Usea 9:3 - Fanawbuid tagsibaliwas Fakayabian

³ Gubun ban am Israel, Yawi at talun, ay kafoli ban am sas talun Igiptu, ay tiba malao sas Asirya, ay sanya nu kon at masuya fag fakonun.

Usea 9:3 ပူးပေါင်းရင်းမြစ်များ

1 Fun 9:7

gaiyan kban ngay taw Israel siginan ku nafon anya fag talun, ay gfayud kban e masuad tuy fag bale ku nafasaman laman ay fagnamauseganan angku. Ay fagayu ban taw kase gfalingun ayu fag ngay taw Israel.

2 Fun 17:6

Usea nu gfunan gina sis fasiamk banwa, Asirya at fun nagbilug Samarya ay nataban ngay taw Israel sas Asirya ay nafabanwan sas furuan Kalak si sangay talun at munakbang sis Liskung Kabur sis Gusan fag talun, ay si sangay taw Medya at ngay furuan ayu daul.

Eremyas 16:18

Nu katanya, namasud au anya fagayu duak kaksvn at fagmauriun ay at asalanan, siginan nu gfasuya ku talun ay siginan at ngay fagsegan at mauri ay at yud gleleg.”

Eremyas 2:7

Ay nataban au ayu sat masine fag daga laman umke gutluan am, dewa katanya, fagnabanwan di am sanya, nafauri am ku nafili fag daga ay ansik mauri am.

Takabalu 5:6

Ansik ngay fagsuguan ami sa sangay taw Igiptu ay sa sangay taw Asirya, laman e fakonun ami.

Esekyel 4:13

Aroro katanya ban at kumfasludan sa sangay taw Israel. Kanya ban fagayu kon at masuya fag ngay fakonun sa ku fagnamabanwanan ban fag ngay furuan.”

Daniel 1:8

Dewa katanya, Daniel anke algan te, wa ban kon fun Nabukudunusur at ngay fakonun ay at fanginum laman ban di gfasuya at sadili. Nu katanya, Daniel nafainfanyuan sas Aspenas te, “Lag gfon ya sa emi fun at ngay fakonun.”

Usea 11:11

Masakit nu kadasug am kata sik ngay manuk tungud siginans talun Igiptu, ay mannga kata sik ngay labikung siginans Asirya. Gdog kyay gfauli ayu sa ay ngay fagbanwanan. Au wan Yawi taglong tuy.”

Usea 11:5

Aroro kanya wa kaylat kafoli sa angku, kaylat way lang nangafoli sas talun Igiptu, ay Asirya ban gagbilug anya.

Usea 7:11

Kanya fagayu kata way sik labikung tagfangafalingunan ay at yud e fagsafulun. Kanya fagayu nananget oma gubuk sa sangay taw Igiptu ay sa sangay taw Asirya.

Usea 7:16

Kanya fagayu nananget oma gubuk sat yud e tungkul fag ngay fakakbangan. Kanya fagayu kata way sik yud e masuad fag godun. At ngay tagfangguna anbul sas awayan aroro wa matuyan at ngay longan. Nu katanya, ngay taw Igiptu ban namalingun anya fagayu.

Usea 8:13

Kanya fagayu nafon sa angku at ngay fanggalangun ay naon yamas, dewa katanya, kwa guseganan anya fagayu. Siginan takatanya, namatang au at ngay fagmauriun, ay namaurianan au anya fagayu aroro sat ngay asalanan, ay namafoli sas talun Igiptu.

Usea 9:6

Dewa am glagyu fakabulun, gfaful yay ban ayu sas talun Igiptu ay namoli ayu sas Memfis. Ngay makmak ay madugi fag ngay tanum gfaut ay ngay mabyat fag ngay fagagbilugun salapi ay ngay bale.

Lebitiku 20:22

“Faningi fagayu ku ngay suguan ay ku ngay faugali, laman ban kdi gaiyan ayu siginan ku nafon ayu fag talun laman ay fagbanwanan.

Lebitiku 25:23

“Lag ban am gfalao ay ngay gamasun way ban am mabul ya, aroro kanya fag gamasun siginan way angku; nafatigwanan kway sa ayu laman ay fagtanuman.

Amus 7:17

Katatuy Yawi at longan sabaliwa emu te, ‘Am mangena ban umsik takamatugtug si ay furuan, ay am ngay sisian ban umbul sas awayan. Ay am ngay fawayan ban nangafudan am daga, ay o ban umbul o sa tibak talun. Ay matuyan wan e tumaban ban ngay taw Israel sa tibak talun.’ ”

Mikas 2:10

Nu katanya, loi wan ste ginans talun Israel aroro wa ban am manabayan, aroro ay ngay asalanan nafasuya ay furuan. Tuy ban fag furuan umrasras ay wa ban e tungkul ya.

Fakamulun 10:14

Ay Pedru nabalus te, “Ku Fun, kwa kaylat. Kwa kon nusnge wain at masuya ay at yud masine.”

Deuterunumyu 28:63

Kata Yawi nu guseganan gfaramraman ay gfayu ayu, kanya ban guseganan yangay nu grasras ay nu gfabul ayu, anggan am nalyam si ay fagnamanwanan ay ay fagnangagbilugun fag talun.

Deuterunumyu 28:68

Ay Dius Yawi namafoli ayu sas talun Igiptu gfasakay ayu sas sakayan lino, dewa nafatuyanan sa ayu te, wa ban gfafoli ya ayu sanya. Gfae bayad ban am ay ngay sadili sa ay ngay fawayan, laman sik ngay fagsuguan, ay wa ban e kaylat gbayad ayu.

Deuterunumyu 4:26

Katsi fag menit nauro au banwa ay daga, laman gfatuyan te, nu dway ban am gfaning angku, wa ban ngaduge nu gbanwan am sa ay fagnangagbilugun fag daga, sas dife Liskung Urdan. Ay wa ban ngaduge nu gbanwan am sanya. Ay sanya ginan ban fagayu am umbul am.

Uswe 23:15

Dewa katanya, katsi ay Dius Yawi nafafasludan wan fagayu at masine at nafatuyanan sa ayu, ay namafasludan yangay ban at faurianan sa ayu, laman sik famararang sa ayu yakmay ban am namin ste fag talun at masine at nafon sa ayu.