Usea 7:9 - Fanawbuid tagsibaliwas Fakayabian

⁹ Tibak talun we fagmabitsugun ya, dewa katanya, wa kasalag ya. Ay kata yangay sik taw at nangae ubanun, dewa katanya, wa kasalag ya.

Usea 7:9 ပူးပေါင်းရင်းမြစ်များ

2 Fun 13:22

Kasael, Aram at fun, nafaidapan taw Israel kaduge Yuakas gfunan.

2 Fun 15:19

Gina Tiglat-Pileser, Asirya at fun, nalao laman namawayan Israel, Menakem nafon anya tuluk safulu e limak fabudbungguan salapi laman kasadi sa anya ay kaaksvn nu gfunan sis Israel.

Fangatulun 23:35

Sanya ginan, glong o te, “E nafalang angku ay kwa nbaga! Ay e nasuntuk angku, dewa katanya, kwa namatang. Ginain ya ban manga nu kafia ku fagalanguun laman mananginum kyay gdog?”

Isayas 1:7

Ay talun anrasras wan ay nirug wan ay ngay furuan. Ay tibak talun at ngay taw naago siginan ayu ay ngay gamasun, ay nalag wam fia kanya fagayu nu grasras. Nu katanya, kanya fagayu we fanambagun ya.

Isayas 48:8

Wam nadungugan ay wam natogdungug kanya fagayu, aroro siginan ebi wam gdungugan. Nasaful kwa te, kamabo am, aroro siginan nu kasalug am kamabo wayam.

Isayas 57:1

At matuyan fag taw nu nbul, we ginto ya te, “Wain at faginbulun?” Ay we nasaful te, Dius nabul wan kafag taw laman gfasaman siginans fagmauriun.

Usea 4:6

Ay gfaurianan kyangay ban ku ngay taw, aroro we fagsafulun sabaliwa angku. Aroro am oma fag ngay tagfon fanggalangun wam naylat fagsafulun, nu katanya, gfaurianan kyangay ban ayu. Ay wam yangay nafaning ku ngay suguan, nu katanya, gfaurianan kyangay ban ay ngay sisian.

Usea 8:7

Kanya fagayu kata way nu gtanum tagmara ay ggutlu tagridribudan fag tagmara. Ay kanya fagayu kata yangay sik trigu at yud e rawvg. Ay kanya nu narawvg di, tiba way ro ktalun takon.