Usea 6:6 - Fanawbuid tagsibaliwas Fakayabian

⁶ Aroro ku fakaylatun, nu kesug tuam angku, bundi ay ngay fanggalangun. Ku fakaylatun, nu gtoglag am angku gtungud yap tua ay ngay fagirugun fag ngay fanggalangun.

Usea 6:6 ပူးပေါင်းရင်းမြစ်များ

1 Krunika 28:9

“Ay o, ku baguama Sulumun, toglagi ay fakamuluni sa am mama at Dius sas fagdaul am amatanganan aroro Yawi glag way tam amatanganan ay saful tam algan ay tam fagamatanganun. Nu kakbang tua ban o gugat sa anya, ggubuk tua ban emu. Dewa katanya, nu natalyuyan way ban o anya, kanya ban gaiyan emu kabavn.

Alubad. 50:8

Kwa gsalag nu gfon am gugat sa angku ay fagirugun fag ngay fanggalangun.

Fangatulun 21:3

At matuyan fag fakamulun sik mauseganan sas Yawi gtungud yay sik ngay fanggalangun.

Takamoyung 5:1

Gina am glao sas Dius at bale dirii tua ay ngay fakamulun. Masine tua nu sanya o nu mafalganan tuo gfaning Dius, ay bundi kata sik taw at yud saful masine ay mauri nu sabaliwa nu gfon at fanggalangun.

Isayas 1:11

Katatuy Yawi at longan te, “We tungkul sa angku ay ngay fanggalangun dewa ngayu. Kasuya kwan ay ngay fagirugun fag ngay tupa anggan ay fanggalangun fag ngay baka at taba. Ay kwa guseganan ya ay fanggalangun fag ngay baka ay ngay kambing at taguk.

Isayas 58:6

Ay ku fakaylatun nu yud am gfangon laman darangin, sik darangin tua ke fagmatuyanun: Faragangi wan nu gfakamulun am at mauri, ay matuyani tua nu gfawabilugan am, ay falfasi ngay tagafagsuguanan ay gubuki tagafalingunan.

Eremyas 22:16

Am mama nagubuk tua at yud e kwa ay tagayudan, nu katanya, ngay taw maksvn nu kesug anya. Kata anya tagtoglag angku.

Eremyas 7:22

Gina au gfaduksun ay ngay mangaguyang siginans talun Igiptu, ku ngay suguan sa anya fagayu bundi lang sabaliwa nu gfon fagirugun fag fanggalangun, ay tiba yak fanggalangun,

Daniel 4:27

Nu katanya, mesug fag fun, dungugani ku ngay fangatulun sa emu: faragangi wan am fagmauriun, ay fakamuluni at matuyan ay afanyui at ngay tagidapan. Nu nafakamulun tua ban o takatanya fagayu, manabayan tua ban o gugat.”

Usea 14:2

Afolii wan sas Yawi ay longi sa anya te, ‘Falyami wan em ngay asalanan, ay aylati emi kata am fagmasineun, laman mafauseganan ami emu.

Usea 2:20

Kabavn ban matuyan ktua sa ayu, ay gtuyan ban am angku te, au wan Yawi.

Usea 4:1

Ngay taw Israel, dungugani, Yawi gfayud ayu: “Fagayu am tagbanwan ste, wam matuyan, ay wam kesug ay wam gtoglag ya angku.

Usea 8:13

Kanya fagayu nafon sa angku at ngay fanggalangun ay naon yamas, dewa katanya, kwa guseganan anya fagayu. Siginan takatanya, namatang au at ngay fagmauriun, ay namaurianan au anya fagayu aroro sat ngay asalanan, ay namafoli sas talun Igiptu.

Amus 5:21

Yawi glong te, “Kauri kway ay ngay fagmafulun ay kwa guseganan takatanya ay ngay fakamulun.

Mikas 6:6

Ay sik taw Israel gbalus te, “Nataw ro ku fanggalangun sas Yawi gina au nanseg anya? O masine way ro sik tumad baka ku fagnangirugun laman ku fanggalangun?

Mikas 6:8

Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

Mateu 12:7

Amatangani Dius at Longan te, ‘Ku fakaylatun bunwa ay fanggalangun, nu bunway kaylat au nu kafanyu tuam ay iba.’ Ay nu nasaful di am kanya fag longan at masuad, diam nangus glong sabaliwa sangay taw at yud e asalanan te, e asalanan.

Mateu 5:7

Mauseganan ngay taw takafanyu tua at iba katsi, aroro e kafanyu yangay ban anya.

Mateu 9:13

Amatangani ay asafuli at masuad Dius at Longan te, ‘Ku fakaylatun bunwa ay fanggalangun, nu bunway kaylat au nu kafanyu am ay iba.’ Aroro ku fagnastaeun kwa namaful at matuyan fag ngay taw sa angku, kayu way at ke asalanan.”

Markus 12:33

Nu kesug tuo tam Dius sas fagdaul am amatanganan, ay sas fagdaul am fagsafulun, ay sas fagdaul am fagmabitsugun, ay nu kesug o am iba kaksvn nu kesug o emu, kanya tua tagtungud fagayu fagirugun fag fanggalangun ay kamayewa fag fanggalangun.”

1 Uan 2:3

Siginan nu gfaning tam Dius at longan, gtuyan tam te, toglag tam anya.

1 Uan 3:6

Nusnga sinu tagbanwan sis Isus di gfataglayun nu gasalanan. Ay nusnga sinu tagfataglayun sas asalanan, kanya wa nalag ay wa natoglag Isus.

1 Samwel 15:22

Ay Samwel gbalus te, “O nunda Yawi nu guseganan ngay fagirugun fag ngay fanggalangun gtungud yap tua sa tagfaning anya? At matuyan, tagfaning Yawi gtungud yap tua ngay fanggalangun. Ay tagdungugan anya gtungud yap tua ngay fanggalangun fag ngay tupa at ngay taba.