Usea 7:3 - Fanawbuid tagsibaliwas Fakayabian

³ Kanya fagayu gfauseganan at fun ay at ngay tagfangguna siginan at ngay fagmauriun ay at fakamuagun.

Usea 7:3 ပူးပေါင်းရင်းမြစ်များ

1 Fun 22:13

Ay fun Akab at nasugu nalong sas Mikaya te, “Fagayu taglong ansadi glong te, fun ro gbabo, ay anggan o fakatanyai yangay am longan.”

1 Fun 22:6

Ay Israel at fun nafaful ufatk sandank taglong ay nainto te, “O namawayan au Ramut-Gilyad ay o mannga duan?” Ay kanya fagayu nabalus te, “Kin, loi wan, aroro tam Fun Dius ro gfababo emu.”

Eremyas 37:19

Dada wan ay ngay taglong taginsaful te, fun Babilunya ban wa namawayan tuy fag furuan?

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Eremyas 9:2

Nu e fagbanwanan kdi sat yud e taw fag talun, namanwan au laman kayayu ku ngay iba, aroro kanya fagayu nafamabo kata sik mangena takamatugtug.

Usea 10:13

Dewa katanya, natanum wayam fagmauriun, ay ay nagutlu fagmauriun yangay. Nafamuag am, ay fakauriun way at rawvg. Aroro sa ay fagafanudun sa ay sadili fagmakatuun, kata nangus nu ngayu ay ngay tagfawayan,

Usea 11:12

Dius nalong yay te, “Ngay taw Israel malayun nu kamuagan ay nu gfalingun angku. Ay ngay taw Uda anyayu wan siginan angku, Dius at matuyan ay at yud e malong.”

Usea 4:2

Abat ngate, gfataglayun wayam glong at mauri sa ay iba, ay kamuag, ay kamabul, ay gfangkamul ay gfanugtug. Ay wam gfaning ya ku ngay faugali, ay wam gfaragang nu kamabul am.

Usea 5:11

E gfaidapan ban ay gfamin ngay taw Israel aroro gfaurianan au anya, aroro kanya gfataglayun nu gfaning tibak fagsegan.

Usea 7:5

Gina at fun at fangasalug fag menit, kanya fagayu nafainum fanlangu sas fun at ngay fagsuguan. Ay anggan at fun ginuman yangay gasfuan at ngay fagsuguan at yud gfadiuganan anya.

Mikas 6:16

Umfasludan ban sa ayu takatanya, aroro nafaning am fun Umri, ay at baguama fun Akab at ngay fakamulun mauri, ay at ngay faugali, ay at ngay famalun longan. Nu katanya, namaurianan kban ayu, ay tiba bank talun namauri ay namalingun ayu.”

Mikas 7:3

Kanya fagayu annanad wan gfakamulun at mauri. At ngay tagfangguna ay at ngay tagwabilug gbul famayad laman namakamulun at mauri. Ay gfaning way at mabalyanan fag ngay taw at fakaylatun, ay masadi yangay laman gfayud e masuad fagmatuyanun.

Ruma 1:32

Kanya fag ngay taw nasaful oma te, fagayu ban tagfakamulun takatanya, Dius gfaurianan sas fakabulun. Dewa katanya, kanya fagayu gfataglayun gugali takatanya, ay guseganan nu nalag tibak taw nu gfakamulun takatanya.

1 Uan 4:5

Ay kafag ngay taglong takamuagan tagsiginans fagdaul daga, anggan at foyungan siginans fagdaul daga. Nu katanya, at yud gafanud fag ngay taw gdungugan anya.