Usea 5:2 - Fanawbuid tagsibaliwas Fakayabian

² Nafamabo am angku, ay kamabul, nu katanya, namaurianan kban ayu.

Usea 5:2 ပူးပေါင်းရင်းမြစ်များ

Isayas 1:5

Ngay taw Israel, wain ay fakamaboun gugat? O nunda kaylat am gafaurianan? Kabavn ay amatanganan wa mabayan, anggan ay basad taw anmomuy.

Isayas 29:15

Afanyuan am tagsuksuk ay ngay algan sas Yawi. Nu gfakamulun am ay fakamulun si way sad fagmadulumun ay glong am te, “Wa ngap e glag ay we gsaful tam fakamulun.”

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 5:3

Sanya ginan, nalong au sas Yawi te, “O grvbvy o at matuyan fag taw? Nafauri o am nafili fag ngay taw ay wa nkuri. Nafaurianan o anya fagayu ay wa kaylat gfayfoyung. Kanya fagayu nafamaogatun ay wa kaylat gubun at ngay asalanan.

Eremyas 6:28

Kanya fagayu kamabo ay kamaogatun, katugas sik ngay tansu ay sanbung fia. Ay kamalingun ay gfandaya at ngay iba.

Usea 4:2

Abat ngate, gfataglayun wayam glong at mauri sa ay iba, ay kamuag, ay kamabul, ay gfangkamul ay gfanugtug. Ay wam gfaning ya ku ngay faugali, ay wam gfaragang nu kamabul am.

Usea 6:5

Nu katanya, nafararang au sa ayu siginan ku ngay taglong at foyungan sa ayu te, namaurianan kban ay namabul ayu kasakit sik limbad.

Usea 6:9

Ay ngay tagfon fanggalangun kata sik ngay tagfangkamul tagfanya at fagnamauriun. Kanya fagayu gfabul wan ngay taw taglao sas Sekem, ay gfakamulun nusnga setaw fag mauri.

Usea 9:15

Dius nabalus te, “Fagayu ku ngay taw at fagmauriun gfasigad siginans Gilgal. Kanya fagayu gina sanya, kadotama au anya fagayu. Aroro siginan at fagmauriun, gaiyan kwa ban anya fagayu siginan ku fagbanwanan fag talun Israel. Ay kwa ban kesug ya anya fagayu. At ngay tagfangguna kamabo angku.

At Nafasure 3:19

Gfoyung au ay gatul fagayu ku fakesugun fag ngay taw. Nu katanya, ugatani ubuni ay talyuyani ay asalanan.