Usea 6:5 - Fanawbuid tagsibaliwas Fakayabian

⁵ Nu katanya, nafararang au sa ayu siginan ku ngay taglong at foyungan sa ayu te, namaurianan kban ay namabul ayu kasakit sik limbad.

Usea 6:5 ပူးပေါင်းရင်းမြစ်များ

Fakasigadan 18:25

Gafanud au te, di ro wo nangus gfaurianan at matuyan fag ngay taw gasfuan at mauri fag ngay taw. Ay di ro nangus gsudsudan nu gdama o anya fagayu. O wan tagsaful fagayu taw te, o e asalanan, nu katanya, fakamuluni kata am algan.”

1 Fun 14:6

Ay Akya nu nadungug kafag mangena nu gsakbo, nalong te, “Erubuam at mangena! Sakboi. Wain am fakamaninganun te, tibak taw way o? E nasugu angku laman gfoyung emu sik mabalu fag barita.

1 Fun 17:1

Elyas sik taglong tagbanwan sis Tisbe, sis Gilyad fag afud talun. Kanya nalong sas fun Akab te, “Gfatuyanan au sas Yawi, tagleleg fag Dius ku fagfaningun te, wa ban e damug ay e arak nu seyuk banwa, kway ban gsugu.”

1 Fun 18:17

Ay Akab nu nalag Elyas nainto te, “O o wan at nafae fagidapun sis talun Israel?”

1 Fun 19:17

Kasael namabul fagayu tagseg Baal, ay Yeu namabul fagayu at nalagyu Kasael, ay Elisyu namabul fagayu at nalagyu Yeu.

2 Fun 1:16

Ay Elyas nu ndasug sas fun, nalong te, “Katatuy Yawi at longan te, ‘Wain am fagnasuguun ngay tagfosuk longan laman nangakbang sas Baal-Sebub, furuan Ekrun at fagsegan? O nunda we Dius sis Israel, laman am fagnangakbangan? Aroro sa am nafakamulun takatanya, wa ban o kalunggung ya siginan am fagtiugan. Kabul ban o!’ ”

2 Krunika 21:12

Ay taglong Elyas nariruk sas Euram te, “Katatuy Yawi at longan, am mangaguyang Dabid at Dius. Glong te, ‘Wo nafaning am mama Eusafat ay am fufuama Asa at ugali. Kanya fag dua at nafunan yangay sis Uda.

Ub 15:30

Kanya wa masaruy ya fakabulun, kanya ban umkata sik fun kayu at sanga takairug. Ay Dius sayginan way guyup fagayu at ramraman.

Ub 34:10

Nu katanya, am, dungugani tua angku, am taglong te, gtogdungug am. At mabalyanan fag Dius wa gfakamulun at mauri.

Alubad. 119:120

Gtadtaruyan au kalimu emu, kalimu au am fagnamakamulunun fag ngay faugali.

Alubad. 37:6

Ay kanya namasaful fia sas fagayu taw te, matuyan o. Ay am balyawvtan kata menit nu masulo, gina swabilug menit.

Isayas 11:4

Ay matuyan nu gfawabilugan sat yud e kwa ay ggubuk. Ay siginan at aringang, namaurianan fagdaul daga ay siginan at engasan kanya namabul at mauri fag ngay taw.

Isayas 58:1

Yawi nalong te, “Faksvni nu guro am ay lag gfaragang, kata budyung nu gawang! Longi sa ku ngay taw, Akub at ngay kasugfunanan at ngay asalanan ay at fakamaboun.

Eremyas 1:10

Ay katsi gfili au emu laman namoyung o sa sangay talun at ngay taw ay sa sangay fagfagtainanan te, tiba ban si ayu umfaurianan ay umkamin ay umrasras ay e nangaiyan, ay tiba ban umlindug tua ay umkaksvn.”

Eremyas 1:18

Katsi namaksvn au emu kaksvn sik furuan daul at ke alad, ay kamogat sik turuk ay sik dingding mawatan sanbung. Wa ban e mababo emu dewa ngay fun, ngay tagfangguna, ngay tagfon fanggalangun, ay fagayu tagbanwan sis Uda.

Eremyas 13:13

nanlong o sa anya fagayu te, ‘Yawi glong te, Namaurianan kban fagayu tagbanwan ste fag talun, kata nu nafalangu au anya fagayu. Namaurianan au ngay fun tagsiginans Dabid at ngay kasugfunanan, ngay tagfon fanggalangun, ngay taglong, ay fagayu taw Erusalem.

Eremyas 23:29

O nunda ku ngay longan wa mabalyanan? Ku ngay longan kata sik afuy nu girug ay sik famulpug nu marufa gang.

Eremyas 5:14

Nu katanya, Yawi nalong sa angku te, “Siginan takatanya fag ngay longan, nanlong au sa emu sik foyungan takata sik afuy at namaurianan anya fagayu.”

Esekyel 11:4

Nu katanya, taw at baguama, namoyung o sanya fag ngay taw.”

Esekyel 3:9

ay namakata au emu sik gang at matugas. Nu katanya, lag o kalimu, aroro kanya fagayu sik ngay takamabo.”

Esekyel 32:18

“Taw at baguama, abalui laman sa sangay taw Igiptu ay sa sangay taw tagbanwan sa tibak talun at mabalyanan. Aroro namatong kban kanya fagayu sas daga daga nangagamut at ngay kinbul.

Esekyel 43:3

Ay kanya fag taginfan kata yangay ku nalag ebi gina Dius narasras furuan Erusalem, ay kata yangay ku nalag fag taginfan sas tigyangan Liskung Kebar. Nu nalag au, namalub au sas daga.

Sefanias 3:5

Dewa katanya, Yawi at fagmasineun si tua gugat at furuan. Yawi gfakamulun at matuyan, ay gfasure at fagmatuyanun kayu balabag, ay katanya tua gugat. Dewa katanya, tagfakamulun at mauri we apla ya.”

Fakamulun 7:31

Ay Muisis nu nalag andulo, ay nanangakbang laman nanlingaman, ay kanya nadungug tam Fun nu glong te,

Ruma 2:5

Ay aroro kamaogatun o siginan nu yud o gubun am fagmauriun, nafaksvn o faurianan sa emu, gina ban Dius nafadasug at dotama ay nanginsaful ngay taw at asalanan, sit nafalganan fag menit.

Efesu 6:17

Suluni yangay ay famalabag si ay alfuyu ay buli ay fiso at Masine fag Falad at nafon ayu, at masuad Dius at Longan.

Ebreu 4:12

Dius at Longan gleleg ay maksvn tua ay amaglat yap tua sik fiso tagsumbalian at uyup. Kanya gurus antam ay gtalfus sa tam falad ay sa tam amatanganan ay anggan sa tam ngay lufuan ay tam basad bini, ay saful yangay ngay taw at amatanganan ay at ngay algan.

At Nafasure 1:16

Ay at siun fag daluap gbitbitan fituk galeme ay siginan at bibig e naduksun sik fiso maglat gsumbalian at uyup. Ay at mata maksvn nu masulo kata nu gina sis buknga menit.

At Nafasure 2:16

Nu katanya, ubuni wan ay ngay asalanan. Aroro nu dway ban am nafakamulun takatanya, wa glugo ya kadasug au sa ayu laman namawayan au ngay taw tagfakamulun at mauri, ay gafisoan kban tagsumbalian at uyup takalfas siginan ku bibig.

At Nafasure 9:15

Ay kafag ufatk tagbarita nalfas wan. Ay siginan ebi, kanya fag ufat sik nafalganan wan laman namabul at fatuluk afud ngay taw, nu ginain fag menit, fag magdanun, ay fag banwa.

At Nafasure 9:21

Ay kanya fagayu wa naubun ya at fakamabulun, at fagfangufitun, at fagfanugtugun, ay at fakamatugtugun, ay at fagfangkamulun.

1 Samwel 13:13

Samwel nalong te, “Mauri am nafakamulun! Wo nafaning Yawi am Dius at suguan emu. Nu nafaning di o, satu ban kabavn am ngay kasugfunanan tua tagfunan Israel.

1 Samwel 15:22

Ay Samwel gbalus te, “O nunda Yawi nu guseganan ngay fagirugun fag ngay fanggalangun gtungud yap tua sa tagfaning anya? At matuyan, tagfaning Yawi gtungud yap tua ngay fanggalangun. Ay tagdungugan anya gtungud yap tua ngay fanggalangun fag ngay tupa at ngay taba.

1 Samwel 15:32

Sanya ginan Samwel nalong te, “Fastei Agag, ngay taw Amalek at fun.” Ay Agag guseganan nangakbang Samwel, ay gamatangan te, wa ro gfabul anya.

1 Samwel 15:33

Ay Samwel nalong te, “Nu setain ngayuk mina nu yud e sisian ya aroro nafabul am, katsi ro am mina man at yud e sisian ya.” Ay Samwel nabasing Agag sis Yawi at daga salubangan.