Usea 4:18 - Fanawbuid tagsibaliwas Fakayabian

¹⁸ Kanya fagayu gina galangu, namataladan ngay mangena. Ay at ngay tagfangguna maksvn nu kaylat gfakamulun at mapla fag ngay fakamulun.

Usea 4:18 ပူးပေါင်းရင်းမြစ်များ

Fakasigadan 38:24

Ay nu nlangfe tuluk magdanun, Uda nadungug te, at nugang Tamar nanamatugtug ay nafafion. Ay Uda nalong te, “Bubai anya sas day furuan ay irugi.”

Alubad. 47:9

Ngay talun at ngay fun maful gasfuan Dius at ngay taw, ay Dius wan tagagbilug ngay fun sas fagdaul daga, aroro Dius wan tiba tungud!

Nu Galin 23:8

“Lag am gbul famayad nung way lang sik famaylatan, aroro tuy gfalyam taw siginan at matuyan, ay wa mafafon fagmatuyanun sas taw at yud e asalanan.

Eremyas 2:21

Kata oma am sik masine fag wat ubas ku natanum, dewa katanya, wain ay faginkataun sik rawvg at madanan?

Esekyel 16:15

“ ‘Dewa katanya, nafamanagsag o am fagmasineun ay am fakadungugun. Kata sik takamatugtug fag mangena, nafataladan o sas nusnga sinu fag mangama, ay kanya fagayu nafakamulun sa emu gfaning at fakaylatun.

Usea 4:10

Kon oma am, ay wam kapsug. Ay gseg oma am ay ngay fagsegan laman kae sisian am, dewa katanya, wa ban am kae sisian aroro natalyuyan am Yawi,

Usea 4:2

Abat ngate, gfataglayun wayam glong at mauri sa ay iba, ay kamuag, ay kamabul, ay gfangkamul ay gfanugtug. Ay wam gfaning ya ku ngay faugali, ay wam gfaragang nu kamabul am.

Usea 9:10

Dius nabalus te, “Ngay taw Israel, ebi gina au gfili ay ngay mangaguyang laman ku ngay taw, maksvn nu guseganan au. Kata au sik taw taguseganan nu nalag sik tanum wat ubas nu natugbung si sik talun at yud e taw, ay mannga nu nalag taguna fag rawvg si sik tanuman fun igus. Dewa katanya, nalao wam sas Baal-Peur, ay nafalganan ay ngay sadili sa kafag fagsegan at mauri, ay nu katanya, ansik mauri am kata kafag fagsegan ay fakesugun.

Amus 5:12

Aroro saful kway at kayuan ay nu se aksvn ay ngay asalanan. Gfalingun am ngay taw at yud e asalanan ay gbul at ngay salapi. Ay wa gsud nu gfawabilugan am sat yud e kwa.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Mikas 7:3

Kanya fagayu annanad wan gfakamulun at mauri. At ngay tagfangguna ay at ngay tagwabilug gbul famayad laman namakamulun at mauri. Ay gfaning way at mabalyanan fag ngay taw at fakaylatun, ay masadi yangay laman gfayud e masuad fagmatuyanun.

Deuterunumyu 16:19

Kanya nangus fagayu nu gfawabilugan di gfainbalian at matuyan, ay di e fagfadiugananun. Ay lag gbul famayad, aroro takatanya gsalag way at ke fagsafulun, ay gfaurianan at matuyan, ay gfaylatan sat ngay algan.

1 Samwel 8:3

dewa katanya, wa kata at mama. Aroro kafag dua gfangalabian salapi, ay gbul ngay taw at famayad siginan nu gfadiuganan dewa yud matuyan, ay gsaruy at matuyan.