Usea 5:3 - Fanawbuid tagsibaliwas Fakayabian

³ Saful kway ngay taw Israel at ngay fakamulun. Fagayu taw Israel at fakamulun we masuksukan sa angku. Gseg am tibak fagsegan, nu katanya, sik masuya wayam.

Usea 5:3 ပူးပေါင်းရင်းမြစ်များ

Isayas 7:17

“Yawi ban namadasug sa emu ay sam fagfanggunaun fag ngay taw ay sam ngay kalongan, sik fagidapun at yud batang kadasug sa ayu, siginan ebi gina talun Israel ay talun Uda gsaruayan. At masuad, namadasug ban sa ayu talun Asirya at fun laman namawayan ayu.

Isayas 7:5

Kanya fag dua anke algan mauri sa emu, ay nalong te,

Usea 1:2

Katatuy Yawi at longan taguna sas Usea, “Famubayi sik mangena takamatugtug, ay ay ngay sisian ban kangayan te, sik takamatugtug fag mangena at sisian, aroro ku ngay taw kata sik ngay takamatugtug siginan nu gseg tibak fagsegan.”

Usea 12:1

Ngay taw Israel gseg at yud e masuad. Fagngabak menit kanya fagayu gfafalo nusnge wain tagtaban anya sas faurianan. Kanya fagayu gtungud yay nu mauri ay nu kamuagan, ay nanangasadi sas Asirya ay talun Igiptu, nu katanya, kanya fagayu gfon sas talun Igiptu langis at yud e famayad.

Usea 13:1

Ebi taguna, gina Efraim at gaban nu garingang, tibak taw Israel gtadtaruyan kalimu famalag te, gsuyu Efraim at gaban. Dewa katanya, kanya fag ngay taw anke asalanan aroro gseg Baal, nu katanya, kanya fagayu anbul.

Usea 13:5

Nalaga au ayu gina am sis talun yud e taw, sit matat fag daga.

Usea 5:11

E gfaidapan ban ay gfamin ngay taw Israel aroro gfaurianan au anya, aroro kanya gfataglayun nu gfaning tibak fagsegan.

Usea 5:13

Ngay taw ban Israel ay ngay taw Uda nu nalag nu gidapan gbanwan, Israel nanget gubuk sas Asirya at fun at mabalyanan, dewa katanya, kafag fun wa magubuk.

Usea 5:9

Talun Israel ban karasras gina gafaurianan fag menit. Anud, umfasludan ban ku longan sas Israel at ngay kasugfunanan.

Usea 6:10

Ngay taw Israel, e nalag au si ayu at maksvn nu mauri. Gseg am sa tibak fagsegan, nu katanya, sik masuya wayam.

Usea 6:4

Dewa katanya, Yawi nalong sas Israel ay sas Uda te, “Nataw ku fakamulun sa ayu? Nu kesug am angku wa matuyan, kata way sik ayuyus ay kata sik damug masakit kalyam.

Usea 8:11

Ngay taw Israel dewa nawat ngayuk fagirugan laman fagnangirugan at famalyam asalanan fag ngay fanggalangun, sanya yangay nu gfakamulun at mauri.

Amus 3:2

“Sas fagdaul daga, am wan ku nafili laman ku ngay taw. Dewa katanya, namaurianan kban ayu aroro sa ay ngay asalanan.”

Amus 5:12

Aroro saful kway at kayuan ay nu se aksvn ay ngay asalanan. Gfalingun am ngay taw at yud e asalanan ay gbul at ngay salapi. Ay wa gsud nu gfawabilugan am sat yud e kwa.

Deuterunumyu 33:17

Ay at fagmabitsugun kata sik tumad baka tama. Ay at fagmabalyananun kata at mela fag baka at sunge. Ay siginan ban at fagmabalyananun kanya ban gbabo ngay talun anggan sa tangayayu fag talun. Kata ban kanya ku fon sa sangay taw Efraim ay sa sangay taw Manase.”

Ebreu 4:13

We taw masuksuk sas Dius. Aroro fagayu nusnge wain masure way sa anya, ay kanya glag way fagayu. Ay sa ban anya nu namoyung tam tam ngay nafakamulun.

At Nafasure 3:15

Saful kway ay ngay fakamulun. Saful au te, wam marios ay wam masugba. Marios wam nangus fia, ay mannga masugba tuam fia.