Usea 3:4 - Fanawbuid tagsibaliwas Fakayabian

⁴ At masuad, ngaduge bank buknga ngay taw Israel nu yud e fun ay nu yud e ngay tagfangguna, ay nu yud gfon ngay fanggalangun, ay famamatang fag gang, ay at mafilian fag lanbung at fagagbilugun gina nanginsaful, ay nu yud e ngay fagsegan ya.

Usea 3:4 ပူးပေါင်းရင်းမြစ်များ

Fakasigadan 31:19

Ay ginanya, antunggu Laban nu glao laman nangufo at ngay tupa. Ay kaduge Laban yud sanya, Rakel nafangkamul at mama at ngay fagsegan.

Fakasigadan 31:34

Ay Rakel nasuksuk wan at mama at ngay fagsegan sis daga fanagmak kamelyu at tungud guyuy, ay kanya malunggung sanya. Ay Laban narvbvy at ngay fagsegan sas Rakel at bale ay we nalag.

Fakasigadan 49:10

Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.

2 Samwel 6:14

Dabid nasulun sik mafilian fag lanbung at fangawat at masine fag ramit, kata tagfon fanggalangun at lanbung, ay guseganan gfalelegan at afud bilug sis Yawi at daga salubangan.

2 Fun 23:24

Fun Usyas naiyan taguro ngay kinbul at falad, ay naukas ngay fagsegan tagsi sangay bale, ay tiba yak fagsegan, ay at maksvn nu mauri fag ngay fagsegan sis talun Uda ay sis furuan Erusalem. Kanya nafakamulun takatanya laman gfaning fagayu at marirukan sis nasadian fag fafil, Kilkya fag tagfon fanggalangun at nalag sis Yawi at bale.

2 Krunika 15:2

Ay kanya nanangablang fun Asa, ay nalong anya te, “Fun Asa, dungugani, ay anggan am fag ngay taw Uda, ay ngay taw Benamin. Yawi si tua ayu nu gbanwan tuam si anya. Nu grvbvy tuam anya, lumag am anya. Ay nu natalyuyan wayam anya, kanya gaiyan yangay ayu.

Nu Galin 28:4

Katatuy at fagnangawatun fag ngay lanbung: ke famalanib sit dubdub, ay mafilian fag lanbung, ay takalag fag lanbung, ay tagtayuk at bilug fag lanbung at nafae riruk, ay sangbo, ay famutus fagwan. Ay awati yangay ngay lanbung at mafasamanan sa angku, Arun talamean at fagsulunun, famasaful te, sik ngay tagfon fanggalangun.

Nu Galin 28:6

“At mafilian fag lanbung mawatan siginan at masine fag ramit, tagridrirukun gintu ay melo, maubian ay maraska.

Takabalu 2:9

Erusalem at ngay sakbawan alad anrasras wan. Yawi nalifung wan ay narasras at ngay faningding sakbawan. Ay at fun anggan at ngay tagfangguna natabanan wan sa tangayayu fag talun. We saful ya Yawi at faugali, ay ngay taglong we taginfan ya siginans Yawi.

Esekyel 19:14

At sadi at sanga ankirug ay afuy anrapyag sa tiba yak sanga ay nairug at ngay rawvg. Nu katanya, we sawad ya at sanga laman fangawat fun at tulag. Alubadi nangus katsi takatatuy fag fakabaluun.”

Esekyel 20:32

“ ‘Wa ban umfasludan kata ay algan. Wa ban am mafaning tibak talun at ngay taw tagseg sa sangay fagsegan at mawatan siginans gang ay kayu.

Esekyel 21:21

Aroro Babilunya at fun nanmalindug sanya fag sagbatan ay nanginsaful te, dada ban at dalan. Kanya ban ginsaful siginan at ngay banyas, ay ginto sat ngay fagsegan, ay siginan at ngay fanggalangun fag ngay fagbaugun at dangdangun.

Esekyel 21:31

Namadasug kban sa ayu ku dotama, ay namagbilug kban ayu sa sangay taw tagsaful gfabul.

Daniel 11:31

“Ay tagsis fawalan ban fag fun gsugu sat ngay tagfawayan laman gfauri Yawi at bale at maaladan. Kanya namaragang nu gfon fanggalangun ay namasakbo sas Yawi at bale at mauri fag fagagbilugun laman gfayud e masuad Yawi at bale.

Daniel 12:11

“Siginan ban nu gfaragang nu gfon ngay fanggalangun ay nu gfasakbo sas Yawi at bale at mauri fag fagagbilugun tagfayud e masuad, kalangfe yay ban sadik libu duak sandan siamk safuluk menit yakmay andasug at fakatabuan.

Daniel 9:27

Ay kanya ban fag tagfangguna kawat sik maksvn fag nasadian laman sa sangay taw kaduge fituk banwa. Dewa katanya, nu nlangfe ban tuluk banwa ay unumk magdanun, kanya ban gfaragang wan nu gfon fanggalangun sis Yawi at bale ay kanya ban namasakbo sanya at mauri fag fagagbilugun tagfayud e masuad at bale. Ay kanya ban gbanwan sanya yakmay andasug Dius at nafalganan fag buknga laman sa kafag tagfangguna at fakatabuan.”

Usea 13:10

Dada wan katsi ngay fun ay tiba yak tagfangguna ay namatangan te, kanya ro at mafalangfe ayu? Siginan ku dotama, nafon au ay fagetun, ay siginan yangay ku dotama, nabul au anya siginan ayu.

Usea 2:11

Gfaragang kwan at ngay fagmafulun galay banwa, ay galay fagmafulun sabaliwa Magdanun nu Bagu Kasure, ay galay Famiangalay fag Menit.

Lebitiku 8:7

Sanya ginan, kanya nafasulun sas Arun lanbung tagtayuk at bilug ay anggan famutus fagwan. Ay kanya nafasulun yangay tangaba fag lanbung, ay anggan at mafamilian fia fag lanbung famalanib at ke famutus at masine fia nu mawatan fag famutus fagwan.

Sakaryas 10:2

At mafanud, tibak fagsegan ay ngay taginsaful glong way at yud matuyan, ay kamuagan nu gfoyung at ngay taginfan at masuad. Kanya dewa gfabitsug ngay taw at amatanganan, we fanambagun, nu katanya, ngay taw Israel kata ngay tupa ginkalyaman. Kanya fagayu gidapan aroro we gfangguna.

Lukas 21:24

Tibak taw umbul ban sas fiso, ay tiba e gtaban ban sa tibak talun. Ay at yud Udyu fag ngay taw namabo ban furuan Erusalem, yakmay ban antabu Dius at nafalganan fag buknga laman sa kafag ngay taw.”

Uan 19:15

Ay kafag ngay taw gbarisanan guro te, “Fabuli wan. Fabuli wan. Tuktuki sas fasulungan kayu!” Ay Pilatu ginto e, “O gtuktuk kwan ay fun sas fasulungan kayu?” Ay ngay fun tagfon fanggalangun gbalus te, “We tiba em fun nu bunway talun Ruma at fun.”

Ebreu 10:26

Aroro nu gtikis yay tam gfataglayun sas asalanan, ay nasaful oma tam at matuyan, we fagnamonun ya fanggalangun laman famalyam tam ngay asalanan.

Tagfangguna 17:5

Mikas e sadili bale fagnansegan, ay nafawat ngay fagsegan ay sik mafilian fag lanbung, ay kanya nafili at sadi at baguama laman sik tagfon fanggalangun.

Tagfangguna 18:14

Ay at nananlabgaban furuan Lais fag limak mangama, nalong sat ngay ufud te, “O saful am te, ste fag ngay bale at sadi e lanbung at mafasamanan fia, ay e fagsegan at masifigan sanbung salapi, ay e tiba yayk fagsegan. Tain ro manga tam fakamulun?”

Tagfangguna 8:27

Gidyun nafawat sik mafilian fag lanbung siginan kafag ngay gintu, ay kanya fag lanbung nafasat furuan Ufra. Sanya ginan, ngay taw Israel nadog yay natalyuyan Dius ay naseg Gidyun at nafawat fag lanbung. Kanya sik maksvn fag famaskud sas Gidyun talanan.

1 Samwel 14:3

Ay ginanya, sanya yangay Akya fag tagfon fanggalangun. Kanya galanbungan at mafilian fag lanbung, tagfon fanggalangun at lanbung. Akya, Akitub at baguama. Akitub, Ikabud at kaka ay Finekas at baguama. Ay Finekas, Eli at baguama. Eli, Yawi at nafili laman tagfon fanggalangun ebi sis Silu. Ay we nasaful te, Yunatan nalao wan.

1 Samwel 15:23

Fakamaboun sas Yawi gsud yay nu mauri fagfangufitun, ay takamaogatun nu mauri gsud yay tagseg tibak fagsegan. Aroro wo nafaning Yawi at longan, kanya wa kaylat ya emu laman ngay taw Israel at fun.”

1 Samwel 2:18

Ginanya, Samwel dewa sisian yay, gfakamulun wan sas Yawi. Kanya galanbungan at mafilian fag lanbung at mawatan siginan at masine fag ramit kata sik tagfon fanggalangun.

1 Samwel 21:9

Ay kafag tagfon fanggalangun gbalus te, “Ste Gulyat at fiso am nafabul fag taw Filistia sis datag Ela. Kafag fiso masifigan sik ramit malaksi ay magamut si sangay tagfon fanggalangun at lanbung. Nu kaylat tuo, namul wo. Kanya way lang at fiso ste.” Dabid nalong te, “Agvd, foni sa angku kafag fiso. Kanya amasine yap tua tibak famawayan fag fiso.”

1 Samwel 22:18

Nu katanya, fun Saul nasugu Dueg te, “Fabuli kanya fag ngay tagfon fanggalangun!” Ay Dueg nafabul anya fagayu. Dueg at nafabul ginanya fag menit waluk safulu e limak tagfon fanggalangun.

1 Samwel 23:6

(Gina Abyatar, Akimelek at baguama, glagyu laman nangalo Dabid sas furuan Keyla, kanya gbuba at mafilian fag lanbung tagfon fanggalangun at fagsulunun.)

1 Samwel 23:9

Ay Dabid nu nasaful te, Saul e algan nanggamat anya, kanya nalong sas Abyatar te, “Fastei am buba fag lanbung at mafilian.”

1 Samwel 30:7

Ay Dabid nalong sas tagfon fanggalangun Abyatar, Akimelek at baguama, te, “Fastei tagfon fanggalangun at lanbung.” Ay Abyatar nabuba sas Dabid,