Usea 9:6 - Fanawbuid tagsibaliwas Fakayabian

⁶ Dewa am glagyu fakabulun, gfaful yay ban ayu sas talun Igiptu ay namoli ayu sas Memfis. Ngay makmak ay madugi fag ngay tanum gfaut ay ngay mabyat fag ngay fagagbilugun salapi ay ngay bale.

Usea 9:6 ပူးပေါင်းရင်းမြစ်များ

2 Fun 13:7

Yuakas at ngay tagfawayan at sawad safulu way langk libu, ay limak safuluk tagsaful gsakay sis kabayu, ay safuluk faguyudan fangawayan, aroro Aram at fun narufa wan tangayu kata lukbu sit ngay darafa.

Alubad. 107:34

Yawi gfae yud e kagutlu sit masine fag daga, aroro at ngay tagbanwan sanya maksvn nu mauri.

Fangatulun 24:31

ay ku nalag makmak way lang ay dugi, ay at alad anfuan wan.

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 19:13

Ay ansik yud mamatanganan Suan at fun at ngay fagsuguan, ay Memfis at ngay tagfangguna gadayan ban. Satu ro kafag ngay tagfunan tua tagfangguna ngay taw Igiptu, ay dewa katanya, kanya way at nadaya ngay taw.

Isayas 27:12

Ginanya ban fag menit, Yawi namaful fagayu taw Israel siginans Liskung Eufrates sitsigons fagfamiluganan mamam sis talun Igiptu, kata nu gfaful rawvg gina fanrabasan.

Isayas 32:13

Sa ku ngay taw at daga e tumugbung sik ngay makmak madugi. Kalyam ban at manabayan fag furuan at ngay bale.

Isayas 34:13

Ay tumugbung sanya sik ngay makmak madugi sit maaladan fag afud furuan. Ay sanya ban tagbanwan sik ngay ebo way lang ay ngay idu talun.

Isayas 5:6

Kwa ban gulit ya ku tanuman wat ubas. Ay kwa ban gfagud ya at ngay sanga ay ggulad ya at makmak tagfaut. Ay nanlong kban sa sangay linyabu te, ‘Lag karak ya.’ Nu katanya, umkayu ban at madugi fag makmak, ay umkata ban sik araw.”

Isayas 7:23

At tanuman wat ubas nu sadik libuk fun, nu kabayad sadik libu tuak lifung salapi, dewa katanya, ginanya ban fag buknga, tagtugbung sit ngay gamasun at madugi way fag ngay makmak.

Eremyas 2:16

Ngay taw Memfis ay taw Takpanes nafaidapan ngay taw Israel.

Eremyas 42:22

Nu katanya, katsi gfatuyanan au sa ayu te, kabul ban am sas awayan, sas fanlunus, ay sas fakasaitun sis talun Igiptu, ay nusnga nday ban nu gbanwan am.”

Eremyas 44:1

Yawi nalong sas Eremyas sabaliwa ngay taw Udyu tagbanwan sis fawalan fag alvngvdan talun Igiptu: si sangay furuan Migdul, Takpanes ay Memfis, ay anggan yangay tagbanwan sis fasiunan fag alvngvdan talun Igiptu.

Eremyas 44:12

Am at kinsawad tagleleg sis talun Uda at nafabulunan glao sties talun Igiptu, umbul ban am, fagayu am at yud e kwa ay anggan takadungug. Kabul ban am sis awayan ay sis fanlunus. Ay e gfauri ban ay e gfalingun ayu.

Eremyas 44:13

Gfaurianan au ayu siginans fanlunus ay fakasaitun ay awayan, kaduge am gbanwan sis Igiptu, kata nu nafaurianan au Erusalem.

Eremyas 46:14

“Foyungi ku longan sas talun Igiptu, sa sangay furuan Migdul, Memfis, ay Takpanes: Falganani aroro mafalganan wan fiso tagsumbalian at uyup laman namabul ayu.

Eremyas 46:19

Ngay taw Igiptu, falganani ay ngay famubaun aroro e nantaban wan ayu. Ay Memfis ban karasras ay umsik mabaluanan, aroro wa ban e gbanwan ya sanya.

Esekyel 30:13

Ay Fun Dius Yawi glong yangay te, “Namarasras kban ngay fagsegan sis Memfis. Ay wa ban e gfunan ya sis talun Igiptu, namalimu kban kafag ngay taw.

Esekyel 30:16

Nangirug kban talun Igiptu! Ay Pelusyum ban umke fagagwantanun. Ay Tebes ban kamin, ay Memfis ban e fakalimuun way gugat.

Usea 10:8

E rumasras ban at ngay bale fagnansegan si tangabat fag buknga sis Aben, tagfae asalanan ngay Israel. Ay at ngay fagirugan fanggalangun umfaut wan siginan at madugi fag ngay makmak. Ay kanya fagayu glong ban sa sangay buksul te, ‘Fakwani wa emi.’ ”

Usea 11:11

Masakit nu kadasug am kata sik ngay manuk tungud siginans talun Igiptu, ay mannga kata sik ngay labikung siginans Asirya. Gdog kyay gfauli ayu sa ay ngay fagbanwanan. Au wan Yawi taglong tuy.”

Usea 2:6

Nu katanya, nangubung kwan anya sik madugi fag fangalad laman wa maduksun.

Usea 7:11

Kanya fagayu kata way sik labikung tagfangafalingunan ay at yud e fagsafulun. Kanya fagayu nananget oma gubuk sa sangay taw Igiptu ay sa sangay taw Asirya.

Usea 7:13

Kanya fagayu sik afanyuan fag ngay taw aroro anyayu siginan angku. Ay namamin kban anya fagayu aroro nafamabo angku. Kaylat koma ggubuk anya fagayu, dewa katanya, wa matuyan at ngay nalong sa angku.

Usea 7:16

Kanya fagayu nananget oma gubuk sat yud e tungkul fag ngay fakakbangan. Kanya fagayu kata way sik yud e masuad fag godun. At ngay tagfangguna anbul sas awayan aroro wa matuyan at ngay longan. Nu katanya, ngay taw Igiptu ban namalingun anya fagayu.

Usea 8:13

Kanya fagayu nafon sa angku at ngay fanggalangun ay naon yamas, dewa katanya, kwa guseganan anya fagayu. Siginan takatanya, namatang au at ngay fagmauriun, ay namaurianan au anya fagayu aroro sat ngay asalanan, ay namafoli sas talun Igiptu.

Usea 9:3

Gubun ban am Israel, Yawi at talun, ay kafoli ban am sas talun Igiptu, ay tiba malao sas Asirya, ay sanya nu kon at masuya fag fakonun.

Lebitiku 26:33

Umke awayan ban maksvn si ayu laman grasras ay furuan, ay namasaruayan kban ayu sa sangay talun.

Sefanias 1:11

Am fag ngay taw tagbanwan si tangababa fag afud furuan Erusalem, gwayway ban am, aroro ay ngay tagfalo umbul wan.

1 Samwel 13:6

Ngay taw Israel nu nasaful te, gababawan way ro, kanya fagayu nananuksuan sa sangay luib ay sas wa sigbo ay sas wa gang ay sa sangay alian ay sa sangay fagfungsuan mamam.