Usea 9:8 - Fanawbuid tagsibaliwas Fakayabian

⁸ Au wan Dius at taglong ay kanya gufud angku kaduge au gfangguna ayu. Dewa katanya, nusnga nday tam, kaylat wayam gfaidapan angku. Kata au sik manuk tungud at kinsangdaw. Ngay taw Israel wan Dius at natuyan at fagbanwanan, dewa katanya, kanya fagayu kadotama angku.

Usea 9:8 ပူးပေါင်းရင်းမြစ်များ

1 Fun 17:1

Elyas sik taglong tagbanwan sis Tisbe, sis Gilyad fag afud talun. Kanya nalong sas fun Akab te, “Gfatuyanan au sas Yawi, tagleleg fag Dius ku fagfaningun te, wa ban e damug ay e arak nu seyuk banwa, kway ban gsugu.”

1 Fun 18:1

Ay nu tulu wak banwa nu yud karak, Yawi nalong sas Elyas te, “Namablang o Akab, aroro namarak kwan.”

1 Fun 18:19

Katsi, fafuli sa angku fagayu taw Israel sas buksul Karmel. Ay fasanyai yangay Baal at ngay taglong fag ufatk sandan limak safulu, ay Asera at taglong fag ufatk sandan, Esebel at fagfafangonun gugat.”

1 Fun 22:11

Ay Sedekya fag taglong, Kenaana at baguama, nawat duak sunge at fangawat sanbung. Ay kanya nalong te, “Yawi glong te, ‘Fun Akab, namawayan o ngay taw Aram siginan tuy fag duak sunge, ay gfamin ban o anya fagayu.’ ”

1 Fun 22:22

Ay kafag falad nabalus te, ‘Nanlao au ay namasik takamuagan au kanya fag ngay taglong.’ Nu katanya, Yawi nalong anya te, ‘Loi wan ay namakamulun o takatanya.’

1 Fun 22:28

Ay Mikaya nalong te, “Nu nfoli tua ban o manabayan, Yawi wa naringang siginan angku.” Ay nalong yangay sa sangay taw tagsanya te, “Amatangi ku nalong.”

1 Fun 22:6

Ay Israel at fun nafaful ufatk sandank taglong ay nainto te, “O namawayan au Ramut-Gilyad ay o mannga duan?” Ay kanya fagayu nabalus te, “Kin, loi wan, aroro tam Fun Dius ro gfababo emu.”

2 Fun 13:21

Sanya ginan, e ngay taw Israel gfoli sik taw at kinbul. Ay kanya fagayu nu nalag ngay taw Muab nu namawayan, naukas at fagfoliun fag taw sas Elisyu at fagfolian ay nalagyu. Ay kanya fag mabulan nu natayuk Elisyu at bini, naleleg ay anlindug.

2 Fun 2:14

Kanya nafafalang sas mamam Elyas at lanbung ay nalong te, “Dada wan Yawi, Elyas at Dius?” Nu nafakamulun katanya, mamam ankafud ay kanya nadife wan.

2 Fun 2:21

Elisyu nalao sas bulbug ay narapyag sanya at buba fag barara ay nalong te, “Yawi glong te, ‘Nafasine kwan tuy fag mamam, ay siginan katsi, wa ban gfadasug ya fakabulun ay wa yangay ban gfayud gtugbung ngay fananumun.’ ”

2 Fun 4:41

Elisyu nalong te, “Namul o sik fangawat tinapay.” Kanya nasuad at ba fangawat tinapay sas tikung ay nalong sat fagsuguan te, “Foni sa anya fagayu.” Ay kanya fag fakonun wa maganga ya.

2 Fun 4:43

Ay at fagsuguan nalong anya te, “Tain ro nu mafafafud au tuy fag fakonun sas sadik sandank taw?” Ay Elisyu nabalus te, “Foni way lang. Kata tuy Yawi at longan: ‘Kafag ngay taw umkapsug, ay umke sawad yay ro.’ ”

2 Fun 5:14

Nu katanya, Naaman nalao sasad Liskung Urdan ay antalgub fitu ginan kata Dius at fagsuguan at longan. Ay at bangbang anfia wan, ay at balat andalusan kata sik ngenge at balat.

2 Fun 5:27

Nu katanya, aroro nafakamulun takatanya, Naaman ro at bangbang umtayuk sa emu, anggan ban sa am ngay kasugfunanan kabavn.” Ay Gekasi nu nalao, kanya anke bangbang ay at balat anlaksi.

2 Fun 7:19

Kafag fagsuguan gina yay gleleg nalong te, “Yawi ro dewa nafarak maksvn, wa mfasludan kata am longan.” Ay ginanya, Elisyu nabalus te, “Lumag ro wo te, matuyan umfasludan takatanya, ay wa ro wo naon nusdi alay.”

2 Fun 7:2

Fun at fagadgalangan fag fagsuguan nalong sas Elisyu te, “Yawi ro dewa nafarak maksvn, wa mfasludan kata am longan.” Ay Elisyu nabalus te, “Lumag ro wo te, matuyan umfasludan takatanya, ay wa ro wo naon nusdi alay.”

Alubad. 124:7

Ay nalagyu tua tam, kata sik manuk tungud at nalfas siginan at narit fag sangdaw.

Takamoyung 9:12

Dewa katanya, kanya wa saful te, ginanya nu kadasug at mafalganan fag buknga laman sa anya. Kanya kata way sik manuk tungud kinsangdaw, ay kata at kin-gamat sas fanggamat albon. Kadasug way lang masakit sat mauri fag taw at mauri fag buknga kata nu kagamat sas sangdaw.

Sulumun at Alubad 3:3

Ngay tagulit furuan daul nalag angku kaduge au glao gfafagdaul furuan. Ay nainto au sa anya fagayu te, “O e nalag am ku fakesugun fag mangama?”

Isayas 62:6

Erusalem, nafae tagulit au sim alad fag ngay fagulitan. Kayu menit ay yabi kanya fag ngay tagulit di gfaragang nu gdarangin. Am tagdarangin sas Yawi, lag gfaragang nu gdarangin am.

Eremyas 11:19

Kanya fagayu nu gamatangan angku kata kway sik fagfabulun fag tupa ay kwa saful te, mauri at algan. Kanya fagayu glong te, “Gfabul watam anya, kata nu gfuan sik fun kayu tangayu at rawvg, ay laman ban umkalyam wan ay we gamatang ya anya sas fagdaul daga.”

Eremyas 14:13

Dewa katanya, nalong au te, “Yawi em Fun, saful wo ngay taglong glong gugat sa anya fagayu te, ‘Wa ban e awayan ay e fanlunus takadasug aroro Yawi glong te, gfon kban gugat fagmanabayanun ste fag talun.’ ”

Eremyas 23:13

Nalag au Samarya at ngay taglong at nafakamulun at maksvn nu mauri. Kanya fagayu ginsaful siginan nu guro Baal at ngayan, ay nafalyam ku ngay taw Israel at fagmatuyanun.

Eremyas 31:6

Ay sik menit ban, ngay taw tagalaga furuan guro si sangay buksul tagsis Efraim te, ‘Gewan, glo watam sas furuan Erusalem laman nanseg tam Yawi tam Dius.’ ”

Eremyas 6:14

Kanya fagayu gfutus oma ku ngay taw at bangbang ay wa fia kasalag, nu bunway glong way te, ‘Mabayan waymi!’ Ay aroro mangaro, wa mabayan.

Eremyas 6:17

Nu katanya, nafili au ngay tagulit ay nalong ayu te, ‘Dungugani budyung nu gawang laman sik famararang sa ayu.’ Dewa katanya, nalong wayam te, ‘Wami kaylat gdungugan.’ ”

Takabalu 2:14

Ay ngay taglong at ngay taginfan wa mafanud. Ay kanya fagayu wa nafoyung ya sa ayu ay ngay asalanan, laman diam gatabanan. Ay at foyungan sa ayu at yud way matuyan.

Takabalu 4:13

Andasug takatanya, aroro sa sangay taglong ay sa sangay tagfon fanggalangun at asalanan nu gfabul ngay taw at yud e asalanan.

Esekyel 3:17

“Taw at baguama, nafili au emu laman tagulit ngay taw tagbanwan sis talun Israel. Nu katanya, nusnga setaw am nadungug siginan angku fag ngay famararang, nanlong o fia sa anya fagayu.

Esekyel 33:7

“Taw at baguama, nafili au emu laman tagulit ngay taw Israel. Nu katanya, dungugani ku fagyalongunun emu, ay namasaful o sa kafag ngay taw.

Usea 5:1

Yawi nalong yangay te, “Ngay taw Israel, dungugani, anggan am fag ngay tagfon fanggalangun, ay am tagbanwan sis fun at bale daul, aroro kadasug sa ayu sik faurianan: fagayu am kata am sik sangdaw, aroro nasangdaw am ngay taw tagbanwan sis Mispa ay sis Tabur.

Usea 9:7

Ngay taw Israel, andasug wan nu gafaurianan am fag menit, ay kafag menit namasure ban ay nafakamulun. Sumaful wam te, andasug wa ngaro kafag menit, ay glong am te, ‘Kanya fag taglong kata nu yud mamatanganan.’ Makatu wayam glong takatanya, aroro ngayu wan ay ngay asalanan ay kadotama am angku.

Usea 9:9

Mauri wayam kata sik ngay mangama ebi sis Gibya. Dius gamatangan gugat ay ngay fagmauriun, ay kanya gfaurianan ayu sa ay asalanan.”

Mikas 7:4

Ngay taw sit furuan takatap te, matuyan, we tungkul, kata way sik wat at madugi. Ay andasug wan at buknga Dius nu namaurianan anya fagayu, kata at ngay taglong at nafararang ebi. Ay andasug wan at buknga nu nangafaplan.

Uan 15:24

Nu dyaman au nafakamulun at yud e mafafakamulun fag ngay madulo si sangay taw at daga salubangan, kanya ro fagayu we asalanan. Dewa katanya, kanya fagayu nalag oma ku nafakamulun ay kauri way angku ay ku Mama.

Ruma 3:7

Malgau e glong te, “Siginan ku fakamuagun, nu antuyan way te, Dius di kamuag, nustua ankugat yay ngay taw nu gfauseganan anya, wain Dius fagfauriananun angku aroro sa ku ngay asalanan?”

Ebreu 13:17

Faningi tua ay ngay tagfangguna aroro kanya fagayu tagalaga ayu sabaliwas fanfalad fag famanwanun. Ay sa ban tibak menit kanya fagayu mesa namoyung sas Dius sabaliwa at ngay nafakamulun. Nu gfaning tuam anya fagayu, kanya fagayu guseganan tua gfakamulun at ngay fanambagun, ay di gidapan. Aroro nu gfaidapan way am anya fagayu, we fanambagun sa ayu.