Usea 9:2 - Fanawbuid tagsibaliwas Fakayabian

² Dewa katanya, sa taguyan, naminan am ay ngay tanum ay anggan ay ngay fanlangu.

Usea 9:2 ပူးပေါင်းရင်းမြစ်များ

Fakasigadan 50:10

Ay nu ndasug sas fagruyusan tagsis talun Atad, munakbang Liskung Urdan, gdog yay namatang ay anbalu aroro sas Israel at nabulanan. Ay Use maksvn nu kabalu at mama; at kadugean nu kabalu fituk menit.

Usea 2:11

Gfaragang kwan at ngay fagmafulun galay banwa, ay galay fagmafulun sabaliwa Magdanun nu Bagu Kasure, ay galay Famiangalay fag Menit.

Usea 2:12

Nanrasras kwan at ngay tanuman wat ubas ay ngay fun kayu igus ngay mangama at famayad sa anya. Namafaut kwan kafag tanuman, ay takon ban at ngay rawvg, ngay mangilafang way lang tagsis talun.

Usea 2:9

Nu katanya, gina ban fanggutluan gbul kyay ku nafon fag ngay rawvg ay fag fanlangu. Ay gbul kyangay ban ku nafon fag ngay lanbung at mawatan siginans tupa at sigyu, ay at masine fag ramit laman fantabun at fagmalulasanun.

Amus 5:11

Gfalingun am ngay taw at yud e kwa ay gbul am at ngay gutluan. Nu katanya, wa ban am manamanwan say nawat fag bale daul, ay wa ban am mainum fanlangu siginan ay ngay tanum wat ubas.

Agay 1:9

Yawi at Mabalyanan glong yangay te, “Gseg am te, ngayu tua ban ay gutluan, dewa katanya, alay way. Nustua ay nafauli ay gutluan, nafafaragfag kway lang. Nafakamulun au sa ayu takatanya aroro nafabayan am ku bale nu maiklasan, ay fagugatanun gfasine ay ngay mesa bale way lang.

Agay 2:16

Aroro ebi, gina am nalo sa ay ngay fafulan trigu, gseg am te, dua tua ro ksafuluk tasan ay gutluan, dewa katanya, safulu wayk tasan. Ay gina am nalo sa ay fagturisan rawvg ubas gseg am te, lima ro ksafuluk baringan ay fagmafapnuun, dewa katanya, dua way mangaro ksafuluk baringan.