Usea 5:1 - Fanawbuid tagsibaliwas Fakayabian

¹ Yawi nalong yangay te, “Ngay taw Israel, dungugani, anggan am fag ngay tagfon fanggalangun, ay am tagbanwan sis fun at bale daul, aroro kadasug sa ayu sik faurianan: fagayu am kata am sik sangdaw, aroro nasangdaw am ngay taw tagbanwan sis Mispa ay sis Tabur.

Usea 5:1 ပူးပေါင်းရင်းမြစ်များ

Eremyas 11:7

Siginan nu gfaduksun au ay ngay mangaguyang siginans talun Igiptu dasug katsi, gfamatang koma gugat sa anya fagayu te, faningi tua angku.

Eremyas 13:18

Yawi nasugu angku te, “Nanlong o sas fun ay sat mina te, ‘Duksuni wan siginan at fagmalunggungan aroro munakbang wan nu gbul siginan at alfuyu at ngay sangbo.’ ”

Eremyas 46:18

Au Yawi at Mabalyanan ay Fun, gfatuyanan au te, kafanud nu gleleg au, e namabo ban talun Igiptu amabitsug yap tua tibak fawayan, kata Buksul Tabur tagsis wabilug ngay buksul, ay buksul Karmel tagsis tigyangan dagat.

Usea 10:15

Katanya yangay ban takadasug sa ayu ngay taw Betel, aroro maksvn ay fagmauriun. Ay gina gakamenitun wan, matuyan taw Israel at fun umbul wan.”

Usea 4:1

Ngay taw Israel, dungugani, Yawi gfayud ayu: “Fagayu am tagbanwan ste, wam matuyan, ay wam kesug ay wam gtoglag ya angku.

Usea 6:9

Ay ngay tagfon fanggalangun kata sik ngay tagfangkamul tagfanya at fagnamauriun. Kanya fagayu gfabul wan ngay taw taglao sas Sekem, ay gfakamulun nusnga setaw fag mauri.

Usea 9:8

Au wan Dius at taglong ay kanya gufud angku kaduge au gfangguna ayu. Dewa katanya, nusnga nday tam, kaylat wayam gfaidapan angku. Kata au sik manuk tungud at kinsangdaw. Ngay taw Israel wan Dius at natuyan at fagbanwanan, dewa katanya, kanya fagayu kadotama angku.

Uel 1:2

Am fag ngay tagfangguna ay ngay tagbanwan sis Uda, dungugani ku longan sa ayu. Ya batang anfasludan takatatuy dewa ebi gina ay ngay mangaguyang gleleg anggan dasug katsi.

Amus 3:1

Ngay taw Israel, Yawi nafalfas ay ngay mangaguyang siginans talun Igiptu. Dungugani at longan sabaliwa ayu:

Amus 7:9

Ay nangiklas kwa ban ngay taw Israel, Isak at kasugfunanan, at ngay fagnansegan sa tangabat fag afud. Gsugu kban Israel at ngay fawayan laman nangiklas fun Erubuam at fagfunanan.”

Mikas 3:1

Sanya ginan, Mikas nalong te, “Israel ay Uda at ngay fun, dungugani! O nunda bunwa am tagfafasludan at matuyan?

Mikas 3:9

Am fag ngay tagfangguna sis Israel ay sis Uda, dungugani! Wam gfafasludan fagmatuyanun ay wam gfae masuad at matuyan.

Mikas 7:2

Ku longan at masuad, sis talun Israel, kwe nalag nusdi sadi at matuyan sas Dius. We taw ya matuyan, ay galay at sadi grvbvy at buknga laman namabul at iba, kata sik taw nu gfalganan litag at fanggamat mangilafang.

Malakyas 1:6

Yawi at Mabalyanan nalong sa sangay tagfon fanggalangun te, “Sik sisian gsuyu tua at mama ay sik fagsuguan gsuyu yangay at tagfayafun. Ay am, wain ay fagyudun gsuyu angku ay au oma ay mama ay ay tagfayafun? Takatanya ay fakamulun gfauri am angku. Dewa katanya, ginto yayam te, ‘Ay setain nunda nu gfauri ami emu?’

Malakyas 2:1

Yawi at Mabalyanan nalong yangay sa sangay tagfon fanggalangun te, “Gfararang au sa ayu te, nu dway ban am gdungugan ku longan ay gfae masuad nu gfauseganan am angku, gfaurianan kban ayu gasfuan ay nabul nusnge wain. Nafakamulun kwan takatanya sa ayu aroro wam nafae masuad nu gfauseganan am angku.

Tagfangguna 4:12

Ay e nalong sas Sisera te, “Barak nalo wan sas Buksul Tabur,”

Tagfangguna 4:6

Sik menit, Debura nafauro Barak, Abinuam at baguama, tagsiginans Kedes, Naftali at kasugfunanan at fagagbilugun fag talun. Barak nu ndasug, Debura nalong anya te, “Yawi, Israel at Dius, e suguan emu te, namaful o safuluk libuk mangama siginan Naftali ay Sebulun at kasugfunanan, ay tabanani anya fagayu sas Buksul Tabur.

1 Samwel 7:16

Galay banwa, kanya gdalanan sas Betel, sas Gilgal ay sas Mispa laman gfangguna ngay taw Israel sanya.

1 Samwel 7:5

Sanya ginan, Samwel nalong sa sangay taw Israel te, “Afuli ban sas Mispa ay nandarangin kban ayu sas Yawi.”

1 Samwel 7:6

Ay kanya fagayu nu nful wan, nabul mamam ay naugwag sis Yawi at daga salubangan. Ginanya fag menit kanya fag ngay taw wa gfangon laman gdarangin laman gfoyung ay gubun at ngay asalanan sas Yawi. Ay ginanya Samwel nu gfasigad gfangguna ngay taw Israel.