Usea 8:14 - Fanawbuid tagsibaliwas Fakayabian

¹⁴ Ngay taw Israel nalyam at takawat. Ngay taw Israel ay ngay taw Uda nawat at ngay bale ayu daul, ay at mogat fag ngay furuan ayu daul. Dewa katanya, nangirug kban kafag ngay furuan ay anggan at mogat fag ngay afud.”

Usea 8:14 ပူးပေါင်းရင်းမြစ်များ

1 Fun 12:31

Fun Erubuam nafawat yangay ngay fagnansegan si tangabat fag ngay buknga, ay nafili ngay tagfon fanggalangun dewa yud taw Lebi.

1 Fun 16:31

Saman ya nu gfaning Erubuam, Nebat at baguama, at ugali, kanya andadwa ya sas Esebel, Etbaal at baguina. Etbaal talun Sidun at fun. Siginan ginanya, Akab gseg ay gfauseganan Baal.

2 Fun 18:13

Gina sis falabi ufatk banwa Esekyas nu gfunan, Senakerib, Asirya at fun, nafawayan ay nagbilug fagayu at maaladan fag furuan sis Uda.

2 Krunika 26:10

Ay anggan sis talun at yud e taw, kanya nafawat yangay ngay bale ngabat ay nafaali ngay bubun laman fagfungsuan mamam, aroro ngayu at ngay fagbaugun sa sangay buksul tagsibaliwas fakayabian, ay tagsi sangay datag. Kanya e ngay fagsuguan laman galaga at gamasun, at ngay tanum ubas, tagsi sangay buksul ay tagsisad datag, aroro kanya kaylat gfananumun.

2 Krunika 27:4

Ay kanya yangay at nafawat ngay furuan sis Uda at fagagbilugun fag ngay buksul, ay at nafawat ngay alad gang ay ngay bale ngabat fagulitan, sa sangay sad araw.

Alubad. 106:21

Kanya fagayu nalyam wan at tagfalangfe fag Dius, at nafakamulun fag ngay madulo sis talun Igiptu, sas Kam at kasugfunanan at talun, ay anggan gina sis day Dagat Maraska.

Alubad. 95:6

Gewan garungan watam ay gseg Yawi, at nawat antam,

Isayas 17:10

Ngay taw Israel, umfasludan ban sa ayu takatanya, aroro nalyam am Dius tagfalangfe ayu, ay fagsarirungan fag gang. Nu katanya, ay fananum dewa at mafilian fia, kata way sik ubas siginan tibak talun,

Isayas 29:23

Aroro Akub at ngay kasugfunanan gina lumag ku nafakamulun sa anya, kanya dumungugan tua angku, Akub at yud e malong fag Dius. Ay kanya kalimu tua angku, Israel at Dius.

Isayas 42:13

Yawi namawayan kata sik tagfawayan at mafalganan. Kanya guro sik famasaful te, namawayan wan, ay namabo at ngay fawayan.

Isayas 42:25

Nu katanya, Yawi nafalag sa antam at dotama maksvn, ay nafaidapan antam sa tam ngay fawayan. Kanya nu kadotama kata sik afuy at maligung tagirug antam, aroro wa tam nafandungug ay namatangan.

Isayas 43:21

Nawat au kanya fag ngay taw laman sa angku, ay laman ban kanya fagayu namauseganan angku.

Isayas 9:10

“Dewa anrasras wan em ngay bale at mawatan way tisa ay yud mogat fag ngay kayu, gdog yay ban mi nangawat siginan at madasdasan fag ngay gang ay at mogat fag ngay kayu.”

Isayas 9:9

Fagayu taw Israel ay anggan tagbanwan sis furuan Samarya sumaful te, Dius nalong takatanya. Dewa katanya, aroro sat fakamatungudunun, kanya fagayu glong way te,

Eremyas 17:27

Dewa katanya, nu dway ban am gfaning angku, ay nu dway ban am gfae masuad Famiangalay fag Menit, ay nu namuba way ban am ay ngay famaloun sas Erusalem at ngay sakbawan ginanya fag menit, nangirug kwan Erusalem at ngay sakbawan anggan ngay furuan at ngay fagtungkudan, ay wa ban e mafarabung ya!”

Eremyas 2:32

O sik baguina kalyam at ngay dalag taganyang ay at fangadadwa fag lanbung? Ku ngay taw oma am, dewa katanya ngaduge wan nu yud am gamatang ya angku.

Eremyas 23:27

Ay siginan kafag ngay taglong at ngay taginfan nafoyung sa ku ngay taw laman gtalyuyan angku, kata at ngay mangaguyang nu kalyam angku siginan nu gseg Baal.

Eremyas 3:21

Sis talun at yud e taw fag ngay tagbudbuksulanun, ngay taw Israel gwayway gfainfanyuan aroro kanya fagayu anyayu ay nalyam angku.

Eremyas 5:17

Kanya ban fag gaban taw namamin ay ngay gutluan, ay ay ngay fakonun, ay namabul ay ngay sisian, ay ay ngay fagbaugun, ay namamin ay ngay tanum wat ubas ay anggan ay tanum igus. Ay nangiklas ban ay fagnansarigan fag ngay furuan ke alad.

Esekyel 23:35

“Ay aroro nalyam o ay naiyan o angku, au, Fun Dius Yawi, glong au te, gidapan ban o aroro am ugali mauri ay nafamatugtug o sa tibak mangama.”

Usea 13:6

Ay nafafangon koma ayu yakmay am napsug, ay nu nkapsug wam kamatungudun wayam ay nalyam am angku.

Usea 2:13

Gfaurianan au anya aroro kanya nairug ngay famaebebanglu sas Baal fag ngay fagsegan, ay nasulun bauyung ay fanumyu, ay nanangalo at ngay mangama, ay nalyam wan angku. Au, Yawi, taglong tuy.

Usea 4:6

Ay gfaurianan kyangay ban ku ngay taw, aroro we fagsafulun sabaliwa angku. Aroro am oma fag ngay tagfon fanggalangun wam naylat fagsafulun, nu katanya, gfaurianan kyangay ban ayu. Ay wam yangay nafaning ku ngay suguan, nu katanya, gfaurianan kyangay ban ay ngay sisian.

Amus 1:10

Nu katanya, nangirug kban furuan Tiru at ngay alad gasfuan at mogat fag ngay afud.”

Amus 1:12

Nu katanya, nangirug kban Teman gasfuan Busra at mogat fag ngay afud.”

Amus 1:14

Nu katanya, nangirug kban furuan Raba at ngay alad gasfuan at mogat fag ngay afud, kaduge at ngay fawayan gudguroan kata sik fulug nu kalung.

Amus 1:4

Nu katanya, nangirug kban fun Kasael at bale daul, gasfuan furuan Damasku at mogat fag afud, at baguama Ben-Adad at nafawat.

Amus 2:5

Nu katanya, nangirug kban talun Uda, gasfuan Erusalem at mogat fag ngay afud.”

Efesu 2:10

Dius nawat antam. Ay siginan tam fagmasadiun sa tam Fun Isus, ankawat tam laman gfakamulun tam at masine. Dius nafalganan takatanya sa antam siginan yay ebi taguna.

Deuterunumyu 32:18

Kanya fagayu wa gamatang ya at tagfalangfe fag Dius, at fagnansarigan fag gang at nawat anya fagayu.