Usea 9:1 - Fanawbuid tagsibaliwas Fakayabian

¹ Usea nalong te, “Am fag ngay taw Israel, faragangi wan nu guseganan am kata tibak ngay talun, aroro gseg am sa tibak fagsegan ay kayayu wayam ay Dius. Dewa nday fag fagruyusan fare, gseg wam ay gutluan ay glong am te, ‘Tuy wan tam famayad siginan tam ngay fagsegan aroro gseg tam anya.’

Usea 9:1 ပူးပေါင်းရင်းမြစ်များ

Alubad. 73:27

Umfaurianan ban ngay taw at natalyuyan emu. Ay gfabul ban o fagayu at nafamabo emu.

Isayas 17:11

at natugbung oma ay at nasariksik gina am gtanum fag menit, wam e faggutluun, abat ngate, nangidapan way ban am sat yud kafia fag anini.

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Eremyas 2:20

Ebi gina am gafagsuguanan, kata am sik ngay baka at ke fantungud liug ay sik ngay taw at maubungan masiukan salambitan. Ay nafalfas koma ayu, dewa katanya, wam nafaning angku. Abat ngate, naseg wayam tibak fagsegan si tangabat fag ngay buksul ay si sangay fun kayu at marabung at lanbung, ay ankata am sik takamatugtug fag mangena.

Eremyas 44:17

Gfakamulun ami nusnge wain em fakaylatun. Nangirug ami ngay famaebebanglu sa em fagsegan at nafangayan te, Tagsis Banwa fag Mangena fag Fagsegan! Ay namon ami sa anya fanginum fag ngay fanggalangun kata em nafakamulun si sangay furuan tagsis Uda ay sis Erusalem at ngay fagaweanan, kata em ngay mangaguyang, ay em ngay fun, ay em ngay tagfangguna at nafakamulun. Ebi manabayan tua nu gbanwan ami: ngayu tua em fakonun, ay di e kadasug sa emi at mauri.

Takabalu 4:21

Am fag ngay taw Edum tagbanwan sis Us, katsi useganani ay fanagsagi, aroro Yawi namaurianan yangay ban ayu. Umfaurianan yangay ban am ay umke fakaplaun.

Esekyel 16:15

“ ‘Dewa katanya, nafamanagsag o am fagmasineun ay am fakadungugun. Kata sik takamatugtug fag mangena, nafataladan o sas nusnga sinu fag mangama, ay kanya fagayu nafakamulun sa emu gfaning at fakaylatun.

Esekyel 16:30

“ ‘Au, Fun Dius Yawi, glong au te, at kasakit nu gafaylatan o! Kata wayo tagfaebayad fag mangena yud gfangapla.

Esekyel 20:32

“ ‘Wa ban umfasludan kata ay algan. Wa ban am mafaning tibak talun at ngay taw tagseg sa sangay fagsegan at mawatan siginans gang ay kayu.

Usea 10:5

Ngay tagbanwan sis Samarya kalimu, aroro at ngay fagsegan fag baka tina tumad sis Bet-Aben umkalyam ban. Ay at ngay tagfon fanggalangun taguseganan sat ngay fagsegan at kamasinean gwayway ban, aroro gbul siginan anya at ngay fagsegan,

Usea 2:12

Nanrasras kwan at ngay tanuman wat ubas ay ngay fun kayu igus ngay mangama at famayad sa anya. Namafaut kwan kafag tanuman, ay takon ban at ngay rawvg, ngay mangilafang way lang tagsis talun.

Usea 4:12

Kanya gfamatang way ayu laman nanseg am sa sangay fagsegan at mawatan siginans kayu, ay gafanud am te, kanya ro fag ngay fagsegan gbalus tua ayu. Ay at mauri fag falad gfaylatan ay gtaban ayu, laman nanseg am kafag ngay fagsegan, nu katanya, natalyuyan am angku, kata sik takamatugtug fag mangena.

Usea 5:4

Ay mauri fag ngay fakamulun gsalag ayu laman wam kafoli sa angku. Aroro sik falad gfamatangan ayu laman gseg am tibak fagsegan, ay wam gtoglag te, au Yawi.

Usea 5:7

Nafamabo am angku siginan nu gsisian am siginan ay yud mangena. Nu katanya, namabul au ayu ay nanrasras ay ngay gamasun, gina ban am maful sabaliwa Magdanun nu Bagu Kasure.

Amus 3:2

“Sas fagdaul daga, am wan ku nafili laman ku ngay taw. Dewa katanya, namaurianan kban ayu aroro sa ay ngay asalanan.”

Amus 4:5

Ay nangirug am tinapay at ke famabia laman sik fanggalangun famauseganan. Agvd, nanfamatungudun wam takatanya, anggan ay fanggalangun yud fabulunan, aroro katanya wan ay fakaylatun gfakamulun. Au, Fun Dius Yawi taglong tuy.

Amus 6:13

Guseganan am nu nababo am furuan Lu-Debar ay Karnaim, ay glong am te, “Nababo tam kafag furuan siginan tam sadili fagmabitsugun.”

Amus 8:10

Ay abat ngate ban am guseganan ginam maful, gwayway way ban am, ay abat ngate ban am guseganan galubad, kabalu wayam. Ay namalanbungan kban ayu saku, ay gsugu au ayu te, ufoi ay ngay buk, laman gfalag am ay fakabaluun, kata sik ngay fagtainan tagwayway aroro at sisian tagsesadi anbul. Ay dewa katanya, amaidap yap ban taguyan fag faurianan.”

Santiagu 4:16

At matuyan, kamanagsag way am ay kamatungudun. Nu katanya, mauri way am.

Santiagu 5:1

Dungugani, am at ngay maramraman. Waywayi ay sidsiduani, aroro umdasug sa ayu ngayuk mauri.