Usea 8:1 - Fanawbuid tagsibaliwas Fakayabian

¹ Uyupi ay ngay budyung laman sik famararang sa ku ngay taw, aroro at ngay fawayan namawayan anya fagayu kasakit sik bio, aroro ku ngay taw wa nafae masuad em nasadian ay wa nafaning ku ngay foyungan.

Usea 8:1 ပူးပေါင်းရင်းမြစ်များ

2 Fun 18:27

Dewa katanya, kanya fag tagfangguna tagfawayan nabalus te, “O nunda sa way lang ay fun ay sa ayu ku tagfayafun at fagnasuguun angku ste laman gfadungug ayu tuy? Bundi, anggan tua sas fagayu taw tagbanwan iste sis furuan Erusalem? Fagayu ban am umlunus wam ay umdanum nu gfawayan wami ayu. Ay nu katanya, ay fakonun ban ay kek mandi ay ay fanginum ay tifus.”

Isayas 18:3

Fagayu am tagbanwan sas fagdaul daga, fanyai nu e gfabat sik famasaful fag ramit sas tungud buksul, ay dungugani nu gbudyung.

Isayas 24:5

Ngay taw tagbanwan sas fagdaul daga nafauri wan at fagbanwanan, aroro wa nafaning Dius at ngay suguan ay wa nadungugan at ngay longan. Kanya fagayu nafamabo ebi at nasadian sas Dius te, namaning tua ban anya.

Isayas 58:1

Yawi nalong te, “Faksvni nu guro am ay lag gfaragang, kata budyung nu gawang! Longi sa ku ngay taw, Akub at ngay kasugfunanan at ngay asalanan ay at fakamaboun.

Eremyas 31:32

Kanya ban wa kata ya ebi taguna fag nasadian ku nawat sat ngay mangaguyang gina au gtaban anya fagayu kaduge glao siginans talun Igiptu. Dewa au kata nu at indugan, kanya fagayu wa nafaning taguna em nasadian.”

Eremyas 34:18

Fagayu tagfangguna sis talun Uda ay sis furuan Erusalem, ay fagayu tagfangguna sis fun at bale, anggan ngay tagfon fanggalangun ay fagayu taw ansadi sa angku, ay kanya fagayu nawat sik nasadian sa angku siginan nu gbaltak fagbaugun riangan, ay galay at sadi nalao sasad wabilug. Dewa katanya, kanya fagayu wa nafaning at marirukan sit nawat fag nasadian, nu katanya, namakamulun au sa anya fagayu kata nu gbaltak fagbaugun riangan.

Eremyas 4:13

Damai! Tam ngay fawayan kadasug kata sik ngay linyabu. At ngay faguyudan fangawayan kata sik tagbaribungan fag tagmara, ay at ngay kabayu asakit yap bio. Afanyuan tam aroro katsi wan tam fakatabuan!

Eremyas 4:5

“Nanlong o sa sangay taw Uda ay sa sangay taw Erusalem te, ‘Uyupi ay budyung sas fagdaul ay talun.’ Fabiai nu guro am ay longi te, ‘Lagyui wan ay suksuani sa sangay furuan at ke ngay alad.’

Eremyas 48:40

Yawi glong yay fia te, “Damai! Muab at ngay fawayan kata sik bio at masakit nu glayug laman nanggamat at fagnangonun.

Eremyas 49:22

Damai! Ngay fawayan kata sik bio masakit nu glayug laman nanggamat ngay taw Busra. Ay ginanya ban fag ngay buknga, Edum at ngay tagfawayan gtadtaruyan kalimu kata sik mangena tagafasalugun wan.”

Eremyas 51:27

Fabati sik ramit famasaful te, gawayan wan! Uyupi ngay budyung sa sangay furuan! Falganani laman namawayan talun Babilunya. Sugui ngay talun Ararat, Mini ay Askenas at ngay tagfawayan laman namawayan. Filii yap sik tagfangguna laman namangguna namawayan talun Babilunya. Fadasugi ngay kabayu kayu ngay liung.

Eremyas 6:1

“Benamin at ngay kasugfunanan, lagyui ay nanuksuani! Loi wan siginans furuan Erusalem! Ay uyupi ay budyung sas furuan Tekwa ay fadungugi anggan sas Bet-Akerem fag furuan, aroro faurianan kadasug wan siginans fawalan fag alvngvdan.

Esekyel 11:4

Nu katanya, taw at baguama, namoyung o sanya fag ngay taw.”

Esekyel 16:59

“ ‘Fun Dius Yawi glong te, gfaurianan kban emu aroro nafaeyud o e masuad am fatuyanan siginan nu yud o gfaning ta nasadian.

Esekyel 17:3

Nanlong o sanya fag ngay taw te, au, Fun Dius Yawi, glong au te, e sik bio daul glayug sabaliwas Lebanun. At fakfak marafad ay at sigyu marabung ay gridrirukun. Ay kanya naafun sa sik kayu sidru,

Esekyel 7:14

Ay dewa guyup at budyung laman gfafalganan namawayan, wa ban e gfalganan ya, aroro ku dotama ban umdasug sas fagayu taw.

Usea 4:6

Ay gfaurianan kyangay ban ku ngay taw, aroro we fagsafulun sabaliwa angku. Aroro am oma fag ngay tagfon fanggalangun wam naylat fagsafulun, nu katanya, gfaurianan kyangay ban ayu. Ay wam yangay nafaning ku ngay suguan, nu katanya, gfaurianan kyangay ban ay ngay sisian.

Usea 5:8

Uyupi ngay budyung laman sik famararang sa sangay taw Gibya ay Rama. Fadungugi sas Bet-Aben te, e awayan! Ngay taw Benamin, am at namangguna.

Usea 6:7

Nafaning wayam Adan, wam nafaning tam nasadian. Natalyuyan am angku gina am si ay talun.

Usea 9:15

Dius nabalus te, “Fagayu ku ngay taw at fagmauriun gfasigad siginans Gilgal. Kanya fagayu gina sanya, kadotama au anya fagayu. Aroro siginan at fagmauriun, gaiyan kwa ban anya fagayu siginan ku fagbanwanan fag talun Israel. Ay kwa ban kesug ya anya fagayu. At ngay tagfangguna kamabo angku.

Uel 2:1

Uyupi ay budyung laman gfararang sa sangay taw tagbanwan sis Siun, sis Yawi at nafili fag buksul. Am fag ngay taw Uda alimui, aroro munakbang wan Yawi at nafalganan fag menit laman namaurianan.

Uel 2:15

Uyupi ay ngay budyung sas talun Siun ay famasaful sa sangay taw te, afuli laman e buknga am yud gfangon laman gdarangin.

Amus 3:6

O nunda ngay taw wa gtadtaruyan kalimu galay e nauyup budyung laman famasaful te, e fawayan takadasug? O nunda sik furuan daul nangafaurianan, Yawi nu dway nasugu?

Amus 8:3

Ginanya ban fag menit, ay alubad at mauseganan sis Yawi at bale, umsik fakabaluun, aroro at ngay kinbul ban umrapyag nusnga nday. Ay nusdi sik aringang we kadungug ya. Au, Fun Dius Yawi taglong tuy.”

Amus 9:1

Sanya ginan, Amus nalong te, “Nalag au Fun Dius nu malindug munakbang sis fagirugan, ay nalong sa angku te, ‘Falangi ku bale at ngay fungfung turuk laman at ugun umlafi ay ngay taw umtalfi. Ay at sawad umbul sas awayan, ay nusdi sadi we malagyu ay we malangfe.

Abakuk 1:8

At ngay kabayu amatarung yap ngay leupardu, ay amadot yap ngay idu talun tagfanloan sad yabi. Ay at ngay kabayu gtarung yangay siginan tangayayu fag talun, kata sik bio at masakit nanyukfu at fagnangonun.

Sefanias 1:16

ay umdungug yangay ban nu e gbudyung gasfuan ngay tagfawayan nu gudguroan gfawayan sa sangay furuan at ke ngay alad ay dewa sat mogat fag ngay afud alad fag ngay fagulitan.

Sakaryas 11:1

Am tagbanwan sis talun Lebanun luangi ay ngay furuan at sakbawan laman afuy gsakbo ay nangirug ngay fun kayu sidru.

Sakaryas 9:14

Yawi namasure at fagmabalyananun sat ngay taw, ay at banyas ban gdamlag kata limbad. Ay kanya ban namawang budyung ay kadasug gadgaloan fulug siginans fasiunan fag alvngvdan.

Mateu 24:28

Kata sik faydayuanan te, ‘Nusnga nday ke mabulan, ugak nangaful sanya.’

1 Kurintu 15:52

Ay kaduge way ban sik liplip mata gasfuan sik budyung at awang taguyan, Dius gfadog ban gfaleleg at ngay kinbul ay wa ban gdog ya kabul. Ay itam tagleleg yay, Dius ban gtubus yangay tam bilug.

Deuterunumyu 28:49

Yawi ban namafawayan ayu sa sik gaban taw tagsaman ayu at fangaringang, tagsiginan sik fungfung daga. Kanya ban fagayu namawayan ayu kata sik bio nu gyukfu at ngay fagnanggamatun.