Usea 5:13 - Fanawbuid tagsibaliwas Fakayabian

¹³ Ngay taw ban Israel ay ngay taw Uda nu nalag nu gidapan gbanwan, Israel nanget gubuk sas Asirya at fun at mabalyanan, dewa katanya, kafag fun wa magubuk.

Usea 5:13 ပူးပေါင်းရင်းမြစ်များ

2 Fun 15:19

Gina Tiglat-Pileser, Asirya at fun, nalao laman namawayan Israel, Menakem nafon anya tuluk safulu e limak fabudbungguan salapi laman kasadi sa anya ay kaaksvn nu gfunan sis Israel.

2 Fun 15:29

Gina Peka gfunan, Asirya at fun Tiglat-Pileser nasakbo sas Israel ay kanya naago ngay furuan Iyun, Abel-Bet-Maaka, Anuak, Kedes ay Kasur, ay kanya naago yangay Gilyad, Galilea ay fagdaul talun Naftali. Ay nataban sas Asirya fagayu tagbanwan sanya fag ngay furuan.

2 Fun 16:7

Akas nasugu at ngay tagfosuk longan laman nanlong sas Tiglat-Pileser, Asirya at fun te, “Au am fagsuguan tagfadiuganan emu. Falangfei angku siginan Aram at fun ay Israel at fun at namawayan angku.”

Eremyas 30:12

Yawi nalong yay fia sat ngay taw te, “Maksvn wan ay ngay bangbang ay wa ban kafia ya. Wa ban e mananggubuk ay manamafia ayu. Ay wa yangay e famafia ya laman sa ayu.

Esekyel 23:5

“Ula dewa ku mangena, kanya nanfamatugtug yay gugat sa tibak mangama, ay galabian yay gugat talun Asirya at ngay tagfawayan.

Usea 10:6

ay gbuba sas Asirya laman sik famonun sat mabalyanan fag fun. Ay nu katanya, ngay taw Israel umkapla aroro gafanud sat ngay fagsegan.

Usea 12:1

Ngay taw Israel gseg at yud e masuad. Fagngabak menit kanya fagayu gfafalo nusnge wain tagtaban anya sas faurianan. Kanya fagayu gtungud yay nu mauri ay nu kamuagan, ay nanangasadi sas Asirya ay talun Igiptu, nu katanya, kanya fagayu gfon sas talun Igiptu langis at yud e famayad.

Usea 14:3

Ay wami get ya fanggubukun siginans Asirya, ay wa yangay mi gseg ya em ngay tagfawayan tagsakayan sis kabayu. Ay wa yangay mi gngayan ya em nawat fag ngay fagsegan te, em ngay dius. Aroro anfanyu tuo emi kata sik ngay sisian at yud e fagtainan ya.’ ”

Usea 2:7

Ay kanya ban dewa namafalo kafag ngay mangama, wa masud. Ay dewa yay nanrvbvy anya fagayu, wa glag. Sanya ginan, kanya glong te, ‘Kafoli kway sa ku mangama aroro gina au magamut si anya, amanabayan yap tua ku kayaunanan.’

Usea 7:11

Kanya fagayu kata way sik labikung tagfangafalingunan ay at yud e fagsafulun. Kanya fagayu nananget oma gubuk sa sangay taw Igiptu ay sa sangay taw Asirya.

Usea 8:9

Kanya fagayu kata way lang sik mela fag asnu tagsesadian ay malyaman sad talun. Kanya fagayu nanget gubuk sas Asirya ay namon famayad sat fagadgalangan fag ngay talun laman ggubuk anya.

Mikas 1:9

Aroro Samarya ban nu maiklasan kata sik buyu yud kafafia, ay umfasludan yangay ban takatatuy sas Uda, anggan sa ku ngay kaiban at fagbanwanan tiba tungud fag furuan Erusalem.