Usea 6:4 - Fanawbuid tagsibaliwas Fakayabian

⁴ Dewa katanya, Yawi nalong sas Israel ay sas Uda te, “Nataw ku fakamulun sa ayu? Nu kesug am angku wa matuyan, kata way sik ayuyus ay kata sik damug masakit kalyam.

Usea 6:4 ပူးပေါင်းရင်းမြစ်များ

Eremyas 3:10

Dewa katanya, kanya fagayu nu kafoli sa angku bunwa sas fagdaul at amatanganan, gfalagan way. Au, Yawi, taglong tuy.”

Eremyas 3:19

Ay guseganan kban glong te, ‘Am wan ku ngay sisian ay gfon kban sa ayu sik talun at masine, sik masine fia fag famonun sas fagdaul daga.’ Nu glong au, gngayan ban am angku te, ‘Mama’ ay wa ban am kasaruayan ya siginan angku.

Eremyas 34:15

Naubun am ay ngay asalanan ay nafakamulun am at matuyan sa ku daga salubangan. Fagayu am naylat am gfalfas ay ngay fagsuguan fag ngay taw Udyu. Ay nawat am ay nasadian sa angku sabaliwa takatatuy si ku bale nu inda at fagnamauseganan angku.

Eremyas 5:23

Dewa katanya, kanya fagayu kamaogatun ay kamabo, ay nalyam ay natalyuyan angku.

Eremyas 5:7

Yawi nalong sa anya fagayu te, “Wain ro ku fagfalyamun ay ngay asalanan? Ay anggan ay ngay sisian natalyuyan wan angku ay nafatuyanan sat yud matuyan fag ngay fagsegan. Nafon koma anggan sa ay ngay sisian at ngay fagayudanun. Dewa katanya, natalyuyan yayam fia angku ay maful am si takamatugtug fag mangena at bale.

Eremyas 5:9

O nunda kwa ro masine gfaurianan anya fagayu aroro sat ngay nafakamulun mauri? Ay o nunda ro kwa yangay masine gfasud takatanya fag ngay taw? Au, Yawi, taglong tuy.”

Eremyas 9:7

Nu katanya, Yawi at Mabalyanan nalong te, “Namasine kban kanya fag ngay taw, kata nu gfasine gintu, ay namaskud kban anya fagayu. Nataw ya ro ku fagmafakamulunun sa anya fagayu?

Usea 11:8

Ngay taw Israel, kwa ban gaiyan ay gfabayan ayu. Kwa ban gfamin ayu kata ku nafakamulun sa sangay furuan Adma ay Sebuyim. Kauri au sa ku amatanganan nung au gfakamulun takatanya sa ayu. Maksvn nu kafanyu au ayu.

Usea 13:3

Nu katanya, umkalyam ban am kata linyabu ay damug sbalabag, ay kata upa nu kalayug gina gtagmara, ay kata anus nu gduksun siginans faraungan.

Usea 7:1

Kaylat koma gfafia ngay taw Israel, aroro ku nalag si anya fagmauriun way lang. Kanya fagayu gfandaya, ay gsakbo sa sangay bale laman nanfangkamul, ay nanfamalabag sa sangay dalan.

Mateu 13:21

Ay kanya fag ngay taw nu gafanud wa glugo, kata kafag bvtang nu yud nalalid. Fagidapun ay famaskud nu ndasug aroro siginan at nadungugan Dius at Longan, kanya fagayu gfangafoliun way.

Tagfangguna 3:12

Ngay taw Israel nadog yay nafakamulun at mauri sas Yawi at daga salubangan. Nu katanya, Yawi nafababawan ngay taw Israel sas Eglun, talun Muab at fun.