Usea 3:1 - Fanawbuid tagsibaliwas Fakayabian

¹ Yawi nalong sa angku te, “Usea, ulii yap, ay namasaful o sam mangena te, kesug yay o fia anya dewa sik takamatugtug. Esugi anya kata nu kesug au ngay taw Israel dewa naseg tibak fagsegan siginan nu gfon ngay tinapay ke ngay famasuglat.”

Usea 3:1 ပူးပေါင်းရင်းမြစ်များ

2 Samwel 6:19

Ay kanya nafon tinapay, yamas ay pasas sa sangay taw Israel, mangama man ay mangena. Sanya ginan kanya fag ngay taw noli wan sat mesa bale.

2 Fun 13:23

Dewa katanya, Yawi kafanyu tua gugat ay gamatang anya fagayu aroro sat fatuyanan sas Abrayam, Isak, ay Akub. Nu katanya, dasug katsi, Israel di nkamin ay di naiyanan.

1 Krunika 16:3

Ay kanya nafon tinapay, yamas, ay pasas sa sangay taw Israel, mangama man ay mangena.

Nemyas 9:31

Aroro sik mafangafanyu tuo, di o nafabayan nu kamin, aroro o wan at mafangafanyu ay at yud gfangalyam fag Dius.

Alubad. 123:2

Yawi em Dius, gfanya ami nu kafanyu o emi, kata sik fagsuguan nu gfanya at tagfayafun nu gfon sa anya.

Nu Galin 32:6

Ay nu katanya wan, fagayu taw Israel masurip nu kafulo laman namon at fagirugun fag ngay fanggalangun ay anggan at ngay fanggalangun laman sas fagmanabayanun. Fagayu gfangon ay ginum ay gfauseganan at fagsegan.

Sulumun at Alubad 2:5

Foni angku at matamis fag ngay rawvg laman ro gdog kyay kabitsug, aroro at kaksvnan nu kesug au, anmomuy au.

Isayas 45:22

Fagayu am sas fagdaul daga, akbangi sa angku laman umlangfe am. Aroro au wan Dius ay we tiba ya.

Eremyas 3:20

Dewa katanya, ngay taw Israel natalyuyan angku, kata sik mangena at naubun at indugan. Au, Yawi, taglong tuy.”

Eremyas 31:20

Yawi gbalus te, “Ngay taw Efraim, o nunda am wan ku fakesugun ku ngay sisian? Dewa malayun nu glong au sa ayu at mauri, kesug ktua gugat ayu. Kaylat ktua gugat ay kafanyu ayu.

Usea 11:8

Ngay taw Israel, kwa ban gaiyan ay gfabayan ayu. Kwa ban gfamin ayu kata ku nafakamulun sa sangay furuan Adma ay Sebuyim. Kauri au sa ku amatanganan nung au gfakamulun takatanya sa ayu. Maksvn nu kafanyu au ayu.

Usea 4:11

ay naseg tibak fagsegan. Ngay taw Israel, at bagu ay at dan fag fanlangu gfauri ay ngay amatanganan.

Usea 7:5

Gina at fun at fangasalug fag menit, kanya fagayu nafainum fanlangu sas fun at ngay fagsuguan. Ay anggan at fun ginuman yangay gasfuan at ngay fagsuguan at yud gfadiuganan anya.

Amus 2:8

Ay kanya fagayu gtiug sis day fagirugan ay galanbungan ngay taw at yud e kwa at nafaulbus laman famatuyan te, namayad yay ban at ngay bedan. Ay kanya fagayu gmamaman si ku bale, ay at famayad at ngay bedan at nabul way siginan at yud e kwa.

Amus 6:6

Afanyuan am at kinnanad ginum fanlangu ay takaylat grarus famaebebanglu at mabyat nu kabayad, ay at yud kabalu takadasug ban fag faurianan sat talun.

Mikas 7:7

Dewa katanya au, gafanud au sas Yawi ku Dius. Gfanya au anya, ku tagfalangfe ay ku taggubuk.”

Sakaryas 1:16

“Nu katanya, Yawi nalong te, ‘Kafoli kban e fakafanyun sas Erusalem, ay gdog kban namawat ku bale. Ay Erusalem ban katanya tua gugat.’ Au, Yawi at Mabalyanan, taglong tuy.”

Mateu 26:50

Ay Isus nalong anya te, “Sama, faningi am algan.” Ay arodi ngay taw ankakbang sas Isus, ay nagamat Isus ay nataban.

1 Kurintu 10:21

Wam mafafagdua nu ginum am sa tam Fun at faginuman ay sat mauri fag ngay falad at faginuman. Ay wam mafafagdua nu gfangon am sa tam Fun at fagfangonan ay sat mauri fag falad at fagfangonan.

1 Kurintu 10:7

Lag am gseg yud matuyan fag ngay fagsegan, kata ebi tiba at fakamulun. Kata at kinriruk te, “Fagayu taw malunggung laman kon ay ginum, ay malindug gfalelegan at ngay afud bilug laman gseg ngay fagsegan.”

1 Pedru 4:3

Faragangi wan nu gfakamulun kata ebi ay fakamulun, kata ngay taw at yud natoglag Dius at fakaylatun gfakamulun: nu gfaning am ay bilug at fakaylatun, ay nu kamasaweun am nu guseganan am, ay nu glanguan am, ay nu gseg am at yud matuyan fag ngay fagsegan.

Tagfangguna 10:16

Sanya ginan, ngay taw Israel naubun wan at ngay fagsegan ay naseg Yawi. At matuyan, Yawi wa kagwanta glag ngay taw Israel nu gidapan.

Tagfangguna 9:27

Gina fanrawvgan ubas, ngay taw nawat fanlangu siginans rawvg ubas. Ay kanya fagayu anke fagmafulun ay nafauseganan at fagsegan sit fagsegan at bale. Ay kaduge kon ay ginum fanlangu, ngay taw gfalingun Abimelek.