Usea 7:2 - Fanawbuid tagsibaliwas Fakayabian

² Kanya fagayu wa gamatangan ya te, kwa ban kalyam at ngay fagmauriun. Anggan katsi, kanya fagayu gasalanan way gugat.

Usea 7:2 ပူးပေါင်းရင်းမြစ်များ

Ub 34:21

Dius gulit ngay taw at fakamulun.

Alubad. 10:11

Kanya fagayu gamatangan way te, “Dius wa kasalag ay wa glag tam ngay fakamulun.”

Alubad. 25:7

Aroro mafangesug o ay masine, falyami ku ngay asalanan gina au mabaguama.

Alubad. 50:22

Fagayu am at yud gamatang Dius, dungugani, aroro nu dway am gdungugan, namamin kban ayu, ay wa ban e gfalangfe ya ayu.

Alubad. 9:16

Yawi nafatoglag at sadili siginan nu matuyan nu gfawabilugan ngay taw. Ay ngay tagasalanan umfaurianan aroro sat ngay sadili nafakamulun.

Alubad. 90:8

Saful way o em ngay asalanan, ay anggan em fagsuksukun fag ngay fakamulun ansaful sim fagmayamagun.

Isayas 1:3

Ngay baka gtoglag tua at tagalaga, ay ngay asnu saful tua nu dada at fagnamafangonan, dewa katanya, ku ngay taw Israel wa gtoglag angku, ay we fagsafulun.”

Isayas 26:16

Yawi, nafaurianan o am ngay taw, ay gina gaidapan, nanangakbang tua sa emu ay nadarangin tua.

Isayas 44:19

We namatangan ya te, ‘Kafag kayu sik lifung ku famatama ku nanan, ay ku fagsugban way yamas, ku fakonun. O nangawat kyay sik mauri fag fagsegan at sawad? O nanseg au sa sik lifung kayu?’

Isayas 5:12

Gina am maful si ay fagmafulun, ay amatanganan sa way baliwa ay ngay fagfawangun ke ngay bakyang, ay ngay fagfadkalinganun, ay tulali, ay anggan ay ngay fanlangu. Dewa katanya, wam gamatangan ya sabaliwa Yawi at nafakamulun laman sa ayu.

Eremyas 14:10

Ay Yawi nabalus te, “Matuyan, anyayu am siginan angku. Nafaning am ay sadili fakaylatun. Nu katanya, kwa kaylat ya ayu. Ay kwa ban kalyam ya ay ngay fagmauriun, ay namaurianan au ayu.”

Eremyas 16:17

Nalag au kanya fagayu at ugali ay we masuksuk sa angku. Ay nalag kyangay kanya fagayu at ngay asalanan.

Eremyas 17:1

Yawi nalong te, “Ngay taw Uda, ay ngay asalanan marirukan si ay ngay amatanganan takamaogatun kata sik ngay longan at marirukan sis gang ay sis sunge tagsis fagirugan at ngay fugungan.

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Eremyas 32:19

At kasine am ngay algan, ay at kadulo am ngay nafakamulun. Glag way o fagayu taw at nafakamulun ay gfasud o ngay taw kata at ngay ugali ay at nafakamulun.

Eremyas 4:18

Ay ngay ugali ay ay fakamulun maksvn nu mauri, kanya wan at fagindasugun sa ayu faurianan. Maksvn nu maidap at kindasug sa ayu fag faurianan! At kaksvnan kata nu natalfus sa ay ngay amatanganan.”

Eremyas 44:21

“O nu glong am, Yawi wa nasaful te, am ay anggan ay ngay mangaguyang, ay ay ngay fun, ay ay ngay tagfangguna, ay fagayu am, girug am ngay famaebebanglu fag fanggalangun laman sa sangay fagsegan sis Uda fag ngay furuan ay sis Erusalem fag ngay dalan?

Esekyel 21:29

Kanya fag ngay taw at taginfan sabaliwas fiso wa katanya. At mafanud, kanya fag fiso mafalganan wan laman nanggatvng at mauri fag ngay taw at ngay liug. Ay andasug wan faurianan laman sa takatanya fag ngay taw.

Usea 12:2

Usea nalong te, Yawi e ngay longan yangay laman sa sangay taw Uda, Akub at ngay sugfun. Ay gfaurianan ban anya fagayu aroro sat mauri fag ngay ugali, ay gfasud ban tagalvngvdan at nafakamulun.

Usea 4:9

Nu katanya, nu nafaurianan kway ku ngay taw, gfaurianan kyangay ban anggan ayu. Nu mauri way ay nafakamulun, mauri yangay ban takadasug sa ayu.

Usea 6:2

Ay kata nu nbul watam, ay kanya yangay at mafaleleg antam, laman mabanwan tam sit daga salubangan.

Usea 8:13

Kanya fagayu nafon sa angku at ngay fanggalangun ay naon yamas, dewa katanya, kwa guseganan anya fagayu. Siginan takatanya, namatang au at ngay fagmauriun, ay namaurianan au anya fagayu aroro sat ngay asalanan, ay namafoli sas talun Igiptu.

Usea 9:15

Dius nabalus te, “Fagayu ku ngay taw at fagmauriun gfasigad siginans Gilgal. Kanya fagayu gina sanya, kadotama au anya fagayu. Aroro siginan at fagmauriun, gaiyan kwa ban anya fagayu siginan ku fagbanwanan fag talun Israel. Ay kwa ban kesug ya anya fagayu. At ngay tagfangguna kamabo angku.

Usea 9:9

Mauri wayam kata sik ngay mangama ebi sis Gibya. Dius gamatangan gugat ay ngay fagmauriun, ay kanya gfaurianan ayu sa ay asalanan.”

Amus 8:7

Nu katanya, Yawi, Akub at ngay kasugfunanan at fakamatungudunun fag Dius, nafaksvn glong te, “Kwa ban kalyam ya ay ngay nafakamulun mauri.

Unas 1:2

“Loi wan sas furuan daul Ninibe, ay namararang o sanya, aroro at ngay taw at fagmauriun andasug wan sa angku.”

Tap 32:23

“Dewa katanya, nu dway am nafakamulun takatanya, e asalanan am sas Yawi, ay atuyani te, umsaful yay ban ay ngay asalanan.

Lukas 12:2

Aroro fagayu at yud kalag umsure ban, ay fagayu at masuksukan umsaful ban.

1 Kurintu 4:5

Nu katanya, kaduge tam Fun yud andasug, lag am gamatangan te, sik taw masine ay mauri. Tam Fun waban tagfasure fagayu nusnge wain at masuksukan sisad dulum ay anggan at masuksukan si sik taw at amatanganan. Ay ginanya ban fag menit, galay at sadi gbul famauseganan siginans Dius.

Deuterunumyu 32:29

Kanya fagayu nu e fagsafulun di, nasaful tua ro takafasludan sa anya.

Ebreu 4:13

We taw masuksuk sas Dius. Aroro fagayu nusnge wain masure way sa anya, ay kanya glag way fagayu. Ay sa ban anya nu namoyung tam tam ngay nafakamulun.