Usea 4:15 - Fanawbuid tagsibaliwas Fakayabian

¹⁵ Ngay taw Israel, dewa am natalyuyan angku kata sik mangena takamatugtug, lag am gfataip ngay taw Uda. Ay am fag ngay taw Uda, lag am glao sas Gilgal ay sas Bet-Aben laman nanseg angku, ay lag am glong ku ngayan gina am gfatuyanan.

Usea 4:15 ပူးပေါင်းရင်းမြစ်များ

2 Krunika 17:4

nu bunway kanya ankakbang tua sat mama at Dius ay nafaning tua at ngay suguan, abat ngate, gfaning ngay taw Israel nu gugali.

2 Krunika 21:11

Kanya nafawat ya ngay bale fagnansegan sa tangabat fag ngay buknga sis Uda, kanya wan ngay taw Uda ay ngay taw Erusalem at fagnansegun at yud matuyan fag ngay fagsegan.

Isayas 48:1

Dungugani, am, Akub at ngay kasugfunanan, at ngayan yangay te, Israel, tagsiginans Uda at kasugfunanan. Maksvn nu gfatuyanan am sas Yawi at ngayan nu get am sas Israel at Dius. Dewa katanya, kamaningan wayam, aroro wa matuyan ay ngay ugali.

Eremyas 44:26

Dewa katanya, ngay taw Uda tagbanwan sis talun Igiptu dungugani ku longan. Gfatuyanan au te, siginan ban katsi, nusnga sinu fag taw we malong ya ku ngayan. Kwa ban kaylat ya nu glong am ku ngayan gina am gfatuyanan, ay nu glong am te, “Gfatuyanan au sas Fun Dius Yawi, tagleleg fag Dius.”

Eremyas 5:2

Dewa am glong te, ‘Gfatuyanan au sas Yawi, tagleleg fag Dius,’ kamuag wayam.”

Esekyel 20:39

Fun Dius Yawi gdog yay nalong sa sangay taw Israel te, “Nu dway am kaylat gfaning angku, fataglayuni wan nu gfaning am ay ngay fagsegan. Dewa katanya, kadasug ban tibak menit wa ban am mafauri ya ku ngayan siginan nu gfon am ay fanggalangun sa ay ngay fagsegan.

Usea 10:5

Ngay tagbanwan sis Samarya kalimu, aroro at ngay fagsegan fag baka tina tumad sis Bet-Aben umkalyam ban. Ay at ngay tagfon fanggalangun taguseganan sat ngay fagsegan at kamasinean gwayway ban, aroro gbul siginan anya at ngay fagsegan,

Usea 10:8

E rumasras ban at ngay bale fagnansegan si tangabat fag buknga sis Aben, tagfae asalanan ngay Israel. Ay at ngay fagirugan fanggalangun umfaut wan siginan at madugi fag ngay makmak. Ay kanya fagayu glong ban sa sangay buksul te, ‘Fakwani wa emi.’ ”

Usea 11:12

Dius nalong yay te, “Ngay taw Israel malayun nu kamuagan ay nu gfalingun angku. Ay ngay taw Uda anyayu wan siginan angku, Dius at matuyan ay at yud e malong.”

Usea 12:1

Ngay taw Israel gseg at yud e masuad. Fagngabak menit kanya fagayu gfafalo nusnge wain tagtaban anya sas faurianan. Kanya fagayu gtungud yay nu mauri ay nu kamuagan, ay nanangasadi sas Asirya ay talun Igiptu, nu katanya, kanya fagayu gfon sas talun Igiptu langis at yud e famayad.

Usea 12:11

Dewa katanya, ngay taw Gilyad gfataglayun yay gugat at ngay fagmauriun, ay kata way nu yud e masuad. Ngay taw Gilgal gfon ngay tama baka sat ngay fagsegan, ay nu katanya, gfarasras au at ngay fagirugan fanggalangun, ay umkata ban sik nafaful fag ngay gang gina naali at gamasun.

Usea 12:12

Akub nalagyu wan ay nalo sas Aram, ay sanya at fakamulun sik tagalaga tupa laman mafamubay.

Usea 4:12

Kanya gfamatang way ayu laman nanseg am sa sangay fagsegan at mawatan siginans kayu, ay gafanud am te, kanya ro fag ngay fagsegan gbalus tua ayu. Ay at mauri fag falad gfaylatan ay gtaban ayu, laman nanseg am kafag ngay fagsegan, nu katanya, natalyuyan am angku, kata sik takamatugtug fag mangena.

Usea 5:8

Uyupi ngay budyung laman sik famararang sa sangay taw Gibya ay Rama. Fadungugi sas Bet-Aben te, e awayan! Ngay taw Benamin, am at namangguna.

Usea 9:15

Dius nabalus te, “Fagayu ku ngay taw at fagmauriun gfasigad siginans Gilgal. Kanya fagayu gina sanya, kadotama au anya fagayu. Aroro siginan at fagmauriun, gaiyan kwa ban anya fagayu siginan ku fagbanwanan fag talun Israel. Ay kwa ban kesug ya anya fagayu. At ngay tagfangguna kamabo angku.

Amus 4:4

Ngay taw Israel, loi wan sa ay fagnansegan sas Betel ay sas Gilgal ay namamut am sanya ay ngay asalanan. Kayu balabag, bubai ay ngay fanggalangun, ay galay fatuluk menit, bubai yangay ay ngay fasafuluk afud.

Amus 5:5

Lag am sas Betel ay sas Gilgal, ay sas Beerseba laman nanseg tibak fagsegan. Aroro matuyan e tumaban ban ngay taw Gilgal, ay e nangiklas ban furuan Betel.

Amus 6:10

Ay nangirug wan at ngay kalongan. Ay nanginto sat nasuksuan sit bale te, “O e ufud yay o sanya?” Ay nu nabalus te, “Duan,” at nainto glong te, “Lag garingang! Malong o Yawi at ngayan ay mafaurianan antam.”

Amus 8:14

Namaurianan kban ayu, am fag ngay taw tagfatuyanan glong at maksvn sas Samarya, sas Dan ay sas Beerseba at ngay fagsegan, ay wa ban am manangabangkad ya.”

Efesu 5:11

Lag am gfagamutan ngay taw tagfakamulun at yud masine, tagfaning fagmadulumun. Abat ngate, falagi way sa anya fagayu te, mauri at ngay fakamulun.

Uswe 5:9

Ay Yawi nalong sas Uswe te, “Katsi fag menit, gfalyam au ay fakaplaun siginan nu gafagsuguanan am talun Igiptu.” Ay dasug katsi, kafag talun at ngayan, Gilgal.

Uswe 7:2

Siginans Eriku, Uswe e nasugu sik ngay taw laman nanginsaful sas Ai. Ai sik furuan sis fakamenitan baliwa sis Betel, munakbang sis Bet-Aben. Nu katanya, ngay taw nalao laman nanginsaful kanya fag furuan.