Usea 2:8 - Fanawbuid tagsibaliwas Fakayabian

⁸ Gumer wa namatangan ya te, au at nafon anya ngay rawvg, ngay fanlangu, langis ay ngayuk gintu ay salapi. Ay kafag ngay gintu ay fag ngay salapi kanya wan kafag ngay mangama at fangawat Baal fag fagsegan.

Usea 2:8 ပူးပေါင်းရင်းမြစ်များ

1 Krunika 29:16

“Yawi, em Dius, siginan way emu fagayu em fon laman famawat am bale, laman famauseganan am ngayan at yud e malong. O way tagagbilug kanya fagayu!

Ub 19:8

Dius nabalabag ku dalan, ay nafadasug sik dulum laman kwa nanlao sanya.

Isayas 1:3

Ngay baka gtoglag tua at tagalaga, ay ngay asnu saful tua nu dada at fagnamafangonan, dewa katanya, ku ngay taw Israel wa gtoglag angku, ay we fagsafulun.”

Isayas 46:6

Tibak taw gfasure gintu ay sanbung salapi, ay namawat sa sangay taw takawat fagsegan, ay kanya fagayu nantudan ay nanseg at nafawat fag fagsegan.

Eremyas 7:18

Ngay sisian ayu daul gfansarab, ay at ngay mama gfaigang, ay at ngay mina kawat tinapay laman at fanggalangun sat fagsegan at nafangayan te, Tagsis Banwa fag Mangena fag Fagsegan. Ay kanya fagayu gfon yangay ngay fanlangu sa tibak fagsegan laman gfauri angku.

Esekyel 23:41

Sanya ginan, kanya nanmalunggung si sik masine fag fagtiugan sit salubangan ke fagfatungkudan. Ay kanya nafoli sa kafag fagfatungkudan at fanggalangun ma sa angku fag ngay famaebebanglu fag lune ay langis.

Daniel 3:1

Fun Nabukudunusur nafawat sik fagsegan at fangawat gintu. At kabatan siamk safuluk darafa gsugfunan ay at rafad siamk darafa gsugfunan. Ay nu ntabu wan nu kawat, kanya nafalindug sis datag Dura, sis Babilunya fag afud talun.

Daniel 5:23

abat ngate, nalong way o te, gtungud tuo tagsis banwa fag Fun. Nasugu o laman namul ngay taya tagsis Yawi at bale, ay nainum am fanlangu sanya ginan, o, ay am takadungug fag ngay taw, am ngay mangena, ay tiba ya am ngay mangena fag ngay fagsuguan. Saman kanya, naseg o tibak fagsegan at mawatan sanbung salapi, gintu, tansu, sanbung, kayu ay gang. Kafag ngay fagsegan wa glag, ay wa gdungug, ay we fagsafulun. Dewa katanya, wo nafauseganan Dius tagbakvd am leleg ay am ngay fakamulun.

Usea 10:1

Ebi, ngay taw Israel kata sik ngay tanum wat ubas mataglu ay marabung ay at rawvg ngayu tua. Dewa katanya, kaduge kanya fagayu ankayu, kayu yangay nya at nawat fag ngay fagirugan ay gfasine at fagsegan fag ngay gang.

Usea 13:1

Ebi taguna, gina Efraim at gaban nu garingang, tibak taw Israel gtadtaruyan kalimu famalag te, gsuyu Efraim at gaban. Dewa katanya, kanya fag ngay taw anke asalanan aroro gseg Baal, nu katanya, kanya fagayu anbul.

Usea 13:2

Ay katsi, am fag ngay taw Efraim, gfataglayun yayam gfakamulun takatanya fag asalanan. Kawat am ngay fagsegan siginan ay ngay salapi. Ay dewa katanya, takatanya fagayu taw way at nawat. Ay e glong sabaliwa ayu te, ‘Kanya fagayu gfon taw sat ngay fagsegan riangan baka ay gayuk anya.’

Usea 4:11

ay naseg tibak fagsegan. Ngay taw Israel, at bagu ay at dan fag fanlangu gfauri ay ngay amatanganan.

Usea 8:4

Kanya fagayu nafili yay at ngay fun ay at ngay tagfangguna dewa au yud kaylat. Kanya fagayu nawat at ngay fagsegan mawatan siginans salapi ay gintu, ay kafag ngay fagsegan at nafae faurianan anya fagayu.

Abakuk 1:16

Aroro ngayu at nataban, kanya fagayu kamatungudun at ngay fagmakatuun kata sik tagfangalbon nu gseg at fanggamat, siginan nu gfon at mabebanglu fag fanggalangun sat fanggamat. Siginan at fanggamat, kanya anke ngay ramraman ay anke ngay fakonun.

Lukas 15:13

“Ay nu nlangfe nu seyuk menit, at fuyu nafaebayad fagayu, ay nafaful at salapi ay nalo wan sa sik talun tangayayu. Ay kafag baguama nu ndasug wan sanya fag talun, kanya nafamin at salapi sat fagalabianun.

Ruma 1:28

Aroro kanya fagayu wa kaylat gfaning Dius. Dius nafabayan wan kafag ngay taw sat mauri fag ngay amatanganan, ay sat yud matuyan fag ugali.

Deuterunumyu 8:18

Ay amatangani tua te, ay Dius Yawi at nafon ayu fagmakatuun laman karamraman am, kanya nafakamulun katatuy laman gfafasludan at nasadian sa ay ngay mangaguyang kata at nafakamulun katsi.

Tagfangguna 9:27

Gina fanrawvgan ubas, ngay taw nawat fanlangu siginans rawvg ubas. Ay kanya fagayu anke fagmafulun ay nafauseganan at fagsegan sit fagsegan at bale. Ay kaduge kon ay ginum fanlangu, ngay taw gfalingun Abimelek.