Usea 6:9 - Fanawbuid tagsibaliwas Fakayabian

⁹ Ay ngay tagfon fanggalangun kata sik ngay tagfangkamul tagfanya at fagnamauriun. Kanya fagayu gfabul wan ngay taw taglao sas Sekem, ay gfakamulun nusnga setaw fag mauri.

Usea 6:9 ပူးပေါင်းရင်းမြစ်များ

Fakasigadan 12:6

Nu ndasug sas Kanaan, kanya fagayu nafataglayun nu glao yakmay andasug sa sik fun kayu ayu daul sis Mure at munakbang sis furuan Sekem. (Ginanya sanya yay fag talun ngay taw Kanaan.)

1 Fun 12:25

Fun Erubuam nafaksvn furuan Sekem at alad sis talun Efraim at fagagbilugun fag ngay buksul, ay kanya nabanwan sanya. Siginans Sekem, kanya nafaksvn yangay furuan Penyel.

Esra 8:31

“Ay sis falabi duak menit gina taguna fag magdanun nalao ami siginans Liskung Aaba ay nataglayun ami sas Erusalem. Ay kaduge ami glao, em Dius nagubuk ay nadiri tua emi siginan em ngay fawayan ay siginan takamabul fag ngay taw.

Eremyas 11:9

Yawi nalong yangay fia sa angku te, “Ngay taw Uda ay ngay taw Erusalem anke algan mauri sa angku.

Esekyel 22:25

Ay at ngay tagfangguna at ngay algan mauri, kata ngay liun nu gngarngar ay nu gyukfu at fagnangagatun. Kanya fagayu kamabul, ay gfangkamul ngay ramraman ay nusnga setaw at mafanud, ay sit furuan ngayu at kinfagbubayun aroro e kamabul.

Esekyel 22:27

Ay kafag ngay taw at fun kata sik ngay idu talun. Kanya fagayu nanfamabul laman kae salapi.

Esekyel 22:9

Ay e gbanwan yangay sanya takamuagan laman gfabul at iba. Ay e kon yangay ngay fanggalangun at nafon sa sangay fagsegan, tagsi sangay buksul fag fagnansegan. Ay e tiba yak tagfakamulun at mauri.

Esekyel 23:27

Ay wa ban o e ugali ay at mauri, ay at nanfamatugtug kata am nafasigad ebi sis talun Igiptu. Wa ban o gamatang ya takatanya fagayu, ay wa ban o gamatang ya talun Igiptu.

Usea 2:10

Katsi, namasure au at fakamatugtugun sat ngay mangama at daga salubangan, ay we mafalangfe anya siginan ku faurianan.

Usea 4:2

Abat ngate, gfataglayun wayam glong at mauri sa ay iba, ay kamuag, ay kamabul, ay gfangkamul ay gfanugtug. Ay wam gfaning ya ku ngay faugali, ay wam gfaragang nu kamabul am.

Usea 5:1

Yawi nalong yangay te, “Ngay taw Israel, dungugani, anggan am fag ngay tagfon fanggalangun, ay am tagbanwan sis fun at bale daul, aroro kadasug sa ayu sik faurianan: fagayu am kata am sik sangdaw, aroro nasangdaw am ngay taw tagbanwan sis Mispa ay sis Tabur.

Usea 5:2

Nafamabo am angku, ay kamabul, nu katanya, namaurianan kban ayu.

Usea 7:1

Kaylat koma gfafia ngay taw Israel, aroro ku nalag si anya fagmauriun way lang. Kanya fagayu gfandaya, ay gsakbo sa sangay bale laman nanfangkamul, ay nanfamalabag sa sangay dalan.

Mikas 3:9

Am fag ngay tagfangguna sis Israel ay sis Uda, dungugani! Wam gfafasludan fagmatuyanun ay wam gfae masuad at matuyan.

Mikas 7:2

Ku longan at masuad, sis talun Israel, kwe nalag nusdi sadi at matuyan sas Dius. We taw ya matuyan, ay galay at sadi grvbvy at buknga laman namabul at iba, kata sik taw nu gfalganan litag at fanggamat mangilafang.

Sefanias 3:3

At ngay tagfangguna kata sik liun gsubang. Nu gakayabiun wan kanya fagayu kata sik idu talun tagrvbvy at fagnangonun, ay balabag di, we fasawadan ya.

Markus 14:1

Dua yak menit nu kadasug fagmafulun sabaliwa Tagbarita nu Glangfe, ay Tinapay at yud e Famabia. Ngay fun tagfon fanggalangun ay tagfoyung Muisis at Faugali gkamatoan nu setain nu magamat ay mafabul Isus laman ngay taw wa nasaful.

Uan 11:47

Ay sanya ginan ngay fun tagfon fanggalangun ay ngay taw Fariseu nafauro taw Udyu at ngay tagfangguna, ay glong te, “Tain ban tam fakamulun? Kanya fag taw gfakamulun ngayuk madulo.

Fakamulun 4:24

Ay at ngay ibama nu nadungug, masadi nu gdarangin sas Dius te, “O wan em Fun at nawat banwa ay daga ay dagat ay anggan fagayu tagsanya,