Usea 4:8 - Fanawbuid tagsibaliwas Fakayabian

⁸ Ay naylat wayam ku ngay taw nu gasalanan, laman kayu ay ngay ramraman siginan nu gfon at ngay fanggalangun famalyam at ngay asalanan.

Usea 4:8 ပူးပေါင်းရင်းမြစ်များ

2 Fun 12:16

At famayad asalanan fag fanggalangun ay famalyam asalanan fag ngay salapi wa nabuba sas Yawi at bale, aroro kanya ngay tagfon fanggalangun way at fagagbilugun.

Alubad. 24:4

Tagugali at masine, ay tagamatangan tua at matuyan, ay at yud gseg tibak fagsegan, ay at yud gfatuyanan laman kamuagan.

Alubad. 25:1

Yawi, gdarangin au sa emu. Gafanud au sa emu ku Dius. Lag gfabayan ku ngay fawayan nu gbabo ay nu gfapla angku.

Isayas 56:11

Ay kanya fagayu kata way tagfangkumon fag ngay idu at yud gfangapsug. Ay kata at yud mamatanganan fag ngay tagalaga tupa, ay galay at sadi gfakamulun kata at fakaylatun, ay at fagamatanganun sa way lang at sadili.

Esekyel 14:3

“Taw at baguama, kanya fag ngay tagfangguna kesug tibak ngay fagsegan, ay kanya wan at nafae asalanan anya fagayu. Nu katanya, kwa kaylat kanya fagayu nu get gubuk sa angku.

Esekyel 14:7

Nusnga sinu fag taw Israel ay dewa tibak taw tagbanwan sis Israel, at kinyayu angku ay takesug sa tibak fagsegan, at nafae asalanan anya, ay kanya nu naet sa angku gubuk, siginan nu namainfanyuan kakbang sa sangay taglong, au wan Yawi tagbalus anya siginan sik faurianan.

Usea 10:13

Dewa katanya, natanum wayam fagmauriun, ay ay nagutlu fagmauriun yangay. Nafamuag am, ay fakauriun way at rawvg. Aroro sa ay fagafanudun sa ay sadili fagmakatuun, kata nangus nu ngayu ay ngay tagfawayan,

Usea 12:8

Am fag ngay taw Israel, kamatungudun am glong te, ‘Nafaful ami ramraman, ay katsi, maramraman wami. We malong ya te, anramraman ami siginan at mauri fag ngay balyawvtan, aroro nasaful waymi te, takatanya asalanan.’

Usea 14:1

Usea nalong te, “Am fag ngay taw Israel, afolii wan sa ay Dius Yawi. Nafaurianan am aroro say asalanan.

Lebitiku 6:22

Irugi kanya fag ngay fanggalangun laman sas Yawi. Fakamuluni takatanya fag faugali kabavn ban. Katanya yangay ban at fakamulun sas Arun at kasugfunanan at nangungbus ban anya laman sik fun tagfon fanggalangun.

Lebitiku 6:26

Nusnga sinu fag tagfon fanggalangun at nangirug kafag fanggalangun, masine nu kon yangay ay nu nangon sis Yawi at bale at basad alad.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Malakyas 1:10

Yawi at Mabalyanan nalong yay fia te, “Am tua ban nangus at sadi tagdingding ku sakbawan bale, laman wam namae afuy sas fagirugan nu dway matuyan! Dewa katanya, kwa guseganan ayu ay kwa kaylat ay ngay fanggalangun sa angku.

Ruma 16:18

Takatanya fag ngay taw at fagfaningan bunwa tam Fun Isus nu bunway at sadili way. Kafag ngay taw gdaya ngay taw at mamomuy at amatanganan, siginan takamaylatan ay at masine nu kadungug fag ngay foyungan.

Titu 1:11

At masine salagi wan fagayu tagfakamulun takatanya, aroro gfauri way tibak talanan at fagafanudun. Kanya kaylat gfoyung at yud masine, laman gbul ngayuk salapi.

2 Pedru 2:3

Ay kafag ngay taw gdaya ban ayu siginan at ngay fakamuagun, aroro galabian salapi. Ngaduge wan faurianan nu mafalganan sa kafag ngay taw, ay munakbang wan kanya fagayu nu kamin.

1 Samwel 2:29

Wain ay fagalabianun yay ngay fanggalangun laman sa angku? Wain nu gsuyu o am ngay baguama fagtungudun tua nu gsuyu o angku? Nafabayan o am ngay baguama nu gfataglu at bilug siginan nu kon ngay fanggalangun ku ngay taw Israel at fon sa angku.