Usea 7:1 - Fanawbuid tagsibaliwas Fakayabian

¹ Kaylat koma gfafia ngay taw Israel, aroro ku nalag si anya fagmauriun way lang. Kanya fagayu gfandaya, ay gsakbo sa sangay bale laman nanfangkamul, ay nanfamalabag sa sangay dalan.

Usea 7:1 ပူးပေါင်းရင်းမြစ်များ

Isayas 28:1

Afanyuan Samarya; kanya kata sik sangbo barugwak, tagalangu fag ngay taw Israel at fakamanagsagun. Furuan Samarya sisad datag, sit masine fag daga, dewa katanya, at kasinean kalyam way ban kata sik barugwak takalangke.

Isayas 59:12

Aroro maksvn wan tam asalanan sis Dius at daga salubangan, ay kanya wan fag ngay asalanan fagsafulan te, gafaurianan tam. Anud! Saful oma tam te, gfakamulun way tam at mauri.

Isayas 59:13

Nafamabo tam ay anyayu Yawi, ay wa tam nafaning tam Dius. Ankuri tam ay nafalingun tibak taw. Ay maksvn nu gamatangan tam te, setain nu mafamuag tam.

Isayas 59:14

Ay kanya wan Dius at fagyudun gfadasug faurianan sa tam ngay fawayan, ay kanya ya ngap nafon sa antam at famabo ay at fagmatuyanun. Aroro nusnga nday we fagmatuyanun ya, ay ngay taw wa masine ya fagfatigwanan.

Eremyas 51:9

Ngay taw Israel tagbanwan sanya glong te, “Nafabulun oma mi nafafia talun Babilunya, dewa katanya, kanya wa kafia ya. Nu katanya, gfabayan watam anya, ay guli watam sa tam mesa talun, aroro at ngay asalanan andasug wan sas banwa. Nu katanya, Yawi ban gfaurianan wan anya.

Esekyel 16:46

Samarya tagsis fawalan baliwa kanya am kaka mangena gadgaloan at ngay baguina, ay Suduma tagsis fasiunan baliwa kanya am arian fag mangena gadgaloan yangay at ngay baguina.

Esekyel 23:4

At kaka Ula ay at arian Uliba. Kafag duksay ku mangena fia ay anke sisian ami ngayu. Ay Ula, sik taw Samarya ay Uliba, sik taw Erusalem.

Esekyel 24:13

“ ‘Matuyan, furuan Erusalem, nafasik mauri o emu siginan am nafakamulun at mauri. Gugatan koma gfasine emu, dewa katanya, wo kaylat kasine. Nu katanya, yakmay kban nafadasug sa emu ku fandotaman at maksvn, mauri way o gugat.

Usea 10:5

Ngay tagbanwan sis Samarya kalimu, aroro at ngay fagsegan fag baka tina tumad sis Bet-Aben umkalyam ban. Ay at ngay tagfon fanggalangun taguseganan sat ngay fagsegan at kamasinean gwayway ban, aroro gbul siginan anya at ngay fagsegan,

Usea 11:12

Dius nalong yay te, “Ngay taw Israel malayun nu kamuagan ay nu gfalingun angku. Ay ngay taw Uda anyayu wan siginan angku, Dius at matuyan ay at yud e malong.”

Usea 11:8

Ngay taw Israel, kwa ban gaiyan ay gfabayan ayu. Kwa ban gfamin ayu kata ku nafakamulun sa sangay furuan Adma ay Sebuyim. Kauri au sa ku amatanganan nung au gfakamulun takatanya sa ayu. Maksvn nu kafanyu au ayu.

Usea 12:1

Ngay taw Israel gseg at yud e masuad. Fagngabak menit kanya fagayu gfafalo nusnge wain tagtaban anya sas faurianan. Kanya fagayu gtungud yay nu mauri ay nu kamuagan, ay nanangasadi sas Asirya ay talun Igiptu, nu katanya, kanya fagayu gfon sas talun Igiptu langis at yud e famayad.

Usea 12:2

Usea nalong te, Yawi e ngay longan yangay laman sa sangay taw Uda, Akub at ngay sugfun. Ay gfaurianan ban anya fagayu aroro sat mauri fag ngay ugali, ay gfasud ban tagalvngvdan at nafakamulun.

Usea 4:17

Kanya fagayu kaylat gseg tibak fagsegan, nu katanya, lag kasalag ya anya fagayu!

Usea 4:2

Abat ngate, gfataglayun wayam glong at mauri sa ay iba, ay kamuag, ay kamabul, ay gfangkamul ay gfanugtug. Ay wam gfaning ya ku ngay faugali, ay wam gfaragang nu kamabul am.

Usea 5:1

Yawi nalong yangay te, “Ngay taw Israel, dungugani, anggan am fag ngay tagfon fanggalangun, ay am tagbanwan sis fun at bale daul, aroro kadasug sa ayu sik faurianan: fagayu am kata am sik sangdaw, aroro nasangdaw am ngay taw tagbanwan sis Mispa ay sis Tabur.

Usea 6:4

Dewa katanya, Yawi nalong sas Israel ay sas Uda te, “Nataw ku fakamulun sa ayu? Nu kesug am angku wa matuyan, kata way sik ayuyus ay kata sik damug masakit kalyam.

Usea 7:13

Kanya fagayu sik afanyuan fag ngay taw aroro anyayu siginan angku. Ay namamin kban anya fagayu aroro nafamabo angku. Kaylat koma ggubuk anya fagayu, dewa katanya, wa matuyan at ngay nalong sa angku.

Usea 8:5

Kwa kaylat ngay taw Samarya at fagsegan fag baka. Maksvn nu kadotama au anya fagayu. Seduge ya ban kanya fagayu nu yud gfakamulun at masine?

Usea 8:9

Kanya fagayu kata way lang sik mela fag asnu tagsesadian ay malyaman sad talun. Kanya fagayu nanget gubuk sas Asirya ay namon famayad sat fagadgalangan fag ngay talun laman ggubuk anya.

Amus 3:10

Nu katanya, katatuy Fun Dius Yawi at longan sas Samarya: “Kanya fagayu wa gfakamulun at matuyan. Ay at ngay nafangkamul mapnu sat mogat fag ngay afud. Nu katanya, at ngay fawayan ban nangiklas at ngay fagmafulan, ay namul at ngay ramraman.”

Amus 3:9

Longi sa sangay tagfangguna sis furuan Asdud ay sas talun Igiptu te, nanmaful am sa tagligung Samarya fag ngay buksul ay nandama am ngay furuan nu gawayan ay nu gafaidapanan.

Amus 8:14

Namaurianan kban ayu, am fag ngay taw tagfatuyanan glong at maksvn sas Samarya, sas Dan ay sas Beerseba at ngay fagsegan, ay wa ban am manangabangkad ya.”

Mikas 6:16

Umfasludan ban sa ayu takatanya, aroro nafaning am fun Umri, ay at baguama fun Akab at ngay fakamulun mauri, ay at ngay faugali, ay at ngay famalun longan. Nu katanya, namaurianan kban ayu, ay tiba bank talun namauri ay namalingun ayu.”

Mateu 23:37

“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak ay wo kaylat.

Lukas 13:34

“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak, ay wo kaylat.

Lukas 19:42

ay nalong te, “At masine nu nasaful di o katsi te, nataw tagfae fagmanabayanun emu. Ay duan, ansuksuk wan at masuad sa emu.