Usea 4:1 - Fanawbuid tagsibaliwas Fakayabian

¹ Ngay taw Israel, dungugani, Yawi gfayud ayu: “Fagayu am tagbanwan ste, wam matuyan, ay wam kesug ay wam gtoglag ya angku.

Usea 4:1 ပူးပေါင်းရင်းမြစ်များ

1 Fun 22:19

Ay Mikaya nalong yangay te, “Dungugani Yawi at longan! Nalag au Yawi nu malunggung sit faglunggungan, ay at ngay tagbarita nu malindug gsumbalian sit dua tigyangan.

Alubad. 81:9

Lag am kawat ay gseg tibak fagsegan.

Isayas 1:10

Ay am fag ngay tagfangguna sis Suduma, dungugani fia Yawi at longan sa ayu, ay am fag ngay taw Gumura asafuli Dius at ngay faugali.

Isayas 1:18

Yawi glong te, “Wainyayam, gyadyamagan watam! Dewa maksvn ay fagmauriun namalaksi au ayu, kata nu gbakbak at masuya fag ramit ay at kinfegus wan, laman umkata am sik dingin at barugwak nu malaksi.

Isayas 28:14

Nu katanya, dungugani Yawi at longan sa ayu, am takamalingun fag ngay tagfangguna Erusalem at ngay taw.

Isayas 34:1

Am fag ngay talun at ngay taw, akbangi ay dungugani angku. Fagdaul daga dungugani anggan fagayu tagsanya.

Isayas 34:8

Aroro Yawi e nafalganan tua sik menit laman namasud at ngay fawayan laman ggubuk ngay taw Siun.

Isayas 5:3

Nu katanya, tagagbilug tanuman wat ubas nalong te, “Ngay taw Erusalem ay Uda, insafuli. Tain ay amatanganan sabaliwa angku ay sa ku tanuman wat ubas?

Isayas 59:4

Wam gamatangan ya fagmatuyanun; kamuagan am sa ay iba. Mauri way ay ngay amatanganan anggan ay ngay fakamulun.

Isayas 59:8

Wam e fagsafulun sabaliwas fagmanabayanun, ay wa matuyan ay leleganan. Ay nusnga sinu ban at namaning ay ngay fakamulun, wa yangay ban manabayan.

Isayas 66:5

Fagayu am tagfaning Yawi at longan, dungugani at ngay foyungan: “Aroro matuyan tuam sa angku, ay ngay iba ankuri ay naiyan ayu. Kanya fagayu gfalingun glong te, ‘Yawi nangus gfalag wan sa ayu at fagmabalyananun laman lumag ami nu guseganan am!’ Kanya ban fagayu umkapla way.

Eremyas 11:7

Siginan nu gfaduksun au ay ngay mangaguyang siginans talun Igiptu dasug katsi, gfamatang koma gugat sa anya fagayu te, faningi tua angku.

Eremyas 19:3

Longi ro te, ‘Uda at ngay fun ay ngay taw Erusalem, katatuy Yawi at Mabalyanan, Israel at Dius, at longan: Gfadasug kban ste fag talun at maksvn fag faurianan ay fagayu ban at nadungug takatanya umlimu maksvn.

Eremyas 2:4

Ngay taw Israel, Akub at kasugfunanan, dungugani Yawi at longan.

Eremyas 2:9

Nu katanya, gdog kyay namamatang ayu ay fagmauriun, anggan ban say ngay kasugfunanan. Au, Yawi, taglong tuy.”

Eremyas 25:31

Umdungug at uro sas fagdaul daga, aroro kanya namaurianan ngay talun aroro sat ngay fagmauriun ay namaurianan anya fagayu yakmay kanya fagayu anbul.’ Au, Yawi, taglong tuy.”

Eremyas 34:4

Dewa katanya, fun Sedekya, dungugani ku fatuyanan sa emu: wa ban o kabul sis awayan,

Eremyas 4:22

Yawi nalong te, “Ku ngay taw we fagsafulun; kanya fagayu wa toglag angku, kata way sik ngay baguama yud e fagsafulun ay at yud gtogdungug, ay annanad gfakamulun at mauri ay wa saful gfakamulun at masine.”

Eremyas 4:28

Fagdaul daga kabalu ay banwa kadulum, aroro nalong kwan ku faurianan ay kwa gfabadbalian ya. Nafalganan kwan ku namatangan ay namafasludan kwan.”

Eremyas 5:4

Nu glong au, kanya fagayu sik ngay yud way e kwa ay at yud e fagsafulun. Aroro kanya fagayu sik ngay yud way saful at Dius Yawi at ngay balyawvtan.

Eremyas 51:5

Dewa katanya, au, Yawi at Mabalyanan, Israel at Dius at yud e Malong, kdi naubun talun Israel ay Uda, dewa at ngay talun ankapnu fagmauriun.

Eremyas 6:13

Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Eremyas 7:28

Nu katanya, nanlong yakman o sanya fag ngay taw te, ‘Am fag gaban taw at yud gfaning ay Dius Yawi ay at yud kaylat gfayfoyung. We si ya ayu fagmatuyanun ay wam e gfoyung ya at matuyan.

Eremyas 9:20

Eremyas glong sa sangay mangena te, Katsi, dungugani fia Yawi at longan. Ay foyungi ay ngay baguina ay anggan ay ngay iba nu setain nu nanwayway ay nu nangabalu.

Eremyas 9:3

Yawi nalong te, “Kanya fagayu mafalganan kamuag kata at matonan fag godun. Fakamuagun way lang ste fag furuan takadungug ay we fagmatuyanun ya. Maksvn wan kanya fagayu nu gfakamulun at mauri ay wa gtoglag ya angku.

Eremyas 9:7

Nu katanya, Yawi at Mabalyanan nalong te, “Namasine kban kanya fag ngay taw, kata nu gfasine gintu, ay namaskud kban anya fagayu. Nataw ya ro ku fagmafakamulunun sa anya fagayu?

Esekyel 16:35

“ ‘Nu katanya, dungugani ku longan emu!

Usea 12:2

Usea nalong te, Yawi e ngay longan yangay laman sa sangay taw Uda, Akub at ngay sugfun. Ay gfaurianan ban anya fagayu aroro sat mauri fag ngay ugali, ay gfasud ban tagalvngvdan at nafakamulun.

Usea 12:3

Ebi, at fufuama Akub gina yay sit mina at ungdan, kaylat gdaya at kaka Isaw. Ay kanya nu nbia wan, nafagbuan Dius

Usea 5:1

Yawi nalong yangay te, “Ngay taw Israel, dungugani, anggan am fag ngay tagfon fanggalangun, ay am tagbanwan sis fun at bale daul, aroro kadasug sa ayu sik faurianan: fagayu am kata am sik sangdaw, aroro nasangdaw am ngay taw tagbanwan sis Mispa ay sis Tabur.

Usea 5:4

Ay mauri fag ngay fakamulun gsalag ayu laman wam kafoli sa angku. Aroro sik falad gfamatangan ayu laman gseg am tibak fagsegan, ay wam gtoglag te, au Yawi.

Uel 1:2

Am fag ngay tagfangguna ay ngay tagbanwan sis Uda, dungugani ku longan sa ayu. Ya batang anfasludan takatatuy dewa ebi gina ay ngay mangaguyang gleleg anggan dasug katsi.

Amus 3:1

Ngay taw Israel, Yawi nafalfas ay ngay mangaguyang siginans talun Igiptu. Dungugani at longan sabaliwa ayu:

Amus 7:16

Dungugani Yawi at longan, o tagsalag angku te, ‘Lag gfoyung at longan sa sangay taw Israel, Isak at ngay kasugfunanan.’

Mikas 6:2

Ay am fag ngay buksul, fagdaul daga at mogat at fagtungkudan, dungugani Yawi at longan sat ngay taw Israel.”

Uan 8:55

Ay wam natoglag anya. Ay au gtoglag ktua anya. Nu glong kway ro te, kwa gtoglag anya, sik takamuag kyangay kata ayu. Ay duan, gtoglag ktua anya ay gfaning ktua at longan.

Ruma 1:28

Aroro kanya fagayu wa kaylat gfaning Dius. Dius nafabayan wan kafag ngay taw sat mauri fag ngay amatanganan, ay sat yud matuyan fag ugali.

1 Kurintu 15:34

Nu katanya, afolii sat masine fag amatanganan, ay ubuni wan ay asalanan. Am tiba wam natoglag Dius. Nafoyung au sa ayu takatanya laman gfapla au ayu.

At Nafasure 2:11

“Nusnga sinu at ke talinga, dungugani at Masine fag Falad at longan sa sangay tagafanud. Nusnga sinu tua ban at nababo, wa ban dumalan sas faduak fakabulun.

At Nafasure 2:29

“Nusnga sinu at ke talinga, dungugani at Masine fag Falad at longan sa sangay tagafanud.