Usea 6:10 - Fanawbuid tagsibaliwas Fakayabian

¹⁰ Ngay taw Israel, e nalag au si ayu at maksvn nu mauri. Gseg am sa tibak fagsegan, nu katanya, sik masuya wayam.

Usea 6:10 ပူးပေါင်းရင်းမြစ်များ

1 Fun 12:8

Ay Reubuam wa nafaning kanya fag ngay fagtainan at fangatulun. Abat ngate, nu nanget fangatulun sa way at ngay mabaguama sat ngay fagsud at kin-gurang gasfuan anya.

1 Fun 15:30

Anfasludan takatatuy aroro siginans Erubuam at ngay asalanan at nafae asalanan ngay taw Israel. Kanya fag ngay asalanan nafadotama Yawi, Israel at Dius.

2 Fun 17:7

Anfasludan takatanya sa sangay taw Israel aroro sat asalanan sat Dius Yawi, at nafaduksun anya fagayu siginans talun Igiptu ay at nafalfas anya fagayu siginans Igiptu at fun at fagmabalyananun. Nu katanya, kanya fagayu anke asalanan aroro naseg tibak fagsegan,

Eremyas 18:13

Nu katanya, katatuy Yawi at longan, “Intoi sa tibak talun te, ‘O e nadungug wam at kinfasludan takatanya?’ Ngay taw Israel wa oma e mamalong, dewa katanya, kanya nafakamulun nusnga setaw at mauri!

Eremyas 23:14

Ay nalag kyangay te, sis Erusalem fag ngay taglong at nafakamulun nu mauri aksvn yap tua Samarya at ngay taglong at nafakamulun, aroro kanya fagayu wa matuyan sa angku ay kamuag. Kanya fagayu nafaksvn ngay taw mauri at ngay amatanganan laman gfataglayun gfakamulun at mauri, nu katanya, kanya fag ngay taw wa naubun at ngay fakamulun at mauri. Ngay taw Erusalem nu mauri gsud yay Suduma ay Gumura.”

Eremyas 3:6

Gina Usyas gfunan, Yawi nalong sa angku te, “O nalag o at yud matuyan fag ngay taw Israel at nafakamulun? Kanya fagayu naseg tibak fagsegan si tangabat fag ngay buksul, ay si sangay fun kayu at marabung at lanbung. Kanya fagayu kata sik takamatugtug fag mangena.

Esekyel 23:5

“Ula dewa ku mangena, kanya nanfamatugtug yay gugat sa tibak mangama, ay galabian yay gugat talun Asirya at ngay tagfawayan.

Esekyel 23:7

Ay Ula nanfamatugtug sas Asirya at nafili fag ngay fun ayu sirut ay nafauri ya at sadili siginan nu gseg kafag ngay taw at ngay fagsegan.

Usea 4:11

ay naseg tibak fagsegan. Ngay taw Israel, at bagu ay at dan fag fanlangu gfauri ay ngay amatanganan.

Usea 4:12

Kanya gfamatang way ayu laman nanseg am sa sangay fagsegan at mawatan siginans kayu, ay gafanud am te, kanya ro fag ngay fagsegan gbalus tua ayu. Ay at mauri fag falad gfaylatan ay gtaban ayu, laman nanseg am kafag ngay fagsegan, nu katanya, natalyuyan am angku, kata sik takamatugtug fag mangena.

Usea 4:17

Kanya fagayu kaylat gseg tibak fagsegan, nu katanya, lag kasalag ya anya fagayu!

Usea 5:3

Saful kway ngay taw Israel at ngay fakamulun. Fagayu taw Israel at fakamulun we masuksukan sa angku. Gseg am tibak fagsegan, nu katanya, sik masuya wayam.