Usea 7:16 - Fanawbuid tagsibaliwas Fakayabian

¹⁶ Kanya fagayu nananget oma gubuk sat yud e tungkul fag ngay fakakbangan. Kanya fagayu kata way sik yud e masuad fag godun. At ngay tagfangguna anbul sas awayan aroro wa matuyan at ngay longan. Nu katanya, ngay taw Igiptu ban namalingun anya fagayu.

Usea 7:16 ပူးပေါင်းရင်းမြစ်များ

Alubad. 12:3

Yawi, faragangi wan ngay tagfandaya ay takamatungudun.

Alubad. 12:4

Ay kanya fagayu glong te, “Siginan tam aringang, mafabul tam nusnga setaw tam fakaylatun, ay gbabo tam, ay we taw mafaragang antam.”

Alubad. 12:5

Yawi nalong te, “Kadasug kwan, aroro ngay yud e kwa gafalingunan, ay ngay tagidapan gurungan get sa angku. Ay namae fagmanabayanun au anya fagayu kata at fagetun.”

Alubad. 17:10

Kanya fag ngay taw nu garingang kamatungudun ay we fakafanyun.

Alubad. 52:2

Kabavn am fagamatanganun kaylat o namauri am ngay iba. Ay sik takamuag o, ay am leplep kamabul kata sik maglat fag fangufo.

Alubad. 57:4

Ku ngay fawayan gligung angku. At ngay bagang kata sik bangko, ay at ngay leplep kata sik fiso at maglat. Kanya fagayu kata sik ngay liun tagagatun sik taw.

Alubad. 73:9

Ay kanya fagayu glong at mauri sabaliwas Dius. Kanya fagayu garingang laman ngay taw sas fagdaul daga gfaning anya.

Alubad. 78:37

Kanya fagayu wa matuyan sas Yawi ay sat Nasadian.

Alubad. 78:57

Kanya fagayu natalyuyan ay nafamabo Dius, ay kanya fagayu kata at ngay mangaguyang at yud e tungkul ya, ay at kinkata sik godun at yud katon ya.

Isayas 3:8

Matuyan, Uda ay furuan Erusalem umrasras wan, aroro ngay taw tagbanwan sanya nafamabo Yawi, siginan nu gfakamulun ay nu glong at mauri. Ay kanya fagayu dewa sis Yawi daga salubangan glong at mauri sa anya.

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 3:10

Dewa katanya, kanya fagayu nu kafoli sa angku bunwa sas fagdaul at amatanganan, gfalagan way. Au, Yawi, taglong tuy.”

Eremyas 42:18

Yawi at Mabalyanan, Israel at Dius, glong yay fia te, ‘Nu setain nu gfalag au sa sangay taw Erusalem nu kadotama au maksvn, gfalag kyangay ban sa ayu ku fandotaman nu glao way ban am sas talun Igiptu. Ngay taw ban maksvn nu gfauri ayu. Kanya ban fagayu gfalingun ay gngayan ban ayu te, mauri, ay wa ban am makafoli ya stae fag talun.’

Esekyel 23:32

“Anud, au, Fun Dius Yawi, glong au te, gfaurianan kban emu kata nu gfaurianan au am kaka. Ku faurianan kata sik mamam at matalinan si tagbia ay at tangabasad fag taya, ay nu nainum ban o, e gfalingun ban ay e kase emu aroro sanya wan ku dotama.

Esekyel 36:20

Ay nusnga nday fag talun ngay taw Israel nu glao, kanya fagayu nafauri ku ngayan at yud e malong. Nu katanya, e glong te, ‘Kanya fagayu Yawi oma at ngay taw, dewa katanya, kanya naiyan anya fagayu siginan at talun.’

Daniel 7:25

Ay kanya ban gfalingun Tiba Tungud fag Dius. Dius at ngay taw we malong, ay kafag fun namauri yangay anya fagayu. Kanya namayud e masuad ngay fagmafulun ay faugali. Kanya nangagbilug Dius at ngay taw kaduge tuluk banwa ay sik wabilug.

Usea 11:5

Aroro kanya wa kaylat kafoli sa angku, kaylat way lang nangafoli sas talun Igiptu, ay Asirya ban gagbilug anya.

Usea 11:7

Ku ngay taw namatangan nangayayu angku, nu katanya, dewa kanya fagayu masadi nangakbang sa angku, kwa ban ggubuk ya anya.

Usea 6:4

Dewa katanya, Yawi nalong sas Israel ay sas Uda te, “Nataw ku fakamulun sa ayu? Nu kesug am angku wa matuyan, kata way sik ayuyus ay kata sik damug masakit kalyam.

Usea 7:13

Kanya fagayu sik afanyuan fag ngay taw aroro anyayu siginan angku. Ay namamin kban anya fagayu aroro nafamabo angku. Kaylat koma ggubuk anya fagayu, dewa katanya, wa matuyan at ngay nalong sa angku.

Usea 9:3

Gubun ban am Israel, Yawi at talun, ay kafoli ban am sas talun Igiptu, ay tiba malao sas Asirya, ay sanya nu kon at masuya fag fakonun.

Usea 9:4

Kanya ban wa kaylat ya nu gfon am ay fanginum fag ngay fanggalangun sas Yawi. Dewa ban am gfon gugat takatanya, wa guseganan. Ay nusnga sinu ban takon at nafon fag fanggalangun glong te, masuya way, aroro kata fakonun si sik bale ke mabulan. Ay ngay fakonun sa way lang ay sadili, bunwa sas Yawi at bale.

Usea 9:6

Dewa am glagyu fakabulun, gfaful yay ban ayu sas talun Igiptu ay namoli ayu sas Memfis. Ngay makmak ay madugi fag ngay tanum gfaut ay ngay mabyat fag ngay fagagbilugun salapi ay ngay bale.

Malakyas 3:13

Yawi nalong yangay te, “Glong am mauri sabaliwa angku. Dewa katanya, ginto yayam te, ‘Nataw nunda em nalong at mauri sabaliwa emu?’

Malakyas 3:14

Nalong am te, ‘We masuad tagfaning Dius. Nataw ban at fanambagun sa antam nu nafaning tam at ngay suguan? Ay nataw ban at fanambagun sa antam nu nafalag tam te, kabalu tam ay gubun tam ngay asalanan sis Yawi at Mabalyanan at daga salubangan?’

Mateu 12:36

Ay gfoyung au ayu te, gina ban fanginsafulan asalanan fag menit, fagayu taw gfoyung sas Dius sabaliwa at longan fagayu at yud e tungkul.

Lukas 8:13

Ay at kintong fag ngay bvtang sa tagagangun, kata ngay taw at nadungug Dius at Longan ay masakit nu gafanud ay guseganan. Ay kanya fag ngay taw nu gafanud wa glugo, kata way kafag bvtang nu yud nalalid, aroro nu ndasug famaskud, kanya fagayu gfangafoliun way.

Santiagu 3:5

Katanya yangay tam leplep. Dewa alay way kafag afud si tam bilug, kanya kamatungudun. Amatangani, dewa sik singsing afuy sirut mafamin way fagdaul araw.

2 Pedru 2:8

Lut maksvn nu kabalu aroro siginan at nalag ay at nadungug fag ngay fagmauriun kayu menit, gina gbanwan magamut kafag ngay taw at mauri.

At Nafasure 13:5

Ule daul nafon sa tagfangagat fag mela sik bibig laman nanfamatungudun ay namauri Dius, ay gfagtainan kaduge ufatk safulu e duak magdanun.