኣ̈ቺንታ̇ር ዎ ጾ̈ሳ̇ ሚስጢራ ኤሪን ሶ̈ሊ̈ሬ።
ታ̈ኒ ዎጛላ ሚስጢ̇ሪን ኢ̈ጫካ̇ይዶር ሶ̈ላምፔ̈ንኬ ማ ቴ ሶ̈ላንዳብ ኮሻ̇ዝ ቃ̈ሊን ጾ̈ሲ ታ̈ብ ኢማ̇ምፔ̈ኒ ታ̈ባር ጾ̈ሳ̇ ዎ̈ሲ̇ብቴ።
ዪና̇ ቴ ዎታዚንዳ ኢንቲ̇ ኢንታ̇ ቡ̈ዲንባር ሚ̈ጛርኬ ካንባራ ዎል ፔታ̇ን ማ̈ቃ̇ሪ፤ ኩም ማ̈ቂ̇ኖ ኤራ ዱሪቲን ዲጛሪ፥ ጾ̈ሳ̇ ሚስጢ̇ራ ማ̈ቂ̇ኖ ክርስቶ̈ሳ ኤራምፔ̈ኒ ዋ̈ያ̈ሬ።
ኑ ኣማ̇ኒን ኪንንዳ ጴች ማ̈ቂ̇ኖንዶ ኦ̈ናካር ካ̈ዳንዳብ ዳንዳኢባ̈ሴ ዪዳሬ ጾ̈ሲ፦ “ኣስ ማ̈ቃ̇ር ቤንቲ̇ዴ፥ ኪን ማ̈ቂ̇ኖ ኣያ̇ናባር ኤሪንቲ̇ዴ፥ ኪ̈ታንቻ̇ንቦ ቤንቲ̇ዴ፥ ዎርዣ ዎይቦ ሳባ̇ኪንቲ̇ዴ፥ ኣላሚን ጋልዳ ዎ ኣሳን ኢያ ኣማ̇ኒዴ፥ ቦንችባራ ኣፋ ሉኪ̇ዴ” ጋ̈ዚንዶ።
ማ ኣማ̇ና ጎይ ዎ ኪንንዶ ኮሽ̇ ቡ̈ዳባራ ሚ̈ን ኤ̈ዝ ኣስ ማ̈ቃ̇ንዳቦ ኮሺ̇̈ሬ።