Usea 9:4 - Fanawbuid tagsibaliwas Fakayabian

⁴ Kanya ban wa kaylat ya nu gfon am ay fanginum fag ngay fanggalangun sas Yawi. Dewa ban am gfon gugat takatanya, wa guseganan. Ay nusnga sinu ban takon at nafon fag fanggalangun glong te, masuya way, aroro kata fakonun si sik bale ke mabulan. Ay ngay fakonun sa way lang ay sadili, bunwa sas Yawi at bale.

Usea 9:4 ပူးပေါင်းရင်းမြစ်များ

Nu Galin 29:40

Ay gina o namon sbalabag, foni yangay at masine fag fangawat tinapay, at kayuan duak fabudbungguan. Ay fae suglati sik baringan langis at naturis siginans ulibu at rawvg. Ay foni yangay sik fagsuadan fanlangu sik fanginum fag fanggalangun.

Nu Galin 40:23

Ay kanya nafasanya ngay fanggalangun fag tinapay sis Yawi at daga salubangan, kata Yawi at suguan.

Isayas 57:6

Nawat am ay ngay fagsegan ay fangawat ngay gang madalusan tagsiginans liskung, ay gseg am kaduge am gfon ay fanggalangun fag fakonun ay fag fanginum. O guseganan au takatanya ay ngay fakamulun?

Isayas 66:3

Dewa katanya, wa ban kata kanya nu gdama au ngay taw tagfaning at sadili fakaylatun, ay taguseganan gfakamulun at maksvn fag fagmauriun. Kanya ban fagayu dewa nafilas sik baka laman at fanggalangun, gtap kway anya fagayu te, takamabul. Ay nu nanamon ban sik tupa laman at fanggalangun, gtap kway te, kata way sik idu at nafabul. Ay nu nanamon ban at gutluan fag ngay fanggalangun, at ngay fanggalangun ban kata way bumbu at taguk. Ay kanya ban fagayu nu nairug at mabebanglu fag lune, laman gamatang angku, gtuyan kway ban te, kanya fagayu gseg way ngay fagsegan.

Eremyas 16:7

Wa ban e namon fakonun ay fanginum laman namasun ngay takabalu, dewa at mama ay at mina at kinbul.

Eremyas 6:20

We tungkul sa angku at fanggalangun fag ngay famaebebanglu dewa siginans talun Syeba, ay at mabebanglu fag langis siginan tangayayu fag talun. Kwa kaylat at fagirugun fag ngay fanggalangun. Ay kwa guseganan at ngay fanggalangun.

Esekyel 24:17

Gfandeng ban o, dewa katanya, lag o gfalag te, kabalu o. Lag o gbul am fansifig am alfuyu ay am lapak. Lag o gtabun am kamatan laman gfalag o te, kabalu o maksvn. Ay lag yangay kon takabalu at fakonun.”

Esekyel 24:22

Ay namakamulun ban am kata Esekyel at nafakamulun ay wa ban am gtabun ay kamatan ay wa ban am kon takabalu at fakonun.

Daniel 1:8

Dewa katanya, Daniel anke algan te, wa ban kon fun Nabukudunusur at ngay fakonun ay at fanginum laman ban di gfasuya at sadili. Nu katanya, Daniel nafainfanyuan sas Aspenas te, “Lag gfon ya sa emi fun at ngay fakonun.”

Usea 3:4

At masuad, ngaduge bank buknga ngay taw Israel nu yud e fun ay nu yud e ngay tagfangguna, ay nu yud gfon ngay fanggalangun, ay famamatang fag gang, ay at mafilian fag lanbung at fagagbilugun gina nanginsaful, ay nu yud e ngay fagsegan ya.

Usea 7:16

Kanya fagayu nananget oma gubuk sat yud e tungkul fag ngay fakakbangan. Kanya fagayu kata way sik yud e masuad fag godun. At ngay tagfangguna anbul sas awayan aroro wa matuyan at ngay longan. Nu katanya, ngay taw Igiptu ban namalingun anya fagayu.

Usea 8:13

Kanya fagayu nafon sa angku at ngay fanggalangun ay naon yamas, dewa katanya, kwa guseganan anya fagayu. Siginan takatanya, namatang au at ngay fagmauriun, ay namaurianan au anya fagayu aroro sat ngay asalanan, ay namafoli sas talun Igiptu.

Uel 1:13

Am fag ngay tagfon fanggalangun tagfakamulun si ku Dius at bale, suluni ngay saku ay waywayi maksvn fagngabak yabi aroro namin wan ngay rawvg fangawat fanlangu laman fanggalangun sa ay Dius.

Uel 1:9

Aroro wat ubas we rawvg ya ay we mamam ya fanlangu laman at fanggalangun sas Yawi at bale. Nu katanya, ngay tagfon fanggalangun tagfakamulun sa anya maksvn nu kabalu.

Uel 2:14

Tibaginan ro, Yawi gfabali yay at amatanganan, ay gfon ayu ngayuk gutluan, laman e fon tuam sa anya ngay fanggalangun fag ngay rawvg ay ngay fanlangu.

Lebitiku 17:11

Aroro taguk wan tagfaleleg fagayu tagleleg. Nu katanya, Yawi nasugu sa ayu te, ‘Foni taguk laman ay fanggalangun famalyam ay ngay asalanan.’

Lebitiku 21:17

laman nanlong sas Arun te, “Kabavn ban wa masine sik taw at yud maugali siginan am kasugfunanan nu gfon fakonun fag fanggalangun laman sa angku.

Lebitiku 21:21

Nu katanya, Arun at kasugfunanan nu nke yud way maugali, kanya wa masine gfon fanggalangun sa angku siginans afuy laman sa angku. Ay kanya wa yangay masine gsakbo sat Mafasamanan fag Suluk, ay wa manangakbang sas fagirugan aroro kanya gfauri ku bale. Dewa katanya, kanya masine way kon at mafalganan fag afud fakonun laman sa sangay tagfon fanggalangun siginan at yud e malong fag ngay fanggalangun. Au Yawi at nafili ayu laman sa angku.”

Lebitiku 21:6

Fatigwanani wan ay sadili sa angku ay Dius, ay lag gfae fakaplaun ku ngayan. Fakamuluni ban gugat takatanya aroro am wan tagirug ngay fanggalangun laman ku fakonun.

Lebitiku 21:8

Masine ay kaiban fag ngay taw Israel nu gtuyan te, diam e malong, aroro am wan tagirug ngay fanggalangun laman sa angku. Ay kaiban fag ngay taw Israel masine nu gtuyan te, diam e malong, aroro au Yawi kdi e malong, ay nafayud kyangay e malong ayu.

Amus 5:22

Nu katanya, dewa am namuba sa angku ay fagirugun fag ngay fanggalangun ay gutluan fag fanggalangun, ay ay nafataglu fag fagbaugun, kwa kaylat.

Malakyas 2:13

“Ay katatuy ya ay fakamulun, gwayway am maksvn sis Yawi at daga salubangan aroro kanya wa kasalag ya ayu, ay wa kaylat ay ngay fanggalangun.

Tap 19:11

“Nusnga sinu at nated at mabulan, tuyani anya te, mauri, kaduge fituk menit.

Tap 28:2

“Longi sa sangay taw Israel te, masine kanya fagayu nu gfon sa angku ngay fagirugun fag ngay fanggalangun si ku nafalganan fag buknga. Kanya fag ngay fanggalangun ku fakonun, ay at ayuk at mabebanglu sik famauseganan angku. Nu katanya, longi sa sangay taw Israel te,

Tap 4:7

“Ay nansagmak yangay ramit melo fagfatungkudan tinapay laman fanggalangun sas Yawi, sit daga salubangan, ay kanya fagayu namatungkud sas fagfatungkudan ngay fagsuadan, palantung, taya, tagbia fag taya, tikung fagsuadan fanggalangun fag fanginum, ay ngay tinapay tagsi gugats fagfatungkudan.

Uan 6:51

Au wan tagsiginans banwa fag fakonun tagfon leleg. Nusnga sinu tua ban at naon kanya fag fakonun gleleg tua ban kabavn. Ku fagnamonun fag fakonun ku bilug wan, laman namon au leleg at yud e fakatabuan sas fagayu taw ste swa daga.”

Deuterunumyu 26:14

Kdi naon ku ngay fanggalangun kaduge au gidapan. Kwa nafalelegan siginan ku bale kaduge au yud masine namon, ay kwa nafon laman ku fantaravn sat ngay kinbul. Yawi, ku Dius, nafaning au emu. Nafakamulun au fagayu am suguan emi.