Usea 4:13 - Fanawbuid tagsibaliwas Fakayabian

¹³ Ay glao am sa sangay tungud fungsu ay sa sangay buksul ay sa sangay daga kayu at marabung laman namon am ay fagirugun fag ngay fanggalangun. Nu katanya, ay ngay baguina nanamataladan ngay mangama, ay ay nugang fag ngay mangena kamatugtug.

Usea 4:13 ပူးပေါင်းရင်းမြစ်များ

2 Fun 17:7

Anfasludan takatanya sa sangay taw Israel aroro sat asalanan sat Dius Yawi, at nafaduksun anya fagayu siginans talun Igiptu ay at nafalfas anya fagayu siginans Igiptu at fun at fagmabalyananun. Nu katanya, kanya fagayu anke asalanan aroro naseg tibak fagsegan,

2 Fun 23:7

Fun Usyas nasugu yangay laman giklas ngay tagfaebayad fag ngay mangama at bale tagsis Yawi at basad bale. Sanya yangay fag bale ngay mangena at fakawatan lanbung gina nanseg Asera fag fagsegan.

Isayas 1:29

Am fag ngay taw sis Erusalem, maksvn ban nung am kapla, aroro naseg wayam ngay fun kayu daul, ay fagsegun te, umke fagmanabayanun am, ay gina am gseg ay ngay tanum ay nafangayan te, yud e malong.

Isayas 57:5

Ay gseg am ngay fagsegan gina am gtaladan si sangay fun kayu at marabung at lanbung, ay natuyan te, yud e malong. Ay gfon am ay ngay sisian laman ay fanggalangun si sangay fagfamiluganan mamam sis tigyangan buksul.

Isayas 57:7

Kawat am ay ngay fagfiangalayan sa tangabat fag ngay buksul, ay sanya wan nu gfon am ay ngay fanggalangun.

Eremyas 2:20

Ebi gina am gafagsuguanan, kata am sik ngay baka at ke fantungud liug ay sik ngay taw at maubungan masiukan salambitan. Ay nafalfas koma ayu, dewa katanya, wam nafaning angku. Abat ngate, naseg wayam tibak fagsegan si tangabat fag ngay buksul ay si sangay fun kayu at marabung at lanbung, ay ankata am sik takamatugtug fag mangena.

Eremyas 3:13

Longi way lang te, “Nafamabo ami emu, Yawi em Dius, ay nafaning ami tibak fagsegan siginan nu naseg ami si sangay fun kayu at marabung at lanbung.” Ay longi yangay te, “Wami nafaning emu.” Au, Yawi, taglong tuy.’ ”

Eremyas 3:6

Gina Usyas gfunan, Yawi nalong sa angku te, “O nalag o at yud matuyan fag ngay taw Israel at nafakamulun? Kanya fagayu naseg tibak fagsegan si tangabat fag ngay buksul, ay si sangay fun kayu at marabung at lanbung. Kanya fagayu kata sik takamatugtug fag mangena.

Eremyas 44:8

Wain ay fakauriun angku siginan nu kawat am tibak fagsegan? Ay girug am ngay famaebebanglu laman sa kafag ngay fagsegan sanya sis talun Igiptu nu inda nu gbanwan am. Ay nafauri am ay ngay sadili ay nafa sik ngay masuya ay nafae fakaplaun am ayu sa sangay talun sas fagdaul daga.

Esekyel 16:16

Ay tiba am lanbung nagbilug o laman famasine ngay fagnansegan fag bale sa tangabat fag ngay buknga, ay sanya nu gfagbilug o am sadili sa sangay mangama. Wa nangus anfasludan takatanya.

Esekyel 16:25

Ay si sangay sagbatan, narasras o am kamasinean ay nafagbilug o am sadili sas nusnga sinu fag mangama. Anud, nafagbilug wo fia am sadili.

Esekyel 6:13

Ay gina ban at ngay kaiban at mabulan magamut sit ngay fagsegan, sit day fagirugan at ligung, ay si sangay buksul, ay si sangay tungud buksul, ay si sangay fun kayu tagbia, ay si sangay fun kayu at marabung at lanbung, ay fagayu kayu ensina at marabung, sat fagnangirugan gugat at ngay fagirugun at mabebanglu fag lune laman sat ngay fagsegan, sumaful te, au wan Yawi.

Usea 10:8

E rumasras ban at ngay bale fagnansegan si tangabat fag buknga sis Aben, tagfae asalanan ngay Israel. Ay at ngay fagirugan fanggalangun umfaut wan siginan at madugi fag ngay makmak. Ay kanya fagayu glong ban sa sangay buksul te, ‘Fakwani wa emi.’ ”

Usea 11:2

Dewa katanya, dewa au gfataglayun guro ngay taw Israel, kaugat way nu kayayu angku. Kanya fagayu gfon fanggalangun ay girug ngay famaebebanglu sat fagsegan Baal.

Usea 2:13

Gfaurianan au anya aroro kanya nairug ngay famaebebanglu sas Baal fag ngay fagsegan, ay nasulun bauyung ay fanumyu, ay nanangalo at ngay mangama, ay nalyam wan angku. Au, Yawi, taglong tuy.

Amus 7:17

Katatuy Yawi at longan sabaliwa emu te, ‘Am mangena ban umsik takamatugtug si ay furuan, ay am ngay sisian ban umbul sas awayan. Ay am ngay fawayan ban nangafudan am daga, ay o ban umbul o sa tibak talun. Ay matuyan wan e tumaban ban ngay taw Israel sa tibak talun.’ ”