Usea 6:1 - Fanawbuid tagsibaliwas Fakayabian

¹ Ngay taw Israel gkamatoan te, “Gewan! Kafoli watam sas Yawi. Aroro kanya nafaurianan antam, kanya yangay ro at mafafia antam.

Usea 6:1 ပူးပေါင်းရင်းမြစ်များ

2 Krunika 30:6

Ay kata fun at suguan, ngay taw tagfosuk longan nalao sas fagdaul talun Israel ay Uda, gbuba fun ay at ngay tagfangguna at rirukan. Katatuy at rirukan: “Ngay taw Israel, anlangfe tuam siginan sangay taw Asirya at fun, nu katanya, katsi wan at buknga nu kafoli am sas Yawi, ay ngay mangaguyang, Abrayam, Isak, ay Akub at Dius, laman kanya kafoli yangay sa ayu.

Ub 16:9

Dius, siginan am dotama nafawayan o angku, ay kata o sik tagfangagat fag mela at narufa ku faknul, ay gfaringgit o am ngay bagang, ay glibayung o angku.

Ub 22:23

Nu kafoli tuo sas Dius, ay nu gfayayu tuo fagmauriun siginan ayu fag talanan, kanya gdog yay gfon sa emu fagmanabayanun kata ebi ginan.

Ub 34:29

Dewa katanya, Dius dewa maragangan ay gsuksuan ginanya fag buknga, we taw malong te, kanya nasalan. At matuyan, Dius gulit tua gugat fagayu taw,

Ub 5:18

Aroro sia yay tagfafia sat nafae fakarukan, ay kanya yangay tagfasun sat nafaidapan fag ngay taw.

Alubad. 30:7

Yawi gina o kesug angku, gdiri tuo angku, ay kata ktua at mogat fag buksul. Ay dewa katanya, gina o natalyuyan angku, anmomuy au.

Alubad. 6:2

Afanyui ay fafiai angku, aroro fagdaul ku bilug mamomuy wan.

Alubad. 71:20

Dewa o nafadasug sa angku ngayuk fagidapun, nafon tuo angku sik fagmabitsugun. Ay kata au sik taw at kinbul, am fagnamalelegun.

Takamoyung 3:3

E buknga gfabul ay e buknga gfafia, e buknga giklas ay e buknga kawat.

Isayas 17:7

Ginanya ban fag menit, fagayu ban taw umkakbang sat nawat anya, sas Israel at Dius at yud e Malong.

Isayas 2:3

Ay kanya ban fagayu glong te, “Bastam sas Yawi at nafili fag buksul, sas Akub at Dius at bale, laman kanya ban gfoyung antam at ngay balyawvtan tam fagnamaningun.” Nu katanya, Yawi ban at foyungan kafagdaul siginans Buksul Siun, tagsis furuan Erusalem.

Isayas 30:22

Amatangani te, mauri way ay nawat fag ngay fagsegan at fangawat sanbung salapi ay gintu. Ukasi wan kata sik fangarus fangigusan fag ramit ay longi te, “Deyud ya kanya!”

Isayas 30:26

Ginanya ban, magdanun dumamlag kaksvn menit. Ay menit nu mayamag kafamut yay fitu ginan, kata nu nafasadi fituk menit at damlag sa sadik menit. Umfasludan ban takatanya gina Yawi gsifig ay gfafia at ngay taw at ngay fakarukan.

Isayas 55:7

Am fag ngay taw at mauri, ubuni wan ay fagmauriun, ay ay ngay ugali at yud matuyan ay fabalii wan ay ngay amatanganan. Ay afolii wan sas Yawi tam Dius, aroro kanya kafanyu tua ayu ay gfalyam ay ngay asalanan.

Eremyas 3:22

“Ku ngay sisian takamaogatun, afolii wan sa angku, ay gfalyam au ay natalyuyanan angku.” Ay kanya fagayu gbalus te, “Agvd, namaning wami emu aroro o wan em Dius Yawi.

Eremyas 30:12

Yawi nalong yay fia sat ngay taw te, “Maksvn wan ay ngay bangbang ay wa ban kafia ya. Wa ban e mananggubuk ay manamafia ayu. Ay wa yangay e famafia ya laman sa ayu.

Eremyas 30:17

Ay gfafia kban ay ngay bangbang, tibak taw dewa nalong te, nafabayan wan ay naiyan ayu fag ngay taw Erusalem. Au, Yawi, taglong tuy.”

Eremyas 33:5

ngay taw Babilunya ban masakbo way. Ngayu ban takabul ste fag furuan, ay aroro maksvn nu kadotama au ayu, nangiklas kwan ay furuan. Gtalyuyan kwa ban tuy fag furuan aroro sat fagmauriun.

Eremyas 33:6

“Dewa katanya, sik menit ban namadasug au fagmafianun stae fag furuan daul ay sat ngay tagbanwan. Ay kanya ban fag ngay taw nu gbanwan maramraman tua ay manabayan.

Eremyas 50:4

“Au, Yawi, glong au te, matuyan ginanya ban fag buknga, ngay taw Israel ay ngay taw Uda kakbang wan sa angku, at Dius Yawi.

Eremyas 50:5

Kanya ban fagayu ginto te, ‘Dada dalan tagsas furuan Erusalem aroro glao ban mi sanya?’ Ay kanya ban fagayu nangawat sik nasadian at yud e fakatabuan laman sa angku ay gamatang tua ban gugat kafag nasadian.

Takabalu 3:11

Ay natangagan angku siginan sad dalan, ay nagat ay naubun wan.

Usea 11:10

Galo am angku nung au gsubang kata sik liun. Ay gina au gsubang, masakit nu guli am siginans fakayabian.

Usea 12:6

Nu katanya, am Akub at ngay sugfun, afolii wan sas Dius, falagi anya te, kesug am anya ay masine wam sa anya. Fataglayuni nu gafanud am sa anya.

Usea 14:1

Usea nalong te, “Am fag ngay taw Israel, afolii wan sa ay Dius Yawi. Nafaurianan am aroro say asalanan.

Usea 14:4

Dius nabalus te, “Gfalyam kban ku ngay taw at fakamaboun ay maksvn nu kesug au anya sas fagdaul ku amatanganan. Aroro nalyam wan ku dotama sa anya fagayu.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Lebitiku 14:48

Dewa katanya, tagfon fanggalangun nu nainsaful wan kanya fag bale gina natubus at ke amling fag ngay dingding ay nu nalag te, we amling ya, tagfon fanggalangun gfoyung te, kanya fag bale masine wan aroro we amling ya.

Sefanias 2:1

Sefanyas nalong sas Uda te, “Yud e apla fag ngay taw, afuli ay ubuni ay ngay asalanan

Deuterunumyu 32:39

Damai au way lang ay Dius! We tibak dius sas day angku. Au at mafabul ay au yangay at mafaleleg, ay au wan at mafae fakarukan ay au yangay at mafafia. Ay we malagyu siginan angku.

1 Samwel 2:6

Yawi e fagmabalyananun gfabul ay gfaleleg taw. Ay e fagmabalyananun namoli taw sat mabulan at talun ay gfalin sanya ginan.

1 Samwel 7:3

Nu katanya, Samwel nalong sa sangay taw Israel te, “Nu kafoli tuam sas Yawi sas fagdaul ay amatanganan, ubuni wan ay ngay fagsegan anggan Asturet at aninu ay falganani ay sadili sas Yawi. Kanyai tua ay fagfaningun. Nu katanya tua ay fakamulun, gfalangfe tua ban ayu siginan sangay taw Filistia.”