Usea 7:7 - Fanawbuid tagsibaliwas Fakayabian

⁷ Kanya fagayu nu kauri maksvn tua, at kaksvnan kata sik faygangan daul afuy ay gbia nu gigang. Nu katanya, kanya fagayu nafabul wan at ngay tagfangguna. Anggan at ngay fun anbul wan aroro nusdi sadi we naet gubuk sa angku.

Usea 7:7 ပူးပေါင်းရင်းမြစ်များ

1 Fun 15:28

Baasa nafabul Nadab gina sis fatuluk banwa Asa nu gfunan sis Uda, ay natubus anya laman sik fun.

1 Fun 16:18

Ay Simri nu nalag te, kafag furuan nababawan wan, kanya nasakbo sas fun at bale tangabat ay nairug fagdaul bale ay kanya anbul.

1 Fun 16:22

Ay tagalo Umri amabitsug yap tua tagalo Tibni, Ginat at baguama. Nu katanya, Tibni anbul sas awayan ay Umri ansik fun.

2 Fun 10:14

Yeu nasugu at ngay fagsuguan te, “Gamati anya fagayu ay lag gfabul!” Nu katanya, kanya nagamat anya fagayu ay nataban ay nafabul sis day bubun sanya. Kanya fagayu ufatk safulu e dua. Yeu we nafasawad ya.

2 Fun 10:7

Yeu at rirukan nu ndasug, kanya fagayu nafabul fun Akab at ngay baguama fag fituk safulu. Ay kanya fagayu nasuad at ngay alfuyu sa sik sabi ay nafosuk sas Yeu sas Esreel.

2 Fun 15:10

Salum, Abes at baguama, anke algan at mauri sas Sakaryas. Kanya nafabul Sakaryas si sangay taw at daga salubangan, ay kanya wan at fantubus laman sik fun.

2 Fun 15:14

Menakem, Gadi at baguama nafabul anya gina kanya andasug sas Samarya siginans Tirsa. Ay kanya at natubus Salum laman sik fun.

2 Fun 15:25

Peka, Remalya at baguama, anke algan mauri sas Pekakya. Peka sik tagfangguna Pekakya at ngay tagfawayan, gadgaloan limak safuluk taw siginans Gilyad. Peka nafabul Pekakya, Argub ay Arie sit mogat fag bale daul sis Samarya. Ay Peka natubus Pekakya laman sik fun.

2 Fun 15:30

Sanya ginan, Usea, Ela at baguama, anke algan mauri sat yud gfadiuganan Peka, Remalya at baguama. Kanya nafabul Peka ay natubus anya laman sik fun. Anfasludan takatanya gina sis faduak safuluk banwa Utam, Usya at baguama, gfunan sis Uda.

2 Fun 9:24

Yeu nabul at godun ay nafana Uram sit wabilug lafi. Banyas natalfus sat baga ay kanya antaygilid sit sakayan fag faguyudan.

2 Fun 9:33

Yeu nalong sanya fagayu te, “Fatongi anya!” Ay kanya fagayu nafatong Esebel. Ay ngay kabayu nasiad anya, ay at taguk naramsig sas alad ay sa sangay kabayu.

Ub 36:13

Ngay taw at yud gfaning Dius, gsuksuk gugat fakadotamaun sat amatanganan, ay Dius dewa gfaurianan anya fagayu, kanya fagayu wa get gubuk sas Dius.

Alubad. 14:4

Seduge yaban at mauri fag ngay taw nu katogdungug? Kanya fagayu gfaylatan ku fagfanggunaun fag ngay taw laman mafabul kata at naylatan. Ay kanya fagayu wa gdarangin sas Yawi.

Isayas 43:22

Ay dewa katanya, Israel, wo naet sa angku gubuk, ay kauri o angku.

Isayas 64:4

Siginan ebi dasug katsi ya batang e ndungug ay e nlag takata emu fag Dius, taggubuk sas fagayu tagafanud sa emu.

Isayas 64:6

Fagayu ami wami masine ya gseg emu; em matuyan fag ngay fakamulun fagayu kata way sik fanrarus at masuya, ay ankata ami sik don at kin-gong, ay em ngay fagmauriun ankata sik tagmara nafalayug emi.

Isayas 64:7

Nusdi sadi si emi we nangakbang sa emu ay gugatan nanted emu, aroro anyayu wo emi, ay nafabayan wo nu kabul ami aroro sa em ngay asalanan.

Isayas 9:13

Kafanud kanya, nu gfaurianan ngay taw Israel, kanya fagayu ya kafoli sas Yawi at Mabalyanan. Ay kanya fagayu wa gamatangan ya anya.

Esekyel 22:30

“Narvbvy au sik taw at magubuk furuan Erusalem, ay tagwabilug angku sa sangay taw laman ban kwa grasras at furuan, ay kwe nalag.

Daniel 9:13

Anfasludan sa emi kanya fag faurianan kata at marirukan sis Muisis at Faugali. Ay dewa ndasug sa emi takatanya, wami naugatan laman guseganan tuo emi siginan nu gubun ami em ngay asalanan ay nu gafanud ami sa emu.

Usea 13:10

Dada wan katsi ngay fun ay tiba yak tagfangguna ay namatangan te, kanya ro at mafalangfe ayu? Siginan ku dotama, nafon au ay fagetun, ay siginan yangay ku dotama, nabul au anya siginan ayu.

Usea 5:15

Sanya ginan, kafoli kwa ban sa ku bale kanya fagayu nu naubun wan at ngay asalanan. Ay gina ban gidapan, kanya fagayu nangakbang sa angku.”

Usea 7:10

At ngay fakamabatunun gfatuyan te, kanya ban fagayu nangafaurianan. Dewa katanya, kanya fagayu dewa nafaurianan, ya kafoli ay kakbang sa angku, at Dius Yawi.

Usea 7:14

Kanya fagayu wa matuyan dewa get gubuk sa angku. Kanya fagayu gwayway gina sit ngay igyan, ay gfaidapan at ngay sadili kaduge get fakonun ay fanginum sat ngay fagsegan.

Usea 8:4

Kanya fagayu nafili yay at ngay fun ay at ngay tagfangguna dewa au yud kaylat. Kanya fagayu nawat at ngay fagsegan mawatan siginans salapi ay gintu, ay kafag ngay fagsegan at nafae faurianan anya fagayu.

Mikas 2:1

Ida am, tagintiugunan gugat gamatangan sat mauri. Ay balabag di gfafasludan am kata ay algan aroro e fagmabalyananun am gfakamulun takatanya.