Usea 8:5 - Fanawbuid tagsibaliwas Fakayabian

⁵ Kwa kaylat ngay taw Samarya at fagsegan fag baka. Maksvn nu kadotama au anya fagayu. Seduge ya ban kanya fagayu nu yud gfakamulun at masine?

Usea 8:5 ပူးပေါင်းရင်းမြစ်များ

2 Krunika 13:8

Ay katsi kaylat am namawayan Yawi at fagfunanun, at nafatigwanan sas Dabid at ngay kasugfunanan. Ay kamatungudun am te, ngayu ay tagfawayan, ay gbuba am Erubuam at nafawat fag fagsegan fag riangan baka at mawatan siginans gintu.

Alubad. 19:13

Ay fayayui angku siginan ku natikis fag asalanan, lag o gfabayan kanya fagayu nu gagbilug angku, laman ban gugali ktua at yud e malong, ay kdi kamabo ya.

Fangatulun 1:22

“Am fag ngay taw at yud e fagsafulun, seduge ya ban nu katanya am gugat? Ay am fag ngay taw takamalingun, seduge ya ban nu kamanagsag am kamalingun gugat? Ay am fag ngay taw at yud mamatanganan, seduge ya ban nu yud am kaylat fagsafulun?

Isayas 45:20

Yawi glong yay te, “Fagayu am at nalagyu siginan tibak talun, afuli ay akbangi sa angku. Ngay taw tagbuba at ngay fagsegan fag ngay kayu we fagsafulun. Kanya gdarangin sat ngay fagsegan at yud mafalangfe anya.

Eremyas 13:27

Nalag au ay ngay nafakamulun at mauri nu gseg am ngay fagsegan, sa sangay buksul, ay sa sangay datag. Kata am sik mangena tagfaebayad, sik tagfanugtug ay sik takamatugtug at yud kagwanta ya nu namataladan. Ngay taw Erusalem, afanyuan am! Seduge ya ban nu katanya am?”

Eremyas 4:14

“Ngay taw Erusalem, talyuyani wan ay asalanan laman umlangfe tuam. Seduge ya ban nu gamatangan am sat mauri?

Eremyas 48:13

Ngay taw Muab ban at fagsegan Kemus gfae fakaplaun anya fagayu, kata at kinfasludan sis Betel, ngay taw Israel nu kae fakaplaun aroro sat fagsegan.

Usea 10:5

Ngay tagbanwan sis Samarya kalimu, aroro at ngay fagsegan fag baka tina tumad sis Bet-Aben umkalyam ban. Ay at ngay tagfon fanggalangun taguseganan sat ngay fagsegan at kamasinean gwayway ban, aroro gbul siginan anya at ngay fagsegan,

Usea 10:8

E rumasras ban at ngay bale fagnansegan si tangabat fag buknga sis Aben, tagfae asalanan ngay Israel. Ay at ngay fagirugan fanggalangun umfaut wan siginan at madugi fag ngay makmak. Ay kanya fagayu glong ban sa sangay buksul te, ‘Fakwani wa emi.’ ”

Usea 13:2

Ay katsi, am fag ngay taw Efraim, gfataglayun yayam gfakamulun takatanya fag asalanan. Kawat am ngay fagsegan siginan ay ngay salapi. Ay dewa katanya, takatanya fagayu taw way at nawat. Ay e glong sabaliwa ayu te, ‘Kanya fagayu gfon taw sat ngay fagsegan riangan baka ay gayuk anya.’

Usea 8:6

Samarya at fagsegan fag baka, ngay taw Israel way at nawat. Kanya bunwa Dius. Matuyan, kanya ban karufa way.

Amus 8:14

Namaurianan kban ayu, am fag ngay taw tagfatuyanan glong at maksvn sas Samarya, sas Dan ay sas Beerseba at ngay fagsegan, ay wa ban am manangabangkad ya.”

Mikas 1:7

Ay fagayu ban fagsegan tagsis Samarya umkirug wan, ay ngay mangama ban at famayad sa sangay mangena tagfaebayad umkirug yangay sat fagnansegan fag bale. Furuan Samarya anke ngay fagsegan siginan ngay mangama at famayad sa sangay tagfaebayad fag ngay mangena sit fagnansegan fag bale. Nu katanya, at ngay fawayan ban namul salapi ay gintu at mafasafungan sanya fag ngay fagsegan, laman at famayad yangay sa sangay tagfaebayad fag ngay mangena sit fagnansegan fag ngay bale.”

Fakamulun 7:41

Nu katanya, Arun nawat sik fagsegan kata sik baka riangan, ay kanya fagayu guseganan ay gfon at ngay fanggalangun sat nafawat fag fagsegan.

Deuterunumyu 32:22

Nu kadotama au kata sik afuy tagigang, ay girug daga ay fagayu tagsanya, anggan sas daga daga, ay sa sangay buksul at fagtungkudan.