Usea 9:7 - Fanawbuid tagsibaliwas Fakayabian

⁷ Ngay taw Israel, andasug wan nu gafaurianan am fag menit, ay kafag menit namasure ban ay nafakamulun. Sumaful wam te, andasug wa ngaro kafag menit, ay glong am te, ‘Kanya fag taglong kata nu yud mamatanganan.’ Makatu wayam glong takatanya, aroro ngayu wan ay ngay asalanan ay kadotama am angku.

Usea 9:7 ပူးပေါင်းရင်းမြစ်များ

2 Fun 9:11

Yeu nu nfoli sat ngay ufud fag ngay fun tagfawayan, at sadi fag fun tagfawayan nainto anya te, “O e nfasludan at mauri? Wain kafag tagfansaful at faginkakbangun sa emu?” Ay Yeu nabalus te, “Gtoglag wayam anya, ay saful wayam nu setain nu garingang.”

Isayas 10:3

Tain ban ay fakamulun nu ndasug nu gafaurianan am fag menit, gina ban faurianan andasug siginan tangayayu fag talun? Dada ban nu get am gubuk? Ay dada ban nu gfasuksuk am ay ngay ramraman?

Isayas 26:11

Yawi, nafalganan wo laman namauri anya, ay dewa katanya, wa nasaful. Yawi, foyungi anya. Faplani anya laman lumag te, se aksvn nu kesug o am ngay taw. Famini wan am ngay tagfawayan siginans afuy.

Isayas 34:8

Aroro Yawi e nafalganan tua sik menit laman namasud at ngay fawayan laman ggubuk ngay taw Siun.

Isayas 44:25

Kwa nafafasludan at yud matuyan fag ngay taglong at ngay foyungan. Ay nafayud au e masuad ngay tagfangalga at nafangalga takadasug ban, ay nasalag au at ke ngay fagsafulun at ngay longan, nu katanya, wa nke masuad at fagsafulun.

Eremyas 10:15

ay we tungkul ay maksvn nu mauri. Gina ban gfaurianan fag menit, umkamin yangay ban at ngay awatan.

Eremyas 11:23

Gina kban nafadasug faurianan, ngay taw sis furuan Anatut umkamin.”

Eremyas 16:18

Nu katanya, namasud au anya fagayu duak kaksvn at fagmauriun ay at asalanan, siginan nu gfasuya ku talun ay siginan at ngay fagsegan at mauri ay at yud gleleg.”

Eremyas 23:13

Nalag au Samarya at ngay taglong at nafakamulun at maksvn nu mauri. Kanya fagayu ginsaful siginan nu guro Baal at ngayan, ay nafalyam ku ngay taw Israel at fagmatuyanun.

Eremyas 25:14

Ngayu bank talun ay ngayuk fun at mabalyanan at namagsuguan anya fagayu. Ay gfaurianan kban anya fagayu kata at nafakamulun mauri.’ ”

Eremyas 29:26

‘Yawi nafili emu fangungbus Euyada fag tagfakamulun sis Yawi at bale. Am fakamulun, taggamat ay tagsiuk salambitan sit liug nusnga sinu fag taw at yud mamatanganan taglong te, kanya sik taglong.

Eremyas 46:21

Ay anggan ban at fagbayadun fag ngay tagfawayan kafoli glagyu. Kanya fagayu kata at nafataglu fag ngay fagbaugun tumad laman at fagnamabulun. Umfasludan ban takatanya, aroro ginanya wan at buknga laman namaurianan ay namamin ngay taw Igiptu.

Eremyas 6:14

Kanya fagayu gfutus oma ku ngay taw at bangbang ay wa fia kasalag, nu bunway glong way te, ‘Mabayan waymi!’ Ay aroro mangaro, wa mabayan.

Eremyas 8:11

Kanya fagayu gfutus oma ku ngay taw at bangbang ay wa fia kasalag, nu bunway glong way te, “Mabayan waymi!” Ay aroro mangaro, wa mabayan.

Takabalu 2:14

Ay ngay taglong at ngay taginfan wa mafanud. Ay kanya fagayu wa nafoyung ya sa ayu ay ngay asalanan, laman diam gatabanan. Ay at foyungan sa ayu at yud way matuyan.

Esekyel 13:10

“ ‘Kanya fag ngay taglong nafamuag sa ku ngay taw, siginan nu glong te, fagayu manabayan way, ay aroro mangaro wa manabayan. Kafag ngay taglong kata way lang nu nadafut afug ay lifak sit yud mogat fag afud alad gang, ngay taw at nawat.

Esekyel 13:3

‘Au, Fun Dius Yawi, glong au te, afanyuan ban at yud e fagsafulun fag ngay taglong, at foyungan tagsiginan way at sadili amatanganan, ay yud batang gtaginfan.

Esekyel 25:17

Siginan ku dotama, namaurianan au kanya fag ngay taw laman gfasud au anya fagayu. Ay gina kban nafasud anya fagayu, sumaful ban te, au Yawi.”

Esekyel 38:23

Takatanya fag balyawvtan namalag au ku fagmabalyananun sas fagayu talun te, kdi e malong. Ay kanya ban fag ngay taw sumaful te, au Yawi.’ ”

Esekyel 9:10

Nu katanya, kwa nangafanyu ya kafag ngay taw, nu bunway, namakamulun au sa anya fagayu kaksvn at nafakamulun sa tibak taw.”

Usea 14:1

Usea nalong te, “Am fag ngay taw Israel, afolii wan sa ay Dius Yawi. Nafaurianan am aroro say asalanan.

Usea 5:9

Talun Israel ban karasras gina gafaurianan fag menit. Anud, umfasludan ban ku longan sas Israel at ngay kasugfunanan.

Usea 8:13

Kanya fagayu nafon sa angku at ngay fanggalangun ay naon yamas, dewa katanya, kwa guseganan anya fagayu. Siginan takatanya, namatang au at ngay fagmauriun, ay namaurianan au anya fagayu aroro sat ngay asalanan, ay namafoli sas talun Igiptu.

Usea 9:8

Au wan Dius at taglong ay kanya gufud angku kaduge au gfangguna ayu. Dewa katanya, nusnga nday tam, kaylat wayam gfaidapan angku. Kata au sik manuk tungud at kinsangdaw. Ngay taw Israel wan Dius at natuyan at fagbanwanan, dewa katanya, kanya fagayu kadotama angku.

Amus 8:2

Ay nainto angku te, “Amus, nataw am lagan?” Ay nabalus au te, “Sik ngay rawvg malesanan masuadan sad sabi.” Ay Yawi nalong sa angku te, “Andasug wan ku ngay taw Israel at fakatabuan. Kwa kafanyu ya anya fagayu.

Mikas 2:11

Ay ay fakaylatun ay takamoyung, takamalingun ay takamuag, tagfoyung te, ‘Ngayu ban ay fanginum fanlangu.’ ”

Mikas 7:4

Ngay taw sit furuan takatap te, matuyan, we tungkul, kata way sik wat at madugi. Ay andasug wan at buknga Dius nu namaurianan anya fagayu, kata at ngay taglong at nafararang ebi. Ay andasug wan at buknga nu nangafaplan.

Sefanias 3:4

Ay at ngay taglong nu gfakamulun gfangabanganan, ay bunwa sik fagfatigwanan. At ngay tagfon fanggalangun wa gfae masuad Dius at bale, ay wa gfaning Yawi at ngay suguan.

Markus 3:21

Ay Isus at ngay kalongan nu nasaful takatanya, nalao laman nantaban anya, aroro kafag ngay taw glong te, “Kanya nalyam at amatanganan.”

Lukas 21:22

Aroro ginanya wa ban fag buknga nu gfaurianan, laman gfafasludan Dius at Longan at kinriruk ebi.

2 Kurintu. 5:13

Ay nu nkata ami sik tagfansaful, kanya aroro sas Dius. Ay em amatanganan nu matuyan tua, kanya tagfae fagmasineun ban ayu.

At Nafasure 16:19

Ay arodi, Babilunya fag furuan ankafud tulu. Ay ngay furuan sas fagdaul daga anrasras wan, ay Dius namatang at mabalyanan fag furuan daul Babilunya ay nafainum kafag taya at bilug, kanya Dius at fandotaman at maksvn fag faurianan.