Usea 7:14 - Fanawbuid tagsibaliwas Fakayabian

¹⁴ Kanya fagayu wa matuyan dewa get gubuk sa angku. Kanya fagayu gwayway gina sit ngay igyan, ay gfaidapan at ngay sadili kaduge get fakonun ay fanginum sat ngay fagsegan.

Usea 7:14 ပူးပေါင်းရင်းမြစ်များ

Nu Galin 32:6

Ay nu katanya wan, fagayu taw Israel masurip nu kafulo laman namon at fagirugun fag ngay fanggalangun ay anggan at ngay fanggalangun laman sas fagmanabayanun. Fagayu gfangon ay ginum ay gfauseganan at fagsegan.

Isayas 29:13

Ay tam Fun glong te, “Kafag ngay taw nu gseg angku ay nu gfauseganan angku sit bibig way lang, ay dewa katanya, at amatanganan ngayayu way angku. Ay nu gseg angku gfaning way taw at suguan.

Isayas 52:5

Ay katsi, nataw at kinfasludan sa ayu? Ngay taw Babilunya nafagsuguan yangay ayu yud e famayad, ay at ngay tagfangguna guro guseganan, ay gfalingun gugat angku.

Isayas 65:14

Ku ngay fagsuguan ban galubad tua guseganan, dewa katanya am ban gwayway wayam kabalu ay gidapan ay ngay amatanganan.

Eremyas 12:2

Nafamanyun o sa anya fagayu kata sik fun kayu tangayu at rawvg. Ay kanya fagayu nu gfauseganan emu si way lang at longan ay wa siginan at amatanganan.

Eremyas 3:10

Dewa katanya, kanya fagayu nu kafoli sa angku bunwa sas fagdaul at amatanganan, gfalagan way. Au, Yawi, taglong tuy.”

Takabalu 2:18

Ngay taw tagsis Erusalem, uroi sas Fun Dius. Kayu menit ay yabi, waywayi falibisani ay ngay liasun kata sik liskung nu gfamilugan. Lag gfaragang nu gwayway am.

Usea 13:16

Gfaurianan au ngay taw Samarya, aroro sat fakamaboun angku at Dius. Kanya ban fagayu umbul sas awayan. E gfafalang ban at ngay sisian sas daga yakmay anbul, ay e gfilas ngay tagfafion at ungdan.”

Usea 13:6

Ay nafafangon koma ayu yakmay am napsug, ay nu nkapsug wam kamatungudun wayam ay nalyam am angku.

Usea 13:9

Gfamin au ayu ngay taw Israel, aroro au wan at nafalangfe ayu, ay dewa katanya, gfawayan wayam angku.

Usea 3:1

Yawi nalong sa angku te, “Usea, ulii yap, ay namasaful o sam mangena te, kesug yay o fia anya dewa sik takamatugtug. Esugi anya kata nu kesug au ngay taw Israel dewa naseg tibak fagsegan siginan nu gfon ngay tinapay ke ngay famasuglat.”

Usea 8:2

Kanya fagayu guro sa angku te, ‘Gtuyan ami te, o wan Israel at Dius.’

Amus 2:8

Ay kanya fagayu gtiug sis day fagirugan ay galanbungan ngay taw at yud e kwa at nafaulbus laman famatuyan te, namayad yay ban at ngay bedan. Ay kanya fagayu gmamaman si ku bale, ay at famayad at ngay bedan at nabul way siginan at yud e kwa.

Amus 8:3

Ginanya ban fag menit, ay alubad at mauseganan sis Yawi at bale, umsik fakabaluun, aroro at ngay kinbul ban umrapyag nusnga nday. Ay nusdi sik aringang we kadungug ya. Au, Fun Dius Yawi taglong tuy.”

Mikas 2:11

Ay ay fakaylatun ay takamoyung, takamalingun ay takamuag, tagfoyung te, ‘Ngayu ban ay fanginum fanlangu.’ ”

Sakaryas 7:5

“Nanlong o sas fagayu taw Israel ay anggan sa sangay tagfon fanggalangun te, ‘Kaduge fituk safuluk banwa galay sis falima ay fafituk magdanun, kabalu am ay wam gfangon laman gdarangin, dewa katanya, bunwa laman sa angku.

Ruma 16:18

Takatanya fag ngay taw at fagfaningan bunwa tam Fun Isus nu bunway at sadili way. Kafag ngay taw gdaya ngay taw at mamomuy at amatanganan, siginan takamaylatan ay at masine nu kadungug fag ngay foyungan.

Filipus 3:19

Kanya ban at fungfung fakaminun way, aroro gseg at bilug at fakaylatun. At fagusegananun at mapla way, ay at fagamatanganun tagste way swa daga.

Santiagu 4:3

Get oma am, ay wam mafabul aroro mauri way ay algan, gfaning way am ay sadili fakaylatun.

Santiagu 5:1

Dungugani, am at ngay maramraman. Waywayi ay sidsiduani, aroro umdasug sa ayu ngayuk mauri.

Tagfangguna 9:27

Gina fanrawvgan ubas, ngay taw nawat fanlangu siginans rawvg ubas. Ay kanya fagayu anke fagmafulun ay nafauseganan at fagsegan sit fagsegan at bale. Ay kaduge kon ay ginum fanlangu, ngay taw gfalingun Abimelek.