Usea 7:12 - Fanawbuid tagsibaliwas Fakayabian

¹² Dewa katanya, kanya fagayu gina glao si sangaba dalan, nafaragang kway anya fagayu kata sik manuk tungud at nagamatan sis fanggamat ay naranggut au sat daga. Ay namaurianan au anya fagayu kata ebi ku nalong gina maful.

Usea 7:12 ပူးပေါင်းရင်းမြစ်များ

Ub 19:6

Asafuli te, Dius wan at ke fakamulun sa angku takatatuy. Kanya wan at nafoli ngay sangdaw si ku ligung.

Takamoyung 9:12

Dewa katanya, kanya wa saful te, ginanya nu kadasug at mafalganan fag buknga laman sa anya. Kanya kata way sik manuk tungud kinsangdaw, ay kata at kin-gamat sas fanggamat albon. Kadasug way lang masakit sat mauri fag taw at mauri fag buknga kata nu kagamat sas sangdaw.

Eremyas 16:16

“Dewa katanya katsi, namadasug kwan sa anya fagayu ngayuk fawayan kata sik ngay tagfangalbon at nanggamat anya fagayu. Ay namadasug kyangay ngay taglafat laman nanrvbvy anya fagayu sa sangay buksul, sasad araw ay sa sangay luib.

Eremyas 44:4

Malayun oma nu gsugu au ku ngay fagsuguan fag ngay taglong laman namararang sa anya fagayu te, lag gfakamulun fagayu at mauri tagfadotama angku.

Esekyel 12:13

Dewa katanya, ggamat kban anya kata sik mangilafang ay nantaban sas talun Babilunya sa sangay taw Kaldea at talun. Dewa katanya, kanya ban wa glag, ay sanya waban nu kabul.

Esekyel 17:20

Nanggamat kban anya ay nantaban sas Babilunya ay kanya ban gafaurianan sanya, aroro nafamabo angku.

Esekyel 32:3

Nu katanya, au Yawi glong au sa emu te, nanggamat kban emu siginans fanggamat albon ay ngay taw ban nantaban emu.

Usea 5:9

Talun Israel ban karasras gina gafaurianan fag menit. Anud, umfasludan ban ku longan sas Israel at ngay kasugfunanan.

At Nafasure 3:19

Gfoyung au ay gatul fagayu ku fakesugun fag ngay taw. Nu katanya, ugatani ubuni ay talyuyani ay asalanan.