Usea 9:15 - Fanawbuid tagsibaliwas Fakayabian

¹⁵ Dius nabalus te, “Fagayu ku ngay taw at fagmauriun gfasigad siginans Gilgal. Kanya fagayu gina sanya, kadotama au anya fagayu. Aroro siginan at fagmauriun, gaiyan kwa ban anya fagayu siginan ku fagbanwanan fag talun Israel. Ay kwa ban kesug ya anya fagayu. At ngay tagfangguna kamabo angku.

Usea 9:15 ပူးပေါင်းရင်းမြစ်များ

Alubad. 78:60

Dius naubun at fagbanwanan fag bale ramit tagsis furuan Silu, nu inda nu gbanwan ste sfagdaul daga.

Isayas 1:23

Am nafili fag ngay tagfangguna sik ngay takamabo way, ay ansadi sa sangay tagfangkamul. Ay kanya fagayu kaylat gbul ngay famaylatan fag ngay famayad anggan ngay famonun. Ay wa ggubuk at yud e fagtainan ya, ay wa kasalag ngay fagbubayun nu nke fagidapun.

Eremyas 11:15

Ku fakesugun fag ngay taw nafakamulun ngayuk fakamulun at maksvn nu mauri. Kanya fag ngay taw wa masine ya gsakbo sa ku bale. At ngay fanggalangun wa mafafaragang takadasug fag faurianan laman sa anya fagayu. Ay kanya fagayu guseganan way at fakamulun fagayu dewa mauri.”

Eremyas 12:8

Kanya fagayu nafawayan angku kata sik liun tagsubang sisad araw. Nu katanya, andotama au.

Eremyas 15:1

Yawi nalong sa angku te, “Dewa yay ro Muisis ay Samwel at namainfanyuan sa angku laman sanya fag ngay taw, kwa kafanyu ya anya fagayu. Nu katanya, namayayu o anya fagayu siginan angku. Nangaiyan wo anya fagayu!

Eremyas 3:8

Nafasaruayan kwan ay naiyan siginan angku ngay taw Israel, aroro kanya fagayu gfanugtug siginan nu gseg tibak fagsegan. Dewa katanya, nalag au te, takamabo fag ngay taw Uda wa nlimu ku nafakamulun, abat ngate, kanya fagayu gfanugtug yangay.

Eremyas 5:5

Nu katanya, glao au sat ngay tagfangguna laman namakamatoan. Anud kanya ro fagayu sumaful Yawi at ngay balyawvtan, at masuad te, sumaful at Dius at fakaylatun.” Ay dewa katanya, nu nafakamatoan au, kanya fagayu wa naylat gfaning Yawi at fagyafafakamulunun.

Esekyel 22:27

Ay kafag ngay taw at fun kata sik ngay idu talun. Kanya fagayu nanfamabul laman kae salapi.

Esekyel 23:18

“Maksvn nu kauri au Uliba, ay naiyan au anya kata at kaka, aroro kanya gfataglayun nu gfalao at sadili.

Usea 1:6

Ay sanya ginan Gumer gdog yay nafafion ay nafasalug sik munina. Dius nalong sas Usea te, “Fangayani kafag munina te, Lu-Rukama, aroro kwa kafanyu ya ngay taw Israel ay kwa gfalyam ya at ngay asalanan.

Usea 1:9

Yawi nalong sas Usea te, “Fangayani anya te, Lu-Ami, aroro ngay taw Israel bunwa ku ngay taw ya, ay bunwa au ya at Dius.

Usea 12:11

Dewa katanya, ngay taw Gilyad gfataglayun yay gugat at ngay fagmauriun, ay kata way nu yud e masuad. Ngay taw Gilgal gfon ngay tama baka sat ngay fagsegan, ay nu katanya, gfarasras au at ngay fagirugan fanggalangun, ay umkata ban sik nafaful fag ngay gang gina naali at gamasun.

Usea 12:2

Usea nalong te, Yawi e ngay longan yangay laman sa sangay taw Uda, Akub at ngay sugfun. Ay gfaurianan ban anya fagayu aroro sat mauri fag ngay ugali, ay gfasud ban tagalvngvdan at nafakamulun.

Usea 3:4

At masuad, ngaduge bank buknga ngay taw Israel nu yud e fun ay nu yud e ngay tagfangguna, ay nu yud gfon ngay fanggalangun, ay famamatang fag gang, ay at mafilian fag lanbung at fagagbilugun gina nanginsaful, ay nu yud e ngay fagsegan ya.

Usea 4:15

Ngay taw Israel, dewa am natalyuyan angku kata sik mangena takamatugtug, lag am gfataip ngay taw Uda. Ay am fag ngay taw Uda, lag am glao sas Gilgal ay sas Bet-Aben laman nanseg angku, ay lag am glong ku ngayan gina am gfatuyanan.

Usea 4:9

Nu katanya, nu nafaurianan kway ku ngay taw, gfaurianan kyangay ban anggan ayu. Nu mauri way ay nafakamulun, mauri yangay ban takadasug sa ayu.

Usea 7:2

Kanya fagayu wa gamatangan ya te, kwa ban kalyam at ngay fagmauriun. Anggan katsi, kanya fagayu gasalanan way gugat.

Usea 9:17

Usea nalong te, “Ku Dius gaiyan ngay taw Israel aroro wa gfaning anya. Nu katanya, kanya fagayu gsaruayan waban sa tibak talun.

Usea 9:3

Gubun ban am Israel, Yawi at talun, ay kafoli ban am sas talun Igiptu, ay tiba malao sas Asirya, ay sanya nu kon at masuya fag fakonun.

Lebitiku 26:30

Nanrasras kwan ay ngay fagnansegan ay ay fagirugan famaebebanglu fag fanggalangun tagsi sangay buksul. Gukas kban ay ngay bilug sa ay ngay tungud fagsegan at yud gleleg, ay gaiyan kban ayu.

Amus 4:4

Ngay taw Israel, loi wan sa ay fagnansegan sas Betel ay sas Gilgal ay namamut am sanya ay ngay asalanan. Kayu balabag, bubai ay ngay fanggalangun, ay galay fatuluk menit, bubai yangay ay ngay fasafuluk afud.

Amus 5:27

Nu katanya, namagamat au ayu ay namataban gfayayu siginans Damasku.” Katanya Yawi at longan, at ngayan at Mabalyanan fag Dius.

Amus 5:5

Lag am sas Betel ay sas Gilgal, ay sas Beerseba laman nanseg tibak fagsegan. Aroro matuyan e tumaban ban ngay taw Gilgal, ay e nangiklas ban furuan Betel.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Mikas 6:5

Ku ngay taw, amatangi te, Balak talun Muab at fun nasugu Balaam, Beur at baguama, laman namauri ayu. Dewa katanya, nalong au sas Balaam te, nanlong o sik ngay mauseganan sa anya. Amatangani yangay te, naufud koma ayu gina am glao siginans Sitim sitsigons Gilgal. Ay lag kalyam at ngay kinfasludan laman sumaful am te, nafalangfe au ayu.”

Sefanias 3:3

At ngay tagfangguna kata sik liun gsubang. Nu gakayabiun wan kanya fagayu kata sik idu talun tagrvbvy at fagnangonun, ay balabag di, we fasawadan ya.

Sakaryas 11:8

Naiyan au kanya fag tuluk tagalaga fagbaugun kaduge sik magdanun. Kafag ngay tupa kauri angku, ay kwa kagwanta ya anya.

Fakamulun 4:27

Nu katanya, Erudes ay Pilatu ay at yud Udyu fag ngay taw ay ngay taw Israel ansadi laman namawayan am fagsuguan Isus, am nafili fag Fun.

Fakamulun 5:21

Ay sbalabag sirut, kanya fagayu nafaning tagbarita at longan ay nasakbo sas Dius at bale ay gfoyung sa sangay taw at maful sanya. Ay fun tagfon fanggalangun ay at ngay ufud nu ndasug, nafauro taw Udyu at ngay tagfangguna laman gkamatoan. Ay kanya fagayu nasugu laman nantaban Isus at ngay nasugu siginans fagubungan.

Uswe 10:43

Sanya ginan, Uswe ay fagayu taw Israel anfoli sat fagmafulan sis Gilgal.

1 Samwel 7:16

Galay banwa, kanya gdalanan sas Betel, sas Gilgal ay sas Mispa laman gfangguna ngay taw Israel sanya.