Usea 8:8 - Fanawbuid tagsibaliwas Fakayabian

⁸ Ngay taw Israel kata nu naonan tibak talun. Katsi kanya fagayu gfasuglatan way lang sanya fag ngay talun, kata way lang at yud e fanambagun fag fagagbilugun.

Usea 8:8 ပူးပေါင်းရင်းမြစ်များ

2 Fun 18:11

Asirya at fun nataban ngay taw Israel sas Asirya ay nafabanwan sas furuan Kalak, ay sa sangay talun at munakbang sis Liskung Kabur sis talun Gusan, ay sa sangay taw Medya at ngay furuan ayu daul.

Isayas 30:14

Umrufa ban am kata sik bisu daga, ay at kaksvnan, we nagrufan ya sak masaruk ngay nagyunguan ay mafatas mamam.”

Eremyas 22:28

Yuyakin, kata o sik tikung at marufan at yud e masuad ya. Nu katanya, nangukas kwan emu ay anggan am ngay sisian say fagyudun toglag fag talun.

Eremyas 25:34

Am fag ngay tagfangguna, waywayi maksvn, dagingani sis daga aroro sa ay fakabaluun. Aroro andasug wan at menit nu gfabul ayu kata nu gfabul sik tupa, ay umrufa am kata at kinrufa fag tikung.

Eremyas 48:38

Ngay taw gwayway wan sat ngay mesa bale ay sa sangay fagaweanan, aroro narasras kwan talun Muab kata sik tikung at kinrufa at yud e nangasalag ya.

Eremyas 50:17

“Ngay taw Israel kata way sik ngay tupa at nasaruayan aroro ngay liun gfafalo. Taguna, fun Asirya naon anya fagayu, ay Nabukudunusur, Babilunya at fun, at narufa at ngay bini.

Eremyas 51:34

Ngay taw Erusalem glong te, “Nabukudunusur talun Babilunya at fun kata sik ule daul naon emi. Ay kanya nafapsug anya em ngay ramraman, ay naubun wan em furuan ay we nafasawad ya nusnge wain, kata way lang sik tikung at yud e bilug ya.

Takabalu 2:16

Am ngay fawayan gfalingun emu, gifulan ay gfaringgit at ngay bagang ay glong te, “Katsi narasras watam furuan Erusalem! Katsi wan fag menit tam fagfanyaun, ay anfasludan wan!”

Takabalu 2:2

Ay kanya narasras yangay ngay taw Israel at fagbanwanan. Ay siginan at dotama, kanya narufa yangay furuan Erusalem at alad. Ay nafaragang wan sanya fag fagfunanun, ay nafaragang yangay ngay tagfangguna ay nafae fakaplaun.

Takabalu 2:5

Fun Dius naiklas Israel kata nu at fawayan, ay naiklas yangay ngay furuan at alad, ay anggan fun at alad bale. Ay nafamut yay kafag ngay taw at fakabaluun ay at fagwaywayun.

Takabalu 4:2

Ebi, kanya fagayu dewa kata sik gintu, katsi kata way lang sik tikung at mawatan siginans lifak.

Takabalu 5:2

Tibak talun at taw nagbilug em ngay daga, ay em ngay bale.

Esekyel 36:3

“Nu katanya, nanlong o sa kafag ngay buksul te, ‘Au, Fun Dius Yawi, glong au te, tibak talun at ngay taw nafawayan ay nagbilug ayu. Ay kanya fagayu gfalingun gugat ay gfapla ayu.

Lebitiku 26:33

Umke awayan ban maksvn si ayu laman grasras ay furuan, ay namasaruayan kban ayu sa sangay talun.

Ruma 9:22

Katanya yangay Dius at nafakamulun. Dius kaylat gfalag at dotama ay gfatoglag at fagmabalyananun. Dewa katanya, kanya nagwantan yay sas fagdaul at fangagwanta laman wa namamin at fagnamaminun wan fag ngay taw.

Deuterunumyu 28:25

Yawi ban gfababawan ayu sa ay ngay fawayan. Masadi ban am namawayan anya fagayu, dewa katanya, gsaruayan way ban am ay glagyu anya fagayu. Ay umsik mauri ban am sas fagayu fagfagtainanan sas fagdaul daga.

Deuterunumyu 28:64

Yawi ban gfasaruayan ayu nusnga nday fag talun. Ay sanya ban gseg am sa tibak ngay fagsegan at mawatan kayu ay gang, am ay anggan ay mangaguyang ay fagyudun toglag fag ngay fagsegan.