Usea 4:11 - Fanawbuid tagsibaliwas Fakayabian

¹¹ ay naseg tibak fagsegan. Ngay taw Israel, at bagu ay at dan fag fanlangu gfauri ay ngay amatanganan.

Usea 4:11 ပူးပေါင်းရင်းမြစ်များ

Fangatulun 20:1

Tagfasawe nu gmamaman fanlangu, at rawvg kamalingun ay fagyudun manabayan, nu katanya, nusnga sinu fag taw tagmamaman fanlangu, we fagsafulun.

Fangatulun 31:4

Lemwel, wa masine sik fun nu ginum at malangu fag fanginum. Ay wa yangay masine sa sik ngay tagfangguna nu ginum fanlangu.

Fangatulun 6:32

Tagfanugtug sat ibama at bubay, we fagsafulun, ay gfauri ya at sadili,

Takamoyung 7:7

Sik taw ke fagsafulun nu nafamuag way, kanya kata way sik yud e fagsafulun. Nu nabul wo famaylatanun, nafauri wo am fagmasineun.

Isayas 28:7

Ay dewa katanya, ngay tagfon fanggalangun ay ngay taglong granranugan aroro galangu, ay at ngay amatanganan wa maugali ya. Ay ngay taglong gsalan wan nu gfae masuad at ngay taginfan, ay ngay tagfon fanggalangun wa masine at ngay algan.

Isayas 5:12

Gina am maful si ay fagmafulun, ay amatanganan sa way baliwa ay ngay fagfawangun ke ngay bakyang, ay ngay fagfadkalinganun, ay tulali, ay anggan ay ngay fanlangu. Dewa katanya, wam gamatangan ya sabaliwa Yawi at nafakamulun laman sa ayu.

Eremyas 23:13

Nalag au Samarya at ngay taglong at nafakamulun at maksvn nu mauri. Kanya fagayu ginsaful siginan nu guro Baal at ngayan, ay nafalyam ku ngay taw Israel at fagmatuyanun.

Usea 4:12

Kanya gfamatang way ayu laman nanseg am sa sangay fagsegan at mawatan siginans kayu, ay gafanud am te, kanya ro fag ngay fagsegan gbalus tua ayu. Ay at mauri fag falad gfaylatan ay gtaban ayu, laman nanseg am kafag ngay fagsegan, nu katanya, natalyuyan am angku, kata sik takamatugtug fag mangena.

Usea 5:4

Ay mauri fag ngay fakamulun gsalag ayu laman wam kafoli sa angku. Aroro sik falad gfamatangan ayu laman gseg am tibak fagsegan, ay wam gtoglag te, au Yawi.

Usea 7:11

Kanya fagayu kata way sik labikung tagfangafalingunan ay at yud e fagsafulun. Kanya fagayu nananget oma gubuk sa sangay taw Igiptu ay sa sangay taw Asirya.

Lebitiku 10:9

“Nusnga sinu am talamean at nanakbo sa ku bale, lag am ginum at malangu fag mamam. Nu nafakamulun wayam takatanya, kabul am. Tuy fag faugali ay fagaloan ban kabavn, anggan ay ngay kasugfunanan.

Lukas 21:34

“Mafalganani, laman diam gfangkumon ay glanguan ay gafanawa sabaliwa ay famanwanun, aroro kafag menit umdasug kasakit sik abvt nu kasalan.

1 Samwel 25:36

Abigail nu nfoli wan sat bale, Nabal anke fagmafulun kata nu sik fun. Nabal guseganan ay galangu. Nu katanya, balabag di ya Abigail nu glong sat mangama sabaliwa Dabid nu namablang anya.