Usea 4:2 - Fanawbuid tagsibaliwas Fakayabian

² Abat ngate, gfataglayun wayam glong at mauri sa ay iba, ay kamuag, ay kamabul, ay gfangkamul ay gfanugtug. Ay wam gfaning ya ku ngay faugali, ay wam gfaragang nu kamabul am.

Usea 4:2 ပူးပေါင်းရင်းမြစ်များ

Fakasigadan 4:8

Sik menit, Kain nalong sat arian te, “Gewan, sa wata sgamasun.” Ay nu ndasug wa sanya, Kain nafabul at arian.

Isayas 24:5

Ngay taw tagbanwan sas fagdaul daga nafauri wan at fagbanwanan, aroro wa nafaning Dius at ngay suguan ay wa nadungugan at ngay longan. Kanya fagayu nafamabo ebi at nasadian sas Dius te, namaning tua ban anya.

Isayas 48:1

Dungugani, am, Akub at ngay kasugfunanan, at ngayan yangay te, Israel, tagsiginans Uda at kasugfunanan. Maksvn nu gfatuyanan am sas Yawi at ngayan nu get am sas Israel at Dius. Dewa katanya, kamaningan wayam, aroro wa matuyan ay ngay ugali.

Eremyas 51:5

Dewa katanya, au, Yawi at Mabalyanan, Israel at Dius at yud e Malong, kdi naubun talun Israel ay Uda, dewa at ngay talun ankapnu fagmauriun.

Eremyas 6:7

Kanya fagayu nu gfakamulun at mauri, kata sik bulbug nu gfamilugan. Ay takadungug sit furuan fagmauriun way lang. Glag kway gugat ke ngay fakasaitun ay tagabangbang.

Takabalu 4:13

Andasug takatanya, aroro sa sangay taglong ay sa sangay tagfon fanggalangun at asalanan nu gfabul ngay taw at yud e asalanan.

Esekyel 7:23

Ginanya ban, e nantaban wan ku ngay taw aroro sit furuan gfadfabulan wan ay wa mabayan ya.

Usea 10:13

Dewa katanya, natanum wayam fagmauriun, ay ay nagutlu fagmauriun yangay. Nafamuag am, ay fakauriun way at rawvg. Aroro sa ay fagafanudun sa ay sadili fagmakatuun, kata nangus nu ngayu ay ngay tagfawayan,

Usea 10:4

Kanya fagayu garingang way lang, dewa katanya, we fakamulun. Kanya fagayu kamuag nu gfatuyanan, ay dewa e nasadian, wa gfafasludan. Ay nu katanya, at ngay mamalong kata way sik maganga fag makmak tagtugbung sit naali fag daga.

Usea 11:12

Dius nalong yay te, “Ngay taw Israel malayun nu kamuagan ay nu gfalingun angku. Ay ngay taw Uda anyayu wan siginan angku, Dius at matuyan ay at yud e malong.”

Usea 12:14

Aroro ay nafabul ngayu, nafadotama am angku ay Fun. Nu katanya, gfaurianan kban ayu, ay gfasud kban ayu aroro nafauri am angku.

Usea 5:2

Nafamabo am angku, ay kamabul, nu katanya, namaurianan kban ayu.

Usea 6:8

Furuan Gilyad, ngay taw way mauri ay takamabul at fagbanwanan.

Usea 6:9

Ay ngay tagfon fanggalangun kata sik ngay tagfangkamul tagfanya at fagnamauriun. Kanya fagayu gfabul wan ngay taw taglao sas Sekem, ay gfakamulun nusnga setaw fag mauri.

Usea 7:1

Kaylat koma gfafia ngay taw Israel, aroro ku nalag si anya fagmauriun way lang. Kanya fagayu gfandaya, ay gsakbo sa sangay bale laman nanfangkamul, ay nanfamalabag sa sangay dalan.

Usea 7:3

Kanya fagayu gfauseganan at fun ay at ngay tagfangguna siginan at ngay fagmauriun ay at fakamuagun.

Usea 7:4

Kanya fagayu sik takamabo way fag ngay taw. Ay kata sik tagfatama tinapay at faygangan at yud kalay ya siginan nu gfasigad gluag famabia tinapay yakmay kafag tinapay anbia.

Mikas 3:2

Dewa katanya, wam gfakamulun at matuyan, ay fakaylatun, at mauri way. Nafaidapan am ku ngay kaiban kata nu nabul am at balat, ay nabul am at ngay faknul siginan at bini ay naramyuk, ay nafatama am ay naon.

Mikas 3:9

Am fag ngay tagfangguna sis Israel ay sis Uda, dungugani! Wam gfafasludan fagmatuyanun ay wam gfae masuad at matuyan.

Mikas 6:10

Am fag ngay taw, mauri wayam! Kwa ban kalyam ay nafaful fag ngay ramraman siginan ay balyawvtan at mauri. Nu gtas am wa kasakan. Kauri kway takatanya fag fakamulun.

Mikas 7:2

Ku longan at masuad, sis talun Israel, kwe nalag nusdi sadi at matuyan sas Dius. We taw ya matuyan, ay galay at sadi grvbvy at buknga laman namabul at iba, kata sik taw nu gfalganan litag at fanggamat mangilafang.

Sefanias 3:1

Sefanyas nalong te, “Ida ngay taw Erusalem! Aroro kanya fagayu kamabo Dius ay gfakamulun at mauri ay at ngay tagfangguna kamalingun.

Sakaryas 5:3

Ay kafag tagbarita nalong angku te, “Marirukan sanya fag fagrirukan ngay faurianan takadasug sas fagdaul Israel. Katatuy at marirukan: fagayu tagfangkamul gaiyanan siginans Israel. Ay sit bilingan marirukan te, fagayu takamuagan gaiyanan yangay.

Sakaryas 7:9

“Katatuy ku longan sa ku ngay taw, ‘Matuyani tua nu ginsaful am. E fagmasineuni tua ay e fakafanyuni sas galay am at sadi.

Mateu 23:35

Sumugu kban kafag ngay taw sa ayu, laman Dius at nafalganan fag faurianan sas fagayu at nafabul at matuyan fag ngay taw kadasug yangay ban fia sa ayu, siginan ebi at faurianan sat nafabul Abel, sitsigon at nafabul Sakaryas, Barakyas at baguama. Kanya ebi ay nafabul gina sisad wabilug Dius at bale ay at fagirugan fanggalangun.

Fakamulun 7:52

Ay ngay mangaguyang nafauri Dius at taglong fagayu. Ay kanya fagayu nafabul fagayu tagfoyung te, Kadasug ban at Matuyan. Ay kanya nu ndasug nafoyung am anya sat mauri fag ngay taw ay nafabul.

Deuterunumyu 5:11

Lag am glong ku ngayan nu dway e masuad. Aroro au, ay Dius Yawi, namaurianan au nusnga sinu taglong ku ngayan sat yud e masuad.

Deuterunumyu 5:18

Lag am gfanugtug ay namatugtug.

Deuterunumyu 5:19

Lag am gfangkamul.

1 Tesalunika 2:15

Kafag ngay taw yangay at nafabul tam Fun Isus ay Dius at ngay taglong ebi, ay kanya yangay fagayu at naiyan emi. Dius wa guseganan kafag ngay taw, ay kanya fagayu gfawayan fagayu taw.

At Nafasure 17:6

Ay nalag au kafag mangena nu galangu siginan Dius at ngay taw at taguk, ngay taw at kinbul siginan nu gfaning Isus. Ay nu nalag au anya, andulo au maksvn.