Usea 8:6 - Fanawbuid tagsibaliwas Fakayabian

⁶ Samarya at fagsegan fag baka, ngay taw Israel way at nawat. Kanya bunwa Dius. Matuyan, kanya ban karufa way.

Usea 8:6 ပူးပေါင်းရင်းမြစ်များ

2 Fun 23:15

Usyas nasugu yangay laman grufa fagirugan tagsisad basad bale fagnansegan sa tangabat fag buknga sis furuan Betel. At nafawat kafag bale, Erubuam, Nebat at baguama, at nafae asalanan ngay taw Israel. Usyas nasugu laman namuan ay nangirug tagsanya fag ngay turuk fagtoglagan Asera fag fagsegan.

2 Fun 23:19

Sanya ginan, fun Usyas nabul fagayu fagsegan siginans fagnansegan fag ngay bale sa tangabat fag ngay buknga sis Samarya, Israel at ngay fun at nafawat ay at nafadotama Yawi. Fun Usyas nafakamulun sa kafag ngay fagnansegan kata at nafakamulun sas Betel fag fagnansegan.

2 Krunika 13:8

Ay katsi kaylat am namawayan Yawi at fagfunanun, at nafatigwanan sas Dabid at ngay kasugfunanan. Ay kamatungudun am te, ngayu ay tagfawayan, ay gbuba am Erubuam at nafawat fag fagsegan fag riangan baka at mawatan siginans gintu.

2 Krunika 31:1

Ay nu ntabu wan at fagmafulun, at maful fag ngay taw Israel nalao sa sangay furuan tagsis Uda, ay kanya fagayu narufa fagayu famamatang ngay fagsegan fag ngay gang, ay ngay turuk fagtoglagan Asera fag fagsegan. Ay kanya fagayu naiklas yangay ngay fagnansegan si tangabat fag ngay buknga sis talun Uda, sis Benamin, Efraim, ay Manase. Ay nu naiklas wan kanya fag ngay fagsegan ay fag ngay fagnansegan, ngay taw Israel noli wan sat ngay furuan ay sat ngay mesa daga.

Eremyas 10:14

Ngay taw tagseg ngay fagsegan sik yud way mamatanganan ay yud e fagsafulun. Ngay takawat gintu umkapla sat nawat fag ngay fagsegan, aroro at awatan bunwa at matuyan fag fagsegan. Kanya fag ngay fagsegan wa gleleg,

Eremyas 48:13

Ngay taw Muab ban at fagsegan Kemus gfae fakaplaun anya fagayu, kata at kinfasludan sis Betel, ngay taw Israel nu kae fakaplaun aroro sat fagsegan.

Eremyas 50:2

“Fadungugi sa sangay talun foyungan at yud e masuksukan ay fabati sik ramit, famasaful te, talun Babilunya anrasras wan. Ay at ngay fagsegan at mapla anrufa wan anggan at fagsegan Bel ay Marduk anrufa yangay.

Usea 10:2

Ay kanya fagayu kamuag wan, ay katsi kanya fagayu gafaurianan aroro sat ngay asalanan. Dius nanrasras at ngay fagirugan fanggalangun ay at fagsegan fag ngay gang.

Usea 13:2

Ay katsi, am fag ngay taw Efraim, gfataglayun yayam gfakamulun takatanya fag asalanan. Kawat am ngay fagsegan siginan ay ngay salapi. Ay dewa katanya, takatanya fagayu taw way at nawat. Ay e glong sabaliwa ayu te, ‘Kanya fagayu gfon taw sat ngay fagsegan riangan baka ay gayuk anya.’

Usea 14:3

Ay wami get ya fanggubukun siginans Asirya, ay wa yangay mi gseg ya em ngay tagfawayan tagsakayan sis kabayu. Ay wa yangay mi gngayan ya em nawat fag ngay fagsegan te, em ngay dius. Aroro anfanyu tuo emi kata sik ngay sisian at yud e fagtainan ya.’ ”

Mikas 1:7

Ay fagayu ban fagsegan tagsis Samarya umkirug wan, ay ngay mangama ban at famayad sa sangay mangena tagfaebayad umkirug yangay sat fagnansegan fag bale. Furuan Samarya anke ngay fagsegan siginan ngay mangama at famayad sa sangay tagfaebayad fag ngay mangena sit fagnansegan fag bale. Nu katanya, at ngay fawayan ban namul salapi ay gintu at mafasafungan sanya fag ngay fagsegan, laman at famayad yangay sa sangay tagfaebayad fag ngay mangena sit fagnansegan fag ngay bale.”

Abakuk 2:18

Nataw ngay fagsegan at fanambagun? Kanya fagayu taw way at nawat siginan sik ngay kayu ay wa maringang.

Fakamulun 17:29

“Dakngani itam wan at sisian, lag tam gamatangan te, Dius kata way sik awatan siginans gintu ay sanbung salapi ay gang, siginans taw at kamakatuan ay at amatanganan.

Fakamulun 19:26

Ay nalag wam ay nadungug te, Pablu nagewan ngayuk taw sis furuan Efesu ay sas fagdaul talun Asya. Kanya gfoyung te, taw at nawat fag ngay fagsegan bunwa at matuyan fag fagsegan.